“İnstagram” sosial şəbəkəsindəki Jam_guliyev adlı səhifədə Azərbaycan polisinə təşəkkür postu paylaşılıb. Postda “Whatsapp” ani mesajlaşma şəbəkəsi vasitəsilə yazılan təhdidlə bağlı edilən müraciətə Daxili İşlər Nazirliyi tərəfindən dərhal reaksiya verildiyi bildirilir. Binəqədi Rayon Polis İdarəsi və 4-cü Polis Şöbəsi tərəfindən müvafiq araşdırmalara başlanıldığı qeyd olunaraq operativliyə görə DİN rəhbərliyinə təşəkkür bildirilir.

Bakı şəhər sakini, vəkil Kənan İsmayılov məktubunda vəkil kimi Daxili İşlər Nazirliyinə ünvanladığı müraciətinə qısa müddətdə baxıldığını, göstərilən xüsusatlarla bağlı müvafiq tədbirlərin həyata keçirildiyini qeyd edərək müraciətlərə həssas yanaşılmasına və operativliyə görə DİN rəhbərliyinə təşəkkürünü bildirir.

“İnstagram” sosial şəbəkəsindəki “Ayan Xeyriyyə Qrupu” adlı səhifədə Azərbaycan polisinə təşəkkür postu paylaşılıb:

“Təşəkkürlər, Azərbaycan Respublikasının Daxili İşlər Nazirliyi!

Bir müddət öncə sosial şəbəkədə "firuzeye_destek_olaq" səhifəsi tərəfindən qan xərçəngi ilə mübarizə aparan Aylin Dadaşovanın şəkillərindən istifadə edildiyi və ailənin tanımadığı şəxs tərəfindən kartına öz mənafeyi üçün vəsait topladığı barədə paylaşım etmişdik.

Həmçinin bununla bağlı ailə, biz və digər biganə qalmayan şəxslər tərəfindən Daxili İşlər Nazirliyinə müraciət edilmişdi.

Həmin şəxs müəyyən edilərək Səbail Rayon Polis İdarəsinin əməkdaşları tərəfindən saxlanılmışdır.

Bir daha Azərbaycan Respublikasının Daxili İşlər Nazirliyinə və Səbail Rayon Polis İdarəsinin şəxsi heyətinə təşəkkürümüzü bildiririk!”

Ağsu rayon sakini Məleykə Cəfərova məktubunda humanistlik və qayğıkeşlik göstərdiklərinə, xidməti vəzifələri layiqincə yerinə yetirdiklərinə görə Ağsu Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində onlara uğurlar arzulayır.

Sabirabad rayon sakini Gülgəz Əkbərova məktubunda pozulmuş hüquqlarının bərpası ilə bağlı müraciətinə dərhal reaksiya verildiyini və Sabirabad Rayon Polis Şöbəsində müvafiq araşdırmalara başlanıldığını qeyd edərək DİN rəhbərliyinə minnətdarlığını bildirir.

Bakı şəhər sakini Pərviz Əliyev Sumqayıt şəhərində bankomatdan pul çıxaran zaman baş vermiş texniki xəta səbəbindən pulunun itməsi barədə müraciətinin qısa müddətdə araşdırılaraq həmin məbləğin ona qaytarıldığını qeyd edərək göstərilən köməkliyə və operativliyə görə DİN rəhbərliyinə və Sumqayıt Şəhər Polis İdarəsinin əməkdaşlarına minnətdarlığını bildirir.

Bakı şəhər sakini Gülarə Əsgərova üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə Binəqədi RPİ-nin rəhbərliyinə və əməkdaşlarına minnətdarlığını bildirir.

Goranboy rayon sakini Faiq Məmmədov mobil telefonunu itirməsi ilə əlaqədar etdiyi müraciətə həssaslıqla yanaşılaraq qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Azərbaycan Polisinə və şəxsi heyətinə təşəkkürünü ifadə edir.

Bakı şəhər sakini İslam Bağırov avtomobilinin oğurlanması ilə əlaqədar etdiyi müraciətə operativ reaksiya verilərək qısa zaman kəsiyində tapılmasında göstərdikləri köməkliyə görə Sabunçu RPİ-nin rəhbərliyinə və əməkdaşlarına minnətdarlığını yazır.