DİN-in “Facebook” səhifəsinin izləyicisi Rəbiyyə Məmmədova səhifə vasitəsi ilə etdiyi müraciətə operativ reaksiya verilərək müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Xətai RPİ-nin 35-ci Polis Bölməsinin əməkdaşlarına minnətdarlığını bildirir.

37 nəfər Gəncə şəhər sakini DİN rəhbərliyinə ünvanladıqları təşəkkür məktublarında şəhər ərazisində polis əməkdaşları tərəfindən gecə-gündüz yorulmadan xidmət aparılmasına, ictimai asayişin və ictimai təhlükəsizliyin etibarlı qorunmasına, avtomobil yollarında təhlükəsizliyin təmin edilməsinə, vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə Gəncə ŞBPİ-nin rəhbərliyinə və əməkdaşlarına minnətdarlıqlarını bildirir, çətin və şərəfli xidmətlərində uğurlar arzulayırlar.

Xırdalan şəhər sakini Telman Veber DİN-in Facebook səhifəsinə ünvanladığı müraciətində şikayətinə baxılaraq onunla əlaqə saxlanılmasına görə təşəkkürünü bildirir.

“allah_bendesi11” adlı İnstagram istifadəçisi müraciətinə operativ və obyektiv baxıldığına görə Sabuncu Rayon Polis İdarəsinin əməkdaşlarına təşəkkürünü bildirir. Azərbaycan Polisinin hər zaman vətəndaşların güvən yeri olduğunu qeyd edir.

“Ggadzzhii” adlı İnstagram istifadəçisi müraciətinə dərhal baxılaraq itirdiyi telefonunun tapılıb ona təhvil verilməsində göstərdikləri köməkliyə görə Nizami Rayon Polis İdarəsinin 23-cü Polis Bölməsinin əməkdaşlarına təşəkkürünü bildirir.

Afət Telmanqızı adlı sosial şəbəkə istifadəçisi Azərbaycan Polisinin peşəkar fəaliyyətinə görə DİN rəhbərliyi başda olmaqla bütün daxili işlər orqanları əməkdaşlarına təşəkkürünü bildirir. O, Azərbaycan Polisinə gərgin xidməti fəaliyyətlərində uğurlar diləyir.

“kamill.988” adlı sosial şəbəkə istifadəçisi müraciətinə operativ və obyektiv baxıldığına görə Nəsimi Rayon Polis İdarəsinin əməkdaşlarına təşəkkürünü bildirir.

Bakı şəhər sakini İlknur Muradov DİN-in “Facebook” səhifəsi vasitəsilə Azərbaycan Polisinə təşəkkürünü bildirib.

O, hədələnməsi barədə səhifə vasitəsilə etdiyi müraciətinə operativ baxıldığını, Sabunçu Rayon Polis İdarəsinə və Bakı şəhər Baş Polis İdarəsinə dəvət olunaraq dinlənildiyini, müvafiq araşdırma aparılaraq müraciətinin qısa müddətdə müsbət həll olunduğunu qeyd edir.

İ.Muradov vətəndaş müraciətlərinə həssas yanaşılmasına və operativliyə görə DİN rəhbərliyinə təşəkkürünü bildirir.

Bakı şəhər sakini Vəfa Allahverdiyeva DİN-in “Facebook” səhifəsi vasitəsilə etdiyi müraciətinə operativ baxıldığına, Bakı şəhər Baş Polis İdarəsində qəbul edilərək ərizəsinin nəzarətə götürüldüyünə görə DİN rəhbərliyinə minnətdarlığını bildirir.