Bakı şəhər sakini Qabil Piriyev veteran vəsiqəsinin ona verilməsi ilə əlaqədar etdiyi müraciətə müsbət cavab verildiyinə görə DİN rəhbərliyinə minnətdarlığını bildirir.

Bakı şəhər sakini İlqar İsmayılov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə təşəkkürünü ifadə edir.

Bakı şəhər sakini Şahin Hümbətov “Polisazərbaycan” İnstagram səhifəsi vasitəsi ilə etdiyi müraciətdən sonra ona dəymiş maddi ziyanın tam ödətdirildiyinə görə DİN rəhbərliyinə təşəkkürünü bildirir, əməyi olan hər kəsə çox sağol deyir.

Cəbrayıl rayon sakini İradə Əliyeva “102” Zəng Xidmətinə etdiyi müraciətinə aidiyyəti üzrə Şəxsi Heyətlə İş İdarəsində operativ və obyektiv baxıldığına görə İdarənin rəhbərliyinə və əməkdaşlarına təşəkkürünü bildirir.

Bakı şəhər sakini Azər Mirzəyev “Mercedes” markalı avtomaşınına naməlum nəqliyyat vasitəsi tərəfindən xəsarət yetirilməsi barədə etdiyi müraciətə həssaslıqla yanaşılaraq qısa zaman kəsiyində qəzanı törədən şəxsin müəyyən edilməsində göstərdikləri köməkliyə görə DİN rəhbərliyinə və Yasamal RPİ-nin DYPB YPX-in əməkdaşlarına təşəkkürünü ifadə edir.

Bakı şəhər sakini Sabir Yarıyev Daxili İşlər Nazirliyinə təşəkkür məktubu ünvanlayıb. O, Moskva şəhərində tikintidə işlədiyini, lakin gördüyü işin müqabilində zəhmət haqqının ödənilmədiyini qeyd edərək bununla bağlı DİN-in İnsan Alverinə qarşı Mübarizə Baş İdarəsinə müraciət etdiyini bildirir.

Müəllif müraciətinə operativ reaksiya veriliyini, dərhal araşdırma aparılaraq ədalətli həll olunduğunu və ona dəymiş maddi ziyanın ödətdirilməsinin təmin edildiyini qeyd edir.

S.Yarıyev müraciətinə operativ baxıldığına, pozulmuş hüquqlarının bərpa olunmasına və zəhmət haqqının ödətdirilməsində göstərdikləri köməkliyə görə İnsan Alverinə qarşı Mübarizə Baş İdarəsinin rəhbərliyinə və əməkdaşlarına təşəkkürünü bildirir.

Astara rayonu Şahağacı kəndinin bir qrup sakini DİN rəhərliyinə ünvanladığı təşəkkür məktubunda narkotiklərin qanunsuz dövriyyəsinə qarşı atılan qətiyyətli mübarizə tədbirlərinə və məktəblərdə narkomaniya əleyhinə təşkil olunan maarifləndirici görüşlərə görə Astara Rayon Polis Şöbəsinin rəhbərliyinə minnətdarlığını bildirir.

Lənkəran şəhər sakini Günel Məmmədova DİN rəhbərliyinə ünvanladığı təşəkkür məktubunda xidməti vəzifəsini layiqincə yerinə yetirdiyinə görə Lənkəran ŞRPŞ-nin şəxsi heyətlə iş üzrə rəis köməkçisi, polis polkovnik-leytenantı Namik İbadovdan razılığını ifadə edir.

Gəncə şəhər sakini etdiyi müraciətə tez bir zamanda baxılıb tədbir görüldüyü üçün DİN rəhbərliyinə minnətdarlığını bildirir.