Lənkəran şəhər sakini Zəkiyyə İsmayılova DİN rəhbərliyinə ünvanladığı təşəkkür məktubunda müraciətinə həssas yanaşılmasına və məsələnin müsbət həllini tapmasına görə razılığını bildirir.

Astara rayonunun Ərçivan qəsəbəsinin bir qrup sakini DİN rəhbərliyinə ünvanladıqları təşəkkür məktubunda yol hərəkətinin təhlükəsizliyinin təmin olunması istiqamətində görülən işlərə və xidməti vəzifələrinin öhdəsindən layiqincə gəldiklərinə görə Rayon Polis Şöbəsinin dövlət yol polisi bölməsinin əməkdaşlarından razılığını ifadə edir.

Astara rayon sakini Xandadaş Allahverdiyev DİN rəhbərliyinə ünvanladığı təşəkkür məktubunda rayon ərazisində yol hərəkətinin təhlükəsizliyinin təmin olunmasına görə Rayon Polis Şöbəsinin dövlət yol polisi bölməsinin əməkdaşlarına minnətdarlığını bildirir.

Lənkəran rayon sakini Atlaz Həbibova teleqramında pozulmuş hüquqlarının bərpası ilə bağlı DİN-ə etdiyi müraciətə operativ baxıldığını, Lənkəran Şəhər Rayon Polis Şöbəsində qəbul edilərək dinlənildiyini yazır. O, göstərilən diqqətə, obyektiv araşdırma aparılaraq müraciətinin müsbət həll olunduğuna görə DİN rəhbərliyinə və Lənkəran ŞRPŞ-nin əməkdaşlarına təşəkkürünü bildirir.

Neftçala rayon sakini Eyvaz Quliyev rayon ərazisində ictimai asayişin və ictimai təhlükəsizliyin etibarlı təmin olunmasında xidməti vəzifələrini layiqincə yerinə yetirən Rayon Polis Şöbəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Saatlı rayon sakini Ələsgər Ağayev üzləşdiyi oğurluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarın tutulmasına, eləcə də ona dəymiş ziyanın ödətdirilməsində göstərdikləri köməkliyə görə Saatlı RPŞ-in rəhbərliyinə və əməkdaşlarına minnətdarlığını bildirir.

DİN-in “İnstagram” səhifəsinin izləyicisi olan Bakı şəhər sakini Nurlan Mövsümov atasına məxsus avtomobilin qaçırılması ilə əlaqədar səhifə vasitəsilə ünvanladığı müraciətinə dərhal reaksiya verildiyini, 24-cü Polis Şöbəsinin əməkdaşları tərəfindən qısa müddətdə görülmüş tədbirlərlə avtomobilin tapıldığını və bu cinayət əməlini törədən şəxsin müəyyən edilərək məsuliyyətə cəlb edildiyini bildirir.

N.Mövsümov vətəndaş müraciətlərinə çevik reaksiya verilməsinə, eyni zamanda operativliyə görə DİN rəhbərliyinə və Nizami RPİ-nin 24-cü Polis Şöbəsinin əməkdaşlarına minnətdarlığını bildirir.

Bakı şəhər sakini İbiş Məmmədov DİN rəhbərliyinə ünvanladığı təşəkkür məktubunda Azərbaycan Polisinin xidməti fəaliyyətini yüksək dəyərləndirir, vətəndaş müraciətlərinə həssaslıqla yanaşıldığına görə Səbail Rayon Polis İdarəsinin əməkdaşlarına minnətdarlığını bildirir.

Sevda Mənsimova DİN rəhbərliyinə ünvanladığı təşəkkür məktubunda şikayətinə tez bir zamanda baxılaraq ona göstərdikləri köməyə görə Bakı Şəhər Baş Polis İdarəsinin əməkdaşlarının fəaliyyətini təqdir edir. O, Azərbaycan Polisinə uğurlar diləyir.