Ağcabədi rayon sakinləri Rizvan Rüstəmov və Şəmistan Hüseynov DİN-ə ünvanladıqları təşəkkür məktublarında xidməti vəzifələrini layiqincə yerinə yetirdiyinə görə Ağcabədi RPŞ-nin əməkdaşlarına və DİN rəhbərliyinə minnətdarlığını ifadə edir.

Bakı şəhər sakini Arifə Hətəmova özünə məxsus obyektdə baş vermiş oğurluq hadisəsi ilə əlaqədar etdiyi müraciətə Suraxanı Rayon Polis İdarəsinin 31-ci Polis Bölməsinin əməkdaşları tərəfindən operativ yanaşıldığına və məsələnin qısa zaman ərzində müsbət istiqamətdə həll olunduğuna görə DİO əməkdaşlarına təşəkkür edir.

Vətəndaş Təbriz Yusubov avtomobil ehtiyat hissələri mağazasının Yasamal filialında satıcılar tərəfindən kobud rəftara və fiziki zorakılığa məruz qaldığı barədə etdiyi müraciətə polis əməkdaşları tərəfindən operativ yanaşıldığına həmçinin qısa zaman ərzində araşdırılaraq müsbət istiqamətdə həll olunduğuna görə DİN rəhbərliyinə minnətdarlıq edir.

Sumqayıt şəhər sakini Turqay Pənahov mobil telefonunun ələ keçirilməsi ilə bağlı etdiyi müraciətə Sumqayıt Şəhər Polis İdarəsinin əməkdaşları tərəfindən obyektiv araşdırıldığına və pozulmuş hüquqlarının berpa edilməsində göstərilən köməkliyə görə  DİN rəhbərliyinə və DİO əməkdaşlarına minnətdarlığını bildirir.

Sumqayıt şəhər sakini Arifə Babayeva pozulmuş hüquqlarının berpası üçün etdiyi müraciətinə Sumqayıt Şəhər Polis İdarəsinin 3-cü Polis Bölməsinin əməkdaşları tərəfindən həssaslıqla yanaşıldığına və ona göstərilən köməkliyə görə DİO əməkdaşlarına minnətdarlıq edir və onlara fəaliyyətlərində uğurlar arzu edir. 

Bakı şəhər sakini Arif Hacıyev qarşılaşdığı problemlə bağlı etdiyi müraciətə Yol Patrul Xidmətinin əməkdaşları tərəfindən operativ reaksiya verildiyinə və məsələnin qısa zaman ərzində araşdırılaraq müsbət istiqamətdə həll edildiyinə görə DİN rəhbərliyinə dərin təşəkkürünü bildirir.

Bakı şəhər sakini Rüfət Salmanov dələduzluğa məruz qalması barədə etdiyi müraciətə Sabunçu Rayon Polis İdarəsinin 14-cü Polis Bölməsinin əməkdaşları tərəfindən dərhal reaksiya verildiyinə və məsələnin araşdırılaraq ona dəymiş ziyanın ödətdirilməsində göstərilən köməkliyə görə DİO əməkdaşlarına dərin təşəkkürünü bildirir.

Bakı şəhər sakini Vaqif Hüseynov “102” Xidməti-Zəng Mərkəzinin əməkdaşları tərəfindən vətəndaşlara göstərilən yüksək səviyyədə xidmətə, onların müraciət edən şəxslərlə həssas və nəzakətli şəkildə ünsiyyət saxladıqlarına görə polis əməkdaşlarına dərin minnətdarlıq edir, onlara gələcək fəaliyyətlərində uğurlar arzu edir.

Bakı şəhər sakini Y.Kats DİN-in “İnstagram” səhifəsi vasitəsilə ünvanladığı müraciətinə operativ baxıldığını, Nərimanov Rayon Polis İdarəsində qəbul edilərək dinlənildiyini və müvafiq araşdırmalara başlanıldığını qeyd edir, müraciətinə diqqətlə yanaşılmasına və operativliyə görə DİN rəhbərliyinə təşəkkürünü bildirir.