Sumqayıt şəhər sakini Kazım Hüsüyev məktubunda üzləşdiyi dələduzluq faktı ilə bağlı Daxili İşlər Nazirliyinə etdiyi müraciətinə operativ baxıldığını, qısa müddətdə obyektiv araşdırma aparılaraq müvafiq tədbirlərin görüldüyünü qeyd edir. O, müraciətinin müsbət həll edildiyinə görə DİN rəhbərliyinə və polis əməkdaşlarına minnətdarlığını bildirir.

Mingəçevir şəhəri Az DRES “Vaqonlar” qəsəbəsinin sakinləri Pənah Məmmədov,Arif Hüseynov və Gülxar Abdullayeva yaşadıqları şəhərdə polis tərəfindən asayişin yüksək səviyyədə qorunmasına görə DİN rəhbərliyinə dərin təşəkkürlərini bildirirlər.

Berlində yaşayan DİN-in “İnstagram” səhifəsinin izləyicisi Həsən Babayev özəl mülkiyyətinin üzərində hüquqlarının qanunsuz məhdudlaşdırılması ilə bağlı etdiyi müraciətə operativ reaksiya verildiyinə və məsələnin müsbət həll edildiyinə görə minnətdarlığını bildirir.

Bakı şəhər sakini Natiq Bəbirov qarşılaşdığı dələduzluq faktı ilə bağlı etdiyi müraciətə polis əməkdaşları tərəfindən xüsusi həssaslıqla yanaşıldığı və dərhal reaksiya verildiyinə görə DİO əməkdaşlarına minnətdarlığını bildirir.

Beyləqan rayon sakini Tural Xasayov qarşılaşdığı dələduzluq faktı nəticəsində ona dəymiş ziyanın ödənilməsində köməklik edilməsi ilə bağlı etdiyi müraciətə operativ baxıldığına və qısa müddətdə araşdırılaraq müsbət həll olunduğuna görə DİN rəhbərliyinə təşəkkürünü bildirir.

Bakı şəhər sakini Bahadur Məmmədov üzləşdiyi dələduzluq faktı ilə bağlı etdiyi müraciətə dərhal reaksiya verildiyinə və dəymiş ziyanın ona tam qaytarılmasında köməklik göstərdiklərinə görə polis əməkdaşlarına təşəkkür edir.

Cəlilabad rayon sakinləri Təhmasib Nuriyev və Röya Novruzova məktublarında Daxili İşlər Nazirliyinə ünvanladıqları müraciətə operativ reaksiya verildiyini, Cəlilabad Rayon Polis Şöbəsi tərəfindən obyektiv araşdırma aparılaraq müsbət həll olunduğunu və dəymiş maddi ziyanın ödətdirilməsində köməklik göstərildiyini qeyd edərək DİN rəhbərliyinə və Cəlilabad RPŞ-nin əməkdaşlarına minnətdarlıqlarını bildirirlər.

DİN-in “İnstagram” səhifəsinin izləyicisi Sahil Məmmədov tanışı tərəfindən 6000 manat pulunun ələ keçirilməsi ilə bağlı səhifə vasitəsilə etdiyi müraciətə operativ reaksiya verilərək baxıldığına və müsbət həll edilməsinə görə minnətdarlığını bildirir.

Bakı şəhər sakini Rasim Məmmədov etdiyi müraciətin operativ və obyektiv şəkildə araşdırılmasına görə DİN rəhbərliyinə minnətdarlığını bildirir.