Sumqayıt şəhər sakini Nizami İsmayılov ona dəymiş maddi ziyanla bağlı etdiyi müraciətə operativ reaksiya verildiyinə və məsələnin müsbət həll olunduğuna görə polis əməkdaşlarına dərin təşəkkürünü bildirir.

Qusar rayon sakini Güloğlan Niftəliyev şəhid olmuş oğlunun pul kartından vəsaitin oğurlanması ilə bağlı etdiyi müraciətə polis əməkdaşları tərəfindən xüsusi həssaslıqla yanaşıldığına görə DİN rəhbərliyinə təşəkkür edir.

Astara rayonun Ərçivan kənd sakini Nəsimi Həsənov torpaqlarımızın işğaldan azad olunması uğrunda gedən Vətən müharibəsində iştirak etmiş oğlu İmaməli Həsənovun döyüşlərdə göstərdiyi şücaətə görə Daxili İşlər Nazirliyində qəbul edilməsinə və ona göstərilən yüksək hörmətə görə özü və ailəsi adından DİN rəhbərliyinə təşəkkürünü bildirir.

Bakı şəhər sakini Məhərrəm Namazov qarşılaşdığı problemlə bağlı etdiyi müraciətə operativ reaksiya verildiyinə və məsələnin qısa zaman ərzində müsbət həll olunduğuna görə DİO əməkdaşlarına təşəkkürünü bildirir.

Saatlı rayon sakini Şövkət Fətullayeva üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Azərbaycan Polisinə minnətdarlığını yazır.

Naxçıvan şəhər sakini Hüseyn Alməmmədov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Naxçıvan ŞPİ-nin rəhbərliyinə və şəxsi heyətinə təşəkkürünü ifadə edir.

Bakı şəhər sakini, istefada olan polis polkovniki Georgiy Zapletin DİN rəhbərliyinə ünvanladığı təşəkkür məktubunda göstərilən xoş münasibətə, diqqət və qayğıya görə təşəkkürünü bildirir.

Sumqayıt şəhər sakini Xaqani İmandust DİN rəhbərliyinə ünvanladığı təşəkkür məktubunda şikayətinə tez bir zamanda baxılaraq ona dəyən ziyanın ödənilməsində göstərdikləri köməyə görə Sumqayıt Şəhər Polis İdarəsinin əməkdaşlarına minnətdarlığını bildirir. O, vətəndaş müraciətlərinə həssaslıqla yanılmasının polis-vətəndaş münasibətlərinin günü-gündən yaxşılaşmasına zəmin yaratdığını qeyd edir.

Bakı şəhər sakini Məmmədəli Rzayev DİN rəhbərliyinə ünvanladığı məktubunda müraciətinə tez bir zamanda baxılaraq həllini tapmasında göstərdikləri köməyə görə Sabunçu Rayon Polis İdarəsinin əməkdaşlarına minnətdarlığını bildirir. O, Azərbaycan Polisinin xidməti fəaliyyətini yüksək dəyərləndirir və uğurlar diləyir.