Bakı şəhər sakini Samir Əlizadə qarşılaşdığı problemlə bağlı etdiyi müraciətinə Binəqədi Rayon Polis İdarəsinin əməkdaşları tərəfindən həssaslıqla yanaşıldığı və məsələ ilə bağlı dərhal araşdırmalara başlanıldığı üçün DİN rəhbərliyinə minnətdarlığını bildirir.

Tovuz rayon sakini Yaşar Rəhimov məktubunda Tovuz rayon ərazisində ictimai asayişin və ictimai təhlükəsizliyin təmin olunmasına görə DİN rəhbərliyinə və xidməti vəzifələrini layiqincə yerinə yetirən Tovuz Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Nigar Aslanova mənzilində baş verən oğurluqla bağlı etdiyi müraciətinə Sabunçu Rayon Polis İdarəsinin əməkdaşları tərəfindən dərhal reaksiya verildiyinə və məsələnin qısa müddət ərzində araşdırılaraq müsbət şəkildə həll olunduğuna həmçinin dəymiş maddi ziyanın tam ödətdirilməsinə görə DİN rəhbərliyinə və Sabunçu Rayon Polis İdarəsinin əməkdaşlarına dərin minnətdarlığını bildirir.

Sumqayıt şəhər sakini İbrahim Əliyev “instagram” sosial şəbəkəsi vasitəsi ilə yazaraq Sumqayıt Şəhər Polis İdarəsinin əməkdaşları tərəfindən şəhər ərazisində “Covid-19” infeksiyasının yayılmasının qarşısını almaq məqsədi ilə gücləndirilmiş nəzarət-proflaktiki tədbirlərin həyata keçirdiklərinə görə öz adından DİN rəhbərliyinə təşəkkürünü bildirir. Və Sumqayıt Şəhər Polis İdarəsinin əməkdaşlarına gələcək fəaliyyətlərində uğurlar arzulayır.

Saatlı rayon sakini Rövşən Ağayev ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Rayon Polis Şöbəsinin rəhbərliyinə və şəxsi heyətinə minnətdarlığını bildirir.

Siyəzən şəhər sakini Raman Sədrəddinov narkotiklərin qanunsuz dövriyyəsinə qarşı aparılan qətiyyətli mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Azərbaycan Polisinə və şəxsi heyətinə təşəkkürünü ifadə edir.

Bakı şəhər sakini Rövşən Salmanov müraciətinə həssas yanaşıldığına və göstərilən köməkliyə görə DİN rəhbərliyinə əməkdaşlarına minnətdarlığını bildirir.

DİN-in “Facebook” səhifəsinin izləyicisi Fəxrəddin Həsənov səhifə vasitəsilə Daxili İşlər Nazirliyinə ünvanladığı məktubunda daxili işlər orqanlarında gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Bakı şəhər sakini Tacəddin Babazadə üzləşdiyi dələduzluq faktı ilə bağlı DİN-in “Facebook” səhifəsi vasitəsilə etdiyi müraciətinə həssas yanaşıldığına, operativ baxıldığına və göstərilən köməkliyə görə DİN rəhbərliyinə və Sabunçu RPİ 14-cü Polis Bölməsinin əməkdaşlarına minnətdarlığını bildirir.