DİN-in “İnstagram” səhifəsinin izləyicisi Əhliman Babayev səhifə vasitəsilə etdiyi müraciətə dərhal reaksiya verildiyinə və həssas yanaşılaraq müsbət həll olunduğuna görə DİN rəhbərliyinə təşəkkürünü bildirir.

Bakı şəhər sakini Eltac Niftəliyev ona tərtib edilmiş protokolun araşdırılması ilə əlaqədar DİN rəhbərliyinə etdiyi müraciətə operativ baxıldığına və qısa müddətdə araşdırılaraq müsbət həll olunduğuna görə təşəkkürünü bildirir.

Vətəndaş Rəşad Axundovun “Avtosfer.az” saytının redaksiyasına göndərdiyi məqaləni təqdim edirik: " Bakı-Ələt yolu ilə hərəkət edən zaman avtomobilimdə nasazlıq yarandığı üçün demək olar ki, 2 saatdan çox yolda qaldım. Bu zaman oradan keçən 90-AP-524 qeydiyyat nişanlı avtomobil dayanaraq sürücüsü Elşad Məmmədyarov adlı polis zabiti mənə yaxınlaşıb necə köməklik edə biləcəyini soruşdu. O, avtomobilimin işə salınması üçün usta çağırdı və şəxsən özü bir neçə zəruri olan tədbirlər gördü. Avtomobilimdəki nasazlıq aradan qaldırılanadək isə yanımda oldu və hərəkətə başladıqdan sonra bir neçə kilometr məni müşayiət etdi".

Bakı şəhər sakini Mikayıl Cəbiyev şəxsiyyət vəsiqəsinin dəyişdirilməsinə köməklik göstərilməsi ilə bağlı müraciətinin müsbət həll olunması ilə əlaqədar DİN rəhbərliyinə minnətdarlığını bildirir.

DİN-in “Facebook” səhifəsinin izləyicisi Sara Ağayeva səhifə vasitəsilə etdiyi müraciətə dərhal reaksiya verildiyinə və həssas yanaşılaraq müsbət həll olunduğuna görə DİN rəhbərliyinə təşəkkürünü bildirir.

Bakı şəhər sakini Nəsir Quluyev məktubunda ailə üzvlərinin şəxsiyyət vəsiqəsinin dəyişdirilməsi ilə bağlı Daxili İşlər Nazirliyinə müraciət etdiyini bildirir. O, müraciətinə operativ baxıldığını, Baş Pasport, Qeydiyyat və Miqrasiya İdarəsi tərəfindən görülmüş tədbirlərlə qısa müddətdə müsbət həll olunduğunu qeyd edir. N.Quluyev müraciətinə həssas yanaşıldığına və göstərilən köməkliyə görə DİN rəhbərliyinə və Baş Pasport, Qeydiyyat və Miqrasiya İdarəsinin əməkdaşlarına minnətdarlığını bildirir.

Astara rayon sakini Aybəniz Nəsirova DİN rəhbərliyinə ünvanladığı təşəkkür məktubunda koronavirus pandemiyası dövründə sərgilədikləri fədakar əməyə görə Rayon Polis Şöbəsinin əməkdaşlarından razılığını bildirir.

Cəlilabad rayonunun Güneyli kənd sakini Yaşar Abdullayev DİN rəhbərliyinə ünvanladığı təşəkkür məktubunda müraciətinə verilən çevik reaksiyaya və məsələnin müsbət həllini tapmasına görə Beyləqan Rayon Polis Şöbəsinin əməkdaşlarından razılığını ifadə edir.

Astara rayonunun Ərçivan qəsəbəsinin sakini Səməd Baxşıyev DİN rəhbərliyinə ünvanladığı təşəkkür məktubunda cinayətkarlıqla mübarizədə atılan qətiyyətli addımlara və oğlunun keçirilən şəffaf seçimlər nəticəsində Daxili işlər orqanlarına xidmətə qəbul olunmasına görə minnətdarlığını ifadə edir.