Ağcabədi şəhər sakini Camal Abbasov DİN rəhnərliyinə ünvanladığı təşəkkür məktubunda Rayon Polis Şöbəsinin əməkdaşlarının xidməti və vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə minnətdarlığını ifadə edir.

Şəki şəhər sakini Emil Daşdəmirov DİN-ə ünvanladığı təşəkkür məktubunda Şəki ŞRPŞ əməkdaşlarının ictimaiyyət arasında olan səmimi və qayğıkeş münasibətlərinə görə DİN rəhbərliyinə minnətdarlığını bildirir.

Zaqatala şəhər sakini Elvin Əliyev məktubunda müraciətinə operativ baxıldığı və obyektiv araşdırma aparıldığı üçün Balakən RPŞ-nin əməkdaşlarına minnətdarlığını bildirir.

Sabirabad rayon sakini Rafiq Rəsulov DİN rəhbərliyinə ünvanladığı təşəkkür məktubunda ictimai sabitliyin qorunmasında, cinayətkarlıqla mübarizədə Azərbaycan Polisinin xidməti fəaliyyətini təqdir edir və uğurlar diləyir.

Bakı şəhər sakini Telman Əsgərov DİN rəhbərliyinə ünvanladığı təşəkkür məktubunda psixoloji problemlər yaşayan oğlunun tapılaraq Ruhi Əsəb Xəstəlikləri Dispanserinə yerləşdirilməsində göstərdikləri köməyə görə daxili işlər orqanları əməkdaşlarına minnətdarlığını bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Bakı şəhər sakini Fuad Əliyev sosial şəbəkə vasitəsilə etdiyi müraciətinə həssas yanaşıldığına, keçirilmiş operativ tədbirlərlə təhlükəsizliyinin təmin olunmasına görə DİN rəhbərliyinə və Xətai Rayon İdarəsinin əməkdaşlarına minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır.

Astara rayon sakini Emiliya Əliyeva pozulmuş hüquqlarının bərpası ilə bağlı DİN-in “İnstagram” səhifəsi vasitəsilə etdiyi müraciətə operativ baxıldığını, Astara Rayon Polis Şöbəsində obyektiv araşdırma aparılaraq müsbət həll olunduğunu qeyd edərək DİN rəhbərliyinə və RPŞ-nin əməkdaşlarına təşəkkürünü bildirir.

Bakı şəhər sakini Lalə Həsənova üzləşdiyi dələduzluq faktı ilə bağlı müraciətinə operativ baxıldığına və obyektiv araşdırıldığına görə DİN rəhbərliyinə və Suraxanı RPİ-nin 31-ci Polis Bölməsinin əməkdaşlarına minnətdarlığını bildirir.

Sumqayıt şəhər sakini Tərlan Ağayev Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, şəhər ərazisində ictimai asayişi və ictimai təhlükəsizliyi ayıq-sayıq qoruyan, vətəndaşlarla nəzakətli davranan, xidməti vəzifələrini layiqincə yerinə yetirən Sumqayıt Şəhər Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar atrzulayır.