Vətəndaş Elgün Rəhimzadə təşəkkür məktubunda üzləşdiyi çətinliklə bağlı ona göstərilən köməyə görə DİN və Zərdab RPŞ-nin rəhbərliklərinə minnətdarlığını bildirir.

Astara rayonunun Ovala kənd sakini Rahim Ağayev öz təşəkkür məktubunda müraciətinin operativ və həssaslıqla cavablandırılmasına, obyektiv şəkildə araşdırılmasına görə DİN rəhbərliyinə minnətdarlığını bildirir.

Biləsuvar rayonunun Ağalıkənd kənd sakini, Qarabağ müharibəsi veteranı Xalıq Səmədov yazır: “Daxili qanaxma ilə Biləsuvar Mərkəzi Rayon Xəstəxanasına çatdırılanda huşumu itirmişəm. Təcili qan lazım olduğu bildirilib. Mənim köməyimə ilk olaraq həmin xəstəxanada xidmətdə olan DİN-in Baş Mühafizə İdarəsinin Cəlilabad Regional Mühafizə Şöbəsinin polis nəfəri Azər Hüseynov çatıb və qan verərək mənim həyata qayıtmağıma yardımçı olub. Bəlkə də o vaxtında qan verib köməyimə çatmasaydı mən indi həyatda olmazdım. Bir daha əmin olduq ki, Azərbaycan Polisi ilə həqiqətən fəxr etməyə dəyər”. Məktub müəllifi Azərbaycan Polisinin fəaliyyətindən razılığını bildirir və xidməti fəaliyyətlərində uğurlar arzu edir.

Astara rayonunun bir qrup sakini DİN rəhbərliyinə ünvanladığı təşəkkür məktubunda qanunsuz balıq ovuna və bu sahədə görülən qeyri-qanuni işlərə qarşı aparılan mübarizə tədbirlərinə, həmçinin bu istiqamətdə sakinlərlə keçirilən maarifləndirici görüşlərə görə Nəqliyyatda Baş Polis İdarəsinin Su Nəqliyyatında Polis İdarəsinin rəisi Rövşən Eyyubova və Lənkəran Xətt Polis Şöbəsinin əməkdaşlarına minnətdarlığını bildirir.

Astara rayon sakini Sərdar İsmayılov DİN rəhbərliyinə ünvanladığı təşəkkür məktubunda səmimi şəkildə qəbul edilməsinə və müraciətinin həllini tapmasına görə Rayon Polis Şöbəsinin rəhbərliyindən razılığını ifadə edir.

Gədəbəy rayonunda yaşan bir qrup sakin DİN rəhbərliyinə ünvanladıqları təşəkkür məktubunda cinayətkarlığa və narkotiklərin qanunsuz dövriyyəsinə qarşı aparılan mübarizəyə, ümumtəhsil məktəblərində keçirilən maarifləndirici tədbirlərə və rayon ərazisində yol hərəkəti təlükəsizliyinin təmin edilməsinə görə Rayon Polis Şöbəsinin rəisi, polisi polkovniki Mehman Həşimovdan razılıqlarını bildirir və minnətdarlıqlarını ifadə edirlər.

Yevlax rayon sakini Qafqaz Məmmədov DİN-ə ünvanladığı məktubunda üzləşdiyi yol-nəqliyyat hadisəsi barədə müraciətinə operativ baxılaraq qısa zamanda ədalətli həll olunduğuna görə DİN rəhbərliyinə və BDYPİ-nin əməkdaşlarına təşəkkürünü bildirir.

Bakı şəhər sakini Zaur Gəncəli evinin qarşısından oğurlanan “Herkules” markalı velosipedinin tez bir zamanda tapılaraq ona təhvil verilməsində göstərdikləri köməyə görə Xətai Rayon Polis İdarəsinin 37-cı Polis Bölməsinin əməkdaşlarına təşəkkürünü bildirir. O, cinayətkarlıqla mübarizədə polisin rolunu yüksək dəyərləndirir və gərgin xidməti fəaliyyətlərində uğurlar diləyir.

Ukrayna vətəndaşı Natalia Tsvihun şikayətinə operativ və obyektiv şəkildə baxılaraq ona dəyən ziyanın ödənilməsində göstərdikləri köməyə görə Sabunçu Rayon Polis İdarəsinin əməkdaşlarına təşəkkürünü ifadə edir. Azərbaycan Polisi tərəfindən ona göstərilən diqqət, qayğı və ədalətli mövqe üçün DİN rəhbərliyinə minnətdarlığını bildirir.