Şəki şəhər sakini Qoşqar Mustafayev DİN rəhbərliyinə ünvanladığı təşəkkür məktubunda təhsil müəssisələrinin qarşısında azyaşlıların təhlükəsizliyinin təmin edilməsinə görə ŞRPŞ-nin əməkdaşlarına öz minnətdarlığını bildirir.

Mingəçevir şəhər sakini Eldəniz Quluyev təşəkkür məktubunda etdiyi müraciətə Nəsimi RPİ-nin əməkdaşları tərəfindən operativ reaksiya verilərək həll olunmasında göstərilən köməkliyə görə DİN rəhbərliyinə öz minnətdarlığını bildirir.

İsmayıllı rayon sakini Zərifə Qəndiyeva DİN rəhbərliyinə ünvanladığı təşəkkür məktubunda yazır: “Ruhi xəstə olan qardaşım evdən çıxıb gedərək itkin düşmüşdü. Polisə müraciət etdim. Çox sağ olsunlar. Tez bir zamanda qardaşımın yerini müəyyənləşdirib bizə məlumat verdilər. Onun tapılmasında göstərdikləri köməyə görə İsmayıllı Rayon Polis Şöbəsinin əməkdaşlarına minnətdarlığımızı bildiririk. Azərbaycan Polisi ilə qürur duyuruq”.

Bakı şəhər sakini Ülkər Abılova müraciətinə tez bir zamanda baxılaraq probleminin müsbət həllini tapmasında göstərdikləri köməyə görə Binəqədi Rayon Polis İdarəsinin əməkdaşlarına minnətdarlığını bildirir. O, vətəndaşlara göstərilən diqqət və qayğının polis-vətəndaş münasibətlərinin günü-gündən daha da yaxşılaşmasına zəmin yaratdığını qeyd edir.

Ağsu şəhər sakini Fazil Əzizov Daxili İşlər Nazirliyinə təşəkkür məktubu ünvanlayıb. Ona 3 ildir borclu olan şəxs barəsində məhkəmə iddiası qaldırdığını yazan müəllif həmin şəxsin borcunu ödəmədiyini, məhkəmə qərarı ilə barəsində axtarış elan edildiyini qeyd edir.

F.Əzizov borclu şəxsin tapılması ilə bağlı Ağsu Rayon Polis Şöbəsinə müraciəti nəticəsində həmin şəxsin yerinin müəyyən olunaraq icra orqanlarına təhvil verildiyinə və ona olan borcun tam ödətdirilməsində etdikləri köməkliyə görə Polis Şöbəsinin əməkdaşlarına təşəkkürünü bildirir.

Saray qəsəbə sakini Səbuhi Babayev yaşadığı mənzildən edilmiş oğurluq hadisəsi barədə Abşeron Rayon Polis İdarəsinə etdiyi müraciətinə dərhal reaksiya verildiyini, keçirilmiş əməliyyat tədbirləri nəticəsində bu cinayət əməlini törədən şəxsin qısa müddətdə müəyyən edilərək saxlanıldığını bildirir.

S.Babayev cinayətkarlıqla qətiyyətli mübarizə apardıqlarına görə Abşeron Rayon Polis İdarəsinin əməkdaşlarına təşəkkürünü bildirir, çətin və şərəfli işlərində polis əməkdaşlarına uğurlar arzulayır.

Şirvan şəhər sakini Əliağa Ağayev özünü jurnalist kimi qələmə verən Hacıqabul rayonundan olan bir nəfərin onu və şəhərin digər sakinlərini şantaj etməsi barədə etdiyi müraciətə həssaslıqla yanaşılaraq operativ şəkildə həll olunmasında göstərdikləri köməkliyə görə DİN rəhbərliyinə və Hacıqabul RPŞ-nin əməkdaşlarına təşəkkürünü ifadə edir.

Bakı şəhər sakini Şirin Dəmirov hazırda övladının xidmət etdiyi DİN-in Daxili Qoşunlarının Qəbələ rayonundakı hərbi hissəsində yaradılmış hərtərəfli şəraitə görə DİN rəhbərliyinə və Daxili Qoşunlar komandanlığına minnətdarlığını bildirir.

Bakı şəhər sakini Kənan Əmrahlı ona dəymiş ziyanın tam ödətdirilməsində göstərdikləri köməkliyə görə DİN rəhbərliyinə və şəxsi heyətinə təşəkkürünü bildirir.