Bakı şəhər sakini Nurlana Həsənova üzləşdiyi yol-nəqliyyat hadisəsi ilə bağlı müraciətinə Suraxanı Rayon Polis İdarəsi tərəfindən operativ baxılaraq obyektiv araşdırıldığını və müvafiq tədbirlərin görüldüyünü qeyd edərək DİN rəhbərliyinə və Suraxanı RPİ-nin əməkdaşlarına minnətdarlığını bildirir.

Hacıqabul rayonunun Rəncbər kənd sakini, Vətən müharibəsi qazisi olan Qadir Zeynallı DİN-ə ünvanladığı məktubunda Sabunçu Rayon Polis İdarəsinin 12-ci Polis Şöbəsinin əməkdaşları tərəfindən şəhid və qazi ailələrinə, o cümlədən ona yüksək diqqət və qayğı göstərildiyini qeyd edir. O, humanist və qayğıkeşliklərinə görə 12-ci Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Elnarə Əliyeva məktubunda metroda azyaşlı oğlunun səhvən başqa stansiyaya getdiyini, yolu bilmədiyindən orada xidmət aparan polis əməkdaşından kömək istədiyini yazır. Orxan adlı polis əməkdaşının uşağı sakitləşdirdiyini, ona zəng edib məlumat verərək heç bir narahatçılığın olmadığını dediyini və uşağı gedəcəyi stansiyaya gətirdiyini qeyd edir.

E.Əliyeva Orxan adlı həmin əməkdaşa, o cümlədən Metropolitendə xidmət aparan bütün polis əməkdaşlarına minnətdarlığını bildirir.

Ramin Agayev adlı sosial şəbəkə istifadəçisi üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Bakı Şəhər Dövlət Yol Polisi İdarəsinin rəhbərliyinə və şəxsi heyətinə təşəkkürünü ifadə edir.

Bakı şəhər sakini Elxan Kərimov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək həll olunmasında, eləcə də ona dəymiş ziyanın ödətdirilməsində göstərdikləri köməkliyə görə Bakı şəhər BPİ-nin rəhbərliyinə və əməkdaşlarına minnətdarlığını bildirir.

Abşeron rayon sakini Adil Cəfərov azyaşlı övladının itkin düşməsi ilə əlaqədar etdiyi müraciətə operativ reaksiya verilərək qısa zaman kəsiyində tapılmasında, eləcə də ailəsinə sağ-salamat qaytarılmasında göstərdikləri köməkliyə görə Nərimanov RPİ 17-ci Polis Şöbəsinin rəhbərliyinə və əməkdaşlarına təşəkkürünü bildirir.

Mətin Mirzə adlı sosial şəbəkə istifadəçisi yollarda tıxacların aradan qaldırılmasında, avtomobillərin rahat, maneəsiz, eləcə də təhlükəsiz şəraitdə hərəkət etməsində xidməti vəzifə borclarını layiqincə yerinə yetirdiklərinə, fədakarlıq göstərdiklərinə görə Baş Dövlət Yol Polisi İdarəsinin rəhbərliyinə və əməkdaşlarına minnətdarlığını yazır.

Naftalan şəhər sakini Elnur Əmirov Daxili İşlər Nazirliyinə ünvanladığı məktubunda müraciətinə operativ baxılaraq qısa zaman kəsiyində həllini tapdığına görə DİN rəhbərliyinə təşəkkürünü bildirir.

DİN-in “İnstagram” səhifəsinin “yusifova.144” adlı izləyicisi DİN rəhbərliyinə ünvanladığı müraciətində Gəncə ŞBPİ-nin Kəpəz RPİ-nin rəhbərliyinin xidməti və vəzifə borclarını layiqincə yerinə yetirdiyinə, asayişin təmin olunmasında, cinayətkarlıqla mübarizədə fəal iştirakına görə minnətdarlığını ifadə edir.