DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Şirvan şəhər sakini Şahmurad Əliyev fevralın 14-də Lənkəran rayonunun Sütəmurdov kəndində yaşayan qızı Vüsalə İbrahimovanın həyatının təhlükədə olması ilə əlaqədar “102 xidməti-zəng mərkəzi”nə müraciət etdiyini, hadisə yerinə gələn Lənkəran ŞRPŞ-nin təhqiqat bölməsinin təhqiqatçısı, polis baş leytenantı Kənan Əmirli və növbətçi hissənin sürücü polis nəfəri, polis baş serjantı Elşən Səfərovun qadının həyatını xilas edərək, təcili tibbi yardım gələnə qədər ona ilkin tibbi yardım göstərdiklərini qeyd edərək, polis əməkdaşlarının çevikliyi və peşəkarlığı sayəsində qızı V.İbrahimovanın sağ qaldığını bildirir. Bununla əlaqədar DİN və ŞRPŞ rəhbərliyinə, hadisə yerində olan əməkdaşlara minnətdarlığını çatdırır.

Masallı rayonunun Şərəfə kəndinin sakini Sərdar Ağababayev DİN rəhbərliyinə ünvanladığı təşəkkür məktubunda ictimai qaydanın qorunmasına, yollarda təhlükəsizliyin təmini istiqamətində görülən işlərə görə Masallı RPŞ-nin rəisi, polis polkovniki Habil Əmiraslanovdan razılığını bildirir, minnətdarlığını ifadə edir.

Cəlilabad rayonunun Alar kənd sakini Həmid Rüstəmov DİN rəhbərliyinə ünvanladığı təşəkkür məktubunda avtomobillə hərəkətdə olduğu vaxt yaranan texniki nasazlıq zamanı ərazidə xidmət aparan Cəlilabad RPŞ-nin dövlət yol polisi bölməsinin yol patrul xidmətinin əməkdaşlarının nasazlığın aradan qaldırılmasında və yoluna davam etməsində ona köməklik göstərdiklərini bildirir, minnətdarlığını ifadə edir.

Bakı şəhər sakini Aydın Eyvazov məktubunda şahidi olduğu bir hadisə ilə bağlı Azərbaycan polisinə təşəkkür edir. Qeyd edir ki, yanvarın 31-də Parlament prospektində üzürlü səbəbdən yollar bağlı olduğundan o və digər sərnişinlər avtobusdan düşərək Şəhidlər Xiyabanı istiqamətində piyada getməyə başlayıblar. Bu zaman qadınlardan birinin halı pisləşib. Bunu görən ərazidə xidmət aparan Dövlət Yol Polisi əməkdaşları yaxınlaşaraq həmin qadını öz avtomobilləri ilə xəstəxanaya aparıblar. Piyada hərəkət edənlərin arasında ayaqdan əlil, qasdillə hərəkət edən bir kişini isə digər bir DYP avtomobilində olan polis əməkdaşı maşına mindirərək gedəcəyi yerə aparıb.

Müəllif yazır ki, polisin bu cür davranışı, xeyirxah əməlləri ətrafdakı insanlarda çox böyük fərəh hissi oyadıb.

A.Eyvazov məktubunda bu cür polis əməkdaşlarının olduğuna görə DİN rəhbərliyinə və həmin əməkdaşlara təşəkkürünü bildirir.

Saatlı rayonunun Bəylik kənd sakini Ağaş Yolçiyev DİN rəhbərliyinə ünvanladığı təşəkkür məktubunda ictimai asayişin və sabitliyin qorunmasındakı xidmətlərinə görə Rayon Polis Şöbəsinin əməkdaşlarından razılıq edir və minnətdarlığını ifadə edir.

Neftçala rayonu Bankə qəsəbə sakini Vaqif Cəlilov DİN rəhbərliyinə ünvanladığı təşəkkür məktubunda qəsəbə sakinləri adından cinayətkarlığa qarşı aparılan qətiyyətli mübarizəyə, vəzifəsinin öhdəsindən layiqincə gəldiyinə görə Rayon Polis Şöbəsinin rəisi Vüsal Şəbəndəyevdən razılığını bildirir.

Göyçay rayon sakini Səbuhi Quliyev yaşadığı ünvanda baş vermiş oğurluq hadisəsinin tez bir zamanda açılmasını təmin etdiyinə görə Göyçay RPŞ-nin rəis müavini, polis polkovnik-leytenantı Rasim Nəsibova təşəkkürünü bildirir.

“Binəqədi Rayon Dövlət Yol Polisi Şöbsinin rəisi, polis mayoru Mərdan Əliyevin şəxsi təşəbbüsü ilə şöbənin ətrafında və Rəsulzadə qəsəbəsi "Stroydetal" küçəsində aparılan təmir işləri sakinlər tərəfindən razılıqla qarşılanır. Belə ki, məhəlləmizdə onun təşəbbsü ilə uzun illərdən qalan problemlərin qısa zaman kəsiyində həllini tapması, asfalt örtüyünün yenilənməsi, işıqlandırma dirəklərinin və naqillərinin dəyişdirilməsi, su və kanalizasiya xətlərinin təmir etdirilməsi sevincimizə səbəb olmuşdur. Məhəlləmizdə müvəqqəti məskunlaşan məcburi köçkün ailələrinin qayğısına rəisin xüsuis diqqət ayırmasını Azərbaycan Polisinin öz vətəndaşına diqqət və qayğı nümunəsi kimi qiymətləndirmək olar.”

Bu fikirlər Rəsulzadə qəsəbəsi “Stroydetal” küçəsində yaşayan polkovnik Vidadi Abdullayevin və onunla birlikdə iyirmi nəfər sakinin Daxili İşlər Nazirliyinə ünvanladığı təşəkkür məktubundandır.

Abşeron rayon sakini Xəyalə Ələkbərova cinayətkar qrup və dəstələrin ifşa edilib zərərsizləşdirilməsində, narkotiklərin qanunsuz dövriyyəsinə qarşı mübarizənin gücləndirilməsində vəzifə borclarının öhdəsindən layiqincə gələn, ölkəmizdə sabitliyi, əmin-amanlığı qorumaq üçün canlarını fəda edən həmkarlarımıza xidmətlərində uğurlar arzulayır.