Qazax rayon sakini Marina Vəliyeva DİN rəhbərliyinə ünvanladığı təşəkkür məktubunda baş vermiş oğurluq hadisəsi ilə bağlı etdiyi müraciətə tez bir zamanda və operativ baxılaraq, cinayətkarın müəyyən edilməsi və ona dəymiş maddi ziyanın ödətdirilməsində göstərilən köməkliyə görə Qazax RPŞ-nin şəxsi heyətinə minnətdarlıq edir.

Bakı şəhər sakini Rahim Axundov ictimai qaydanın və təhlükəsizliyin təmin olunmasında, vətəndaşların qanuni mənafelərinin qorunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Azərbaycan Polisinə və şəxsi heyətinə minnətdarlığını ifadə edir.

DİN-in “İnstagram” səhifəsinin “i_m_g_97” adlı izləyicisi təşəkkür məktubunda müraciətinin müsbət həll olunmasına görə Gəncə ŞBPİ-nin rəhbərliyinə minnətdarlığını bildirir.

Bakı şəhər sakini Zaur İbadov Daxili İşlər Nazirliyinə ünvanladığı məktubunda müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə minnətdarlığını bildirir.

Vətəndaş Xəyalə Həzrətova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və Gəncə ŞBPİ-nin əməkdaşlarına minnətdarlığını bildirir.

Bir qrup Qazax rayon sakini DİN rəhbərliyinə ünvanladıqları təşəkkür məktubunda xidməti vəzifələrini layiqincə yerinə yetirdiklərinə görə Qazax RPŞ-nin əməkdaşlarına minnətdarlıq edirlər.

DİN-in “İnstagram” səhifəsinin izləyicisi, Abşeron rayonunun Mehdiabad qəsəbə sakini Ramis Rzayev oğurluq faktı ilə bağlı səhifə vasitəsi ilə etdiyi müraciətinə Binəqədi RPİ-nin 5-ci Polis Bölməsində operativ baxılaraq qısa müddətdə müsbət həll olunduğuna görə başda DİN rəhbərliyi olmaqla daxili işlər orqanlarının şəxsi heyətinə, eləcə də Binəqədi RPİ-nin əməkdaşlarına təşəkkürünü bildirir.

Bakı şəhər sakini Təranə Rüstəmova avtomobilinə maddi ziyan vurulması ilə bağlı DİN-in “Facebook” səhifəsi vasitəsilə etdiyi müraciətinə dərhal reaksiya verildiyini, Nəsimi Rayon Polis İdarəsi tərəfindən araşdırılaraq qısa müddətdə müsbət həll edildiyini və ona dəymiş maddi ziyanın ödətdirilməsinə köməklik göstərildiyini qeyd edir. T.Rüstəmova vətəndaşların DİN-in sosial şəbəkələrdəki səhifələri vasitəsilə müraciətlərinə dərhal reaksiya verildiyinə və həyata keçirilən tədbirlərə görə DİN rəhbərliyinə təşəkkürünü bildirir.

DİN-in “İnstagram” səhifəsinin izləyicisi, Salyan rayon sakini Ləman Əkbərova pul borcu ilə bağlı üzləşdiyi problemlə əlaqədar səhifə vasitəsi ilə etdiyi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nəsimi RPİ-nin əməkdaşlarına təşəkkürünü bildirir.