DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Vətəndaş Cavanşir Nəsirov DİN rəhbərliyinə ünvanladığı təşəkkür məktubunda İsmayıllı rayonunda məskunlaşmış məcburi köçkünlərə göstərdikləri diqqət və qayğıya görə, RPŞ-nin əməkdaşlarına öz minnətdarlığını bildirir.

Vətəndaş Rövşən Mövlamov DİN rəhbərliyinə ünvanladığı məktubda vətəndaşlarla xoş rəftar və səmimi ünsiyyətə, göstərdiyi xidmətə görə, İsmayıllı RPŞ-nin əməkdaşı Mahir Nurəliyevə öz minnətdarlığını bildirir.

Lənkəran rayonunun Lüvəsər kənd sakini Gülşən Rzayeva DİN rəhbərliyinə ünvanladığı təşəkkür məktubunda Lənkəran ŞRPŞ-nin rəhbərliyi tərəfindən səmimi şəkildə qəbul olunmasına və etdiyi müraciətlə bağlı köməklik göstərilməsinə görə minnətdarlığını bildirir.

Astara rayonunun Kijəbə qəsəbəsinin sakini Azər Kişiyev DİN rəhbərliyinə ünvanladığı təşəkkür məktubunda cinayətkarlığa və narkotiklərin qanunsuz dövriyyəsinə qarşı aparılan mübarizəyə görə Astara RPŞ-nin rəisi, polisi polkovniki Azər Cahangirova minnətdarlığını ifadə edir.

İmişli rayonunun bir qrup sakini rayonda yaradılmış sabitliyə, əmin-amanlığa və nizam-intizama görə DİN rəhbərliyinə öz təşəkkürlərini ifadə edirlər.

Ağdam rayon sakini Fərhad Soltanlı sürücülük vəsiqəsi almaq üçün imtahan mərkəzlərində yaradılan şəraitə və qayğıya görə DİN rəhbərliyinə minnətdarlığını bildirir.

Bakı şəhər sakini Hatəm Eyvazov üzləşdiyi problemlə əlaqədar göstərdikləri köməkliyə görə DİN rəhbərliyinə və həmkarlarımıza təşəkkür etməyi özünə borc bilir.

Bakı şəhər sakini Mehman Qədirov səhhətində yaranmış problemlə əlaqədar göstərdiyi köməkliyə görə Ucar RPŞ-nin əməkdaşı, polis mayoru Şükür Salahova təşəkkürünü ifadə edir.

Bakı şəhər sakini Bəhram Şiriyev DİN-ə ünvanladığı minnətdarlıq məktubunda bunları yazır: “Gələcəyimizi və gəncliyimizi təhdid edən “ağ ölüm”ə qarşı qətiyyətlə aparılan mübarizə tədbirləri hər birimizin ürəyincədir. Binəqədi RPİ-nin məktəblərdə keçirdiyi maarifləndirmə tədbirləri də çox əhəmiyyətlidir və gənclərimizi zərərli vərdişlərdən uzaqlaşdırır. Göstərdiyiniz diqqət və qayğıya görə Sizə və bütün polis əməkdaşlarına dərin təşəkkürümüzü bildiririk.”