Balakən rayonu Katex kəndinin bir qrup sakini DİN rəhbərliyinə ünvanladıqları təşəkkür məktubunda evlərdən oğurluq edən, onlara külli miqdarda ziyan vuran şəxslərin tutularaq məsuliyyətə cəlb edilməsinə görə Rayon Polis Şöbəsinin əməkdaşlarına minnətdarlıq edirlər.

Vətəndaş Vaqif Hüseynov DİN rəhbərliyinə ünvanladığı təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə Mingəçevir ŞPŞ-nin əməkdaşlarına minnətdarlıq edir.

DİN-in “İnstagram” səhifəsinin izləyicisi, Bakı şəhər sakini Fatimə Quliyeva səhifə vasitəsi ilə etdiyi müraciətinə həssas yanaşıldığına, obyektiv araşdırılaraq müsbət istiqamətdə həll edildiyinə görə DİN rəhbərliyinə təşəkkürünü bildirir.

Vətəndaş Xəyalə Əliyeva DİN-ə ünvanladığı məktubunda üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə Bakı şəhər Baş Polis İdarəsinin İctimai Təhlükəsizlik İdarəsinin əməkdaşlarına minnətdarlığını bildirir.

Bakı şəhər sakini Şahbar Sultanzadə DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, statusunda yazır ki, mobil telefonunun oğurlanması barədə Binəqədi RPİ-nin 5-ci Polis Bölməsinə müraciət edib. Az müddət sonra polis əməkdaşları onu bölməyə dəvət ediblər və tapılmış telefonunu ona qaytarıblar.

Ş.Sultanzadə vətəndaş müraciətlərinə diqqətlə yanaşılmasına və operativliyə görə DİN rəhbərliyinə və 5-ci Polis Bölməsinin əməkdaşlarına minnətdarlığını bildirir, Azərbaycan Polisinə çətin və şərəfli xidmətlərində uğurlar arzulayır.

Bakı şəhər sakini Aydın Məmmədov DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, statusunda Nəsimi rayonu ərazisində yol hərəkətinin təşkili ilə bağlı müraciətinə operativ reaksiya verildiyini və qısa müddətdə müvafiq tədbirlərin həyata keçirildiyini qeyd edərək DİN rəhbərliyinə və Nəsimi Rayon Polis İdarəsinin əməkdaşlarına minnətdarlığını bildirir.

Baki şəhər sakini Elmir Mirzəyev polis əməkdaşlarının operativliyi sayəsində qısa müddətdə velosipedini oğurlayan şəxslərin saxlanıldığını, oğurlanmış velospidenin özünə qaytarıldığını qeyd edir.

E.Mirzəyev müraciətlərə diqqətlə yanaşıldığına və operativliyə görə DİN rəhbərliyinə və Binəqədi RPİ 5-ci Polis Bölməsinin əməkdaşlarına təşəkkürünü bildirir.

DİN-in “Instagram” səhifəsinin izləyicisi Azər Quliyev səhifə vasitəsilə etdiyi müraciətinə həssas yanaşıldığına və göstərilən köməkliyə görə DİN rəhbərliyinə əməkdaşlarına minnətdarlığını bildirir.

Bakı şəhər sakini Tağı Əliyev pozulmuş hüquqlarının bərpası ilə bağlı DİN-ə etdiyi müraciətə operativ baxıldığını və müsbət həll olunduğunu qeyd edərək DİN rəhbərliyinə təşəkkürünü bildirir.