DİN-in “Instagram” səhifəsinin izləyicisi İlhamə Hüseynova müraciətinə həssas yanaşıldığına və göstərilən köməkliyə görə DİN rəhbərliyinə və Ağcabədi Rayon Polis Şöbəsinin əməkdaşlarına minnətdarlığını bildirir.

Bakı şəhər sakini Elyir Poladov Baş Dövlət Yol Polisi İdarəsinin Zabrat qəsəbəsində yerləşən Texniki Müayinə Mərkəzində polis əməkdaşlarının nümunəvi xidmətinə, xoş rəftarlarına və nəzakətli davranışılarına görə DİN rəhbərliyinə və BDYPİ-nin Texniki Müayinə Mərkəzinin əməkdaşlarına minnətdarlığını bildirir, işlərində uğurlar arzulayır.

Siyəzən rayon sakini Samir Zeynalov Daxili İşlər Nazirliyinə ünvanladığı məktubunda rayon ərazisində narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyinə və zərərli maddələrin satışı ilə məşğul olan şəxslərin saxlanılaraq məsuliyyətə cəlb edilməsinə görə Baş Narkotiklərlə Mübarizə İdarəsinin əməkdaşlarına təşəkkürünü bildirir.

Cəlilabad rayonunun Alar kənd sakini Gəray Əzizov DİN rəhbərliyinə ünvanladığı təşəkkür məktubunda müraciətinə həssaslıqla yanaşılmasına və vətəndaşlara qarşı sərgilənən yüksək mədəni davranışa görə Ağcabədi regional qeydiyyat-imtahan və texniki baxış şöbəsinin rəhbərliyinə minnətdarlığını bildirir.

Ağdam rayon sakini, Qarabağ qazisi Əlağa Vəliyev DİN rəhbərliyinə ünvanladığı təşəkkür mətubunda etdiyi müraciətə göstərilən diqqət və qayğıya görə Ağcabədi Regional Qeydiyyat-İmtahan və Texniki Baxış Şöbəsinin rəhbərliyinə minnətdarlığını bildirir.

Tovuz rayonunun Qədirli kənd sakini Zakir Quliyev DİN rəhbərliyinə ünvanladığı təşəkkür məktubunda cinayətkarlığa və narkotiklərin qanunsuz dövriyyəsinə qarşı aparılan mübarizəyə və rayon ərazisində yol hərəkəti təlükəsizliyinin təmin edilməsinə görə Tovuz RPŞ-nin rəhbərliyindən razılığını bildirir və minnətdarlığını ifadə edir.

Tovuz rayonu Aşağı Öysüzlü kənd sakini Hüseyn Hüseynli üzləşdiyi problemlə bağlı etdiyi müraciətə baxıldığı və göstərilən köməkliyə görə DİN rəhbərliyinə təşəkkürünü bildirir.

Zərdab rayonunun Alıcanlı kənd sakini Laçın Əsədov Daxili İşlər Nazirliyinə ünvanladığı məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya, o cümlədən xidməti vəzifələrinin və peşə fəaliyyətinin layiqincə yerinə yetirilməsinə görə Zərdab RPŞ-nin rəhbərliyinə və əməkdaşlarına təşəkkürünü bildirir.

Lənkəran rayonunun Qumbaşı kənd sakini olan 61 nəfər adından Daxili İşlər Nazirliyinə ünvanlanan məktubda kənd ərazisində ictimai asayişi və ictimai təhlükəsizliyi ayıq-sayıq qoruyan, narkotiklərin qanunsuz dövriyyəsinə qarşı qətiyyətli mübarizə aparan və xidməti vəzifələrini layiqincə yerinə yetirən Lənkəran ŞRPŞ-nin Liman Polis Bölməsinin əməkdaşlarına minnətdarlıq ifadə olunur, çətin və şərəfli xidmətlərində onlara uğurlar arzulanır.