“İnstagram” izləyicimiz Nazilə Sarıyeva səhifə vasitəsi ilə etdiyi müraciətə həssaslıqla yanaşılaraq operativ həll olunmasında, ona dəymiş ziyanın tam ödətdirilməsində göstərdikləri köməkliyə görə DİN rəhbərliyinə və vəzifə borclarının öhdəsindən layiqincə gələn Bakı Şəhər Baş Polis İdarəsinin əməkdaşlarına minnətdarlığını bildirir.

Vətəndaş Səbinə Vüqarlı da “İnstagram” üzərindən etdiyi müraciətə həssas və ciddi yanaşıldığı, müsbət yöndə həll edildiyi üçün polis əməkdaşlarına təşəkkür edib.

Səhifəmizə daxil olan digər mesajda isə vətəndaş Rövşən Cəfərov avtomobil idarə etdiyi zaman ürəyində ağrı hiss etdiyi üçün yaxınlıqda xidmət aparan Yol Patrul Xidməti əməkdaşlarına müraciət etdiyini bildirir. Vətəndaş yol polislərinin ona göstərdiyi köməkliyə görə minnətdarlıq edir: “Çox sağolsunlar polislərimiz. Mənə lazımi bütün köməklikləri etdilər, şəxsi hesablarına dərman da aldılar. Daha sonra avtomobilimi idarə edib iş yerimə kimi gətirdilər. Sağ olsun Azərbaycan Polisi.”

Kürdəmir şəhər sakini Əflatun Abdullayev məktubunda “102” Xidməti-Zəng Mərkəzinin və Kürdəmir RPŞ DYPB-nin əməkdaşlarına təşəkkür edir.

“polisazerbaycan” adlı “İnstagram” səhifəmizin izləyicisi Aqil Nurlunun mesajı: “Bu il fevralın 20-də bu səhifə vasitəsi ilə müraciət edərək baş vermiş yol nəqliyyat hadisəsi və hadisəni törətmiş və mənə zərər vurmuş sürücünün hadisə yerindən qaçması barədə məlumat verərək, həmin sürücünün tapılması və inzibati məsuliyyətə cəlb edilməsinə köməklik göstərilməsini xahiş etmişdim. Müraciətimə dərhal reaksiya verilərək, həmin sürücü cəmi bir gün sonra tapılaraq məsuliyyətə cəlb edildi və mənə müvafiq arayış və protokolun surəti təqdim edildi. Müraciətimin müsbət həlli istiqamətində göstərdikləri diqqət, qayğı, operativlik və çevikliyə görə DİN və BDYPİ-nin rəhbərliyinə öz dərin minnətdarlığımı bildirirəm.”

Şəhid polis övladı Vaqif Behbudov (İnstagram izləyicimiz vaqif.behbudov) da sosial şəbəkə vasitəsi ilə yenidən təşəkkür bildirir. O, şəhid polislərin ailələrinə daima göstərilən diqqət və qayğıya görə DİN rəhbərliyinə minnətdarlığını bildirir.

Bakı şəhər sakini Səadət Əhmədova DİN rəhbərliyinə ünvanladığı təşəkkür məktubunda müraciətinə operativ və obyektiv şəkildə baxılaraq ona dəyən ziyanın ödənilməsində göstərdikləri köməyə görə Səbail RPİ-nin əməkdaşlarına minnətdarlığını bildirir.

Bakı şəhər sakini Araz Şükürov üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və Nəsimi RPİ-nin əməkdaşlarına minnətdarlığını bildirir.

Saatlı rayon sakini İsmail Nadiradze üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və Saatlı RPŞ-nin əməkdaşlarına təşəkkürünü ifadə edir.