DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Bir qrup Binə qəsəbə sakini qəsəbədə asayişin keşiyində ayıq-sayıq dayanan həmkarlarımızın həyat qurtarmaq üçün günün istənilən vaxtında vətəndaşın köməyinə çatmağından, onların narkotiklərlə qətiyyətli mübarizəsindən, oğurluq hallarının azalmasından minnətdarlıq hissi ilə bəhs edirlər.

Bakı şəhər sakini Rəhbər Niftəliyev ona qarşı dələduzluq etmiş Əliağa Mustafazadənin ifşa olunmasında və onun qanuna təslim edilməsində göstərdiyi köməkliyə görə Binəqədi Rayon Polis İdarəsinin rəhbərliyinə minnətdarlığını ifadə edir.

Salyan şəhər sakini, rəssam Xəyalət Zeynalov yazır: “Polisin hərəkətindən və ya hərəkətsizliyindən DİN rəhbərliyinə etdiyimiz şikayət yerindəcə araşdırılır və bu biz vətəndaşlar tərəfindən məmnunluqla qarşılanır. Polis öz işini layiqincə və təlimatlara uyğun gördükdə, vətəndaşın köməyinə çatdıqda isə təşəkkür etmək, düzü, çoxumuzun yadına düşmür. Mənim 57 yaşım var, özüm də rəssamam. Polisin, xüsusən də Yol-patrul xidməti əməkdaşlarının fəaliyyətini yaxından izləyirəm. Sözün açığı, onların keçirdiyi reydlər zamanı etdiyim müşahidələr bu qeydləri yazmaq üçün bir fürsət oldu.

Yaşadığım rayonunu Dövlət Yol Polisi Bölməsinin əməkdaşlarının insanpərvər, ədalətli və qərəzsiz olduğunu, sürücülərə qayğı ilə yanaşdıqlarını dəfələrlə müşahidə etmişəm. Keçirilən reydlər zamanı və digər vaxtlarda onların məqsədi intizamsız sürücüləri cəzalandırmaqla deyil, həmçinin maarifləndirməklə də qanuna dəvət etməkdir. Salyanda sürücülük mədəniyyətinin artmasında polislərin xidmətini danmaq olmaz. Yol hərəkəti qaydalarını pozanlara qarşı polislərin davranışları da diqqətimi cəlb edib. Belə ki, qayda pozmadığını deyən vətəndaş fakt qarşısında qaldıqdan sonra səhvini etiraf edib və ona verilən cəza ilə razılaşıb. Biz salyanlılar polisimizdən razıyıq. Çünki o bizi qoruyur, dövlətçiliyimizə xidmət edir”…

“İctimaiyyətin səsi” və “Ekologiya” qəzetlərinin fotomüxbiri Xudayar Məmmədov DİN-ə ünvanlığıdı təşəkkür məktubunda Lənkəran ŞRPŞ-nin müstəntiqi Yusif Süleymanovun polis andına sadiqliyindən, haqqın və ədalətin, qanunun aliliyinin müdafiəçisi kimi vətəndaşların etimadığını qazanmasından minnətdarlıq hissi ilə söhbət açır.

Şabran rayonu Ağbaş kənd sakini İlhamə Şahpələngova DİN rəhbərliyinə ünvanladığı məktubunda DİN rəhbərliyinə və bütün polis əməkdaşlarına işlərində uğurlar arzulayır.

Xaçmaz rayonu Arzu kənd sakini Fatma Əliyeva DİN rəhbərliyinə ünvanladığı təşəkkür məktubunda müraciəti ilə bağlı ona köməklik göstərilməsinə, eləcə də vətəndaşlara qarşı sərgilənən yüksək mədəni davranışa görə Rayon Polis Şöbəsinin rəhbərliyinə minnətdarlığını ifadə edir.

Xarici dövlətdə ali təhsil alan Bakı şəhər sakini Cavid Məmmədli Daxili İşlər Nazirliyinə təşəkkür məktubu ünvanlayıb. Bunun səbəbini izah edən müəllif yazır: “Mən hazırda Böyük Britaniyada ali təhsil alıram. Burada ayrı-ayrı ölkələrin vətəndaşları və bir çox millətlərin nümayəndələri və ilə mütəmadi ünsiyyətdə oluram. Tanış olduğum şəxslərin mütləq əksəriyyəti Azərbaycana səfər etmiş və dövlətimizlə, onun həqiqətləri ilə yaxından tanış olmaq şansı əldə etmişlər.

Ölkəmizdə səfərdə olmuş həmin insanlardan ən çox eşitdiyim Azərbaycan Polisi haqqında olan xoş sözlərdir. İnanın ki, onların Azərbaycan Polisinin nümunəvi davranışı, humanistliyi, yardımsevərliyi və operativliyi barədə danışdıqlarını eşitmək bir Azərbaycan vətəndaşı kimi məni çox sevindirir və qürurlandırır”.

Müəllif polisin cəmiyyətdəki nüfuzunun qaldırılması, imicinin yaxşılaşdırılması istiqamətində aparılan islahat xarakterli tədbirlərin müsbət nəticəsinin şahidi olduğunu, bu addımları çox müsbət qiymətləndirərək alqışladığını qeyd edir, DİN rəhbərliyinə və şəxsi heyətə çətin və şərəfli işlərində uğurlar arzulayır.

İsmayıllı rayon sakini Əziz Adıgözəlov DİN rəhbərliyinə ünvanladığı təşəkkür məktubunda yol-nəqliyyat hadisəsində ona göstərilən köməkliyə görə Rayon Polis Şöbəsinin əməkdaşlarına öz minnətdarlığını bildirir.

Vətəndaş Anar Baxşəliyev DİN rəhbərliyinə ünvanladığı minnətdarlıq məktubunda itmiş mal-qaralarının tapılaraq onlara qaytarılmasında göstərdikləri köməkliyə görə İsmayıllı RPŞ-nin əməkdaşlarına öz təşəkkürünü bildirir.