Bakı şəhər sakini Hafiz Heydərovun DİN-in “Facebook” səhifəsinə yazdığı mesajı diqqətinizə çatdırırıq: “Salam. Dələduzluğa məruz qalmağımla bağlı sizə ünvanladığım şikayət ötən gün ərzində ciddi şəkildə araşdırıldı. Daxili İşlər Nazirliyinin, Bakı şəhər Baş Polis İdarəsinin rəhbərliyinin tapşırığı, Cinayət Axtarış İdarəsi əməkdaşlarının peşəkarlığı sayəsində 3 aydır mebelin pulunu alıb yoxa çıxan şəxs tapıldı və mənə dəymiş maddi ziyanın ödətdirilməsi təmin edildi. Cəmiyyətdə üzləşdiyimiz belə hallara qarşı Azərbaycan Polisinin apardığı mübarizə, göstərmiş olduğu operativ reaksiya məni çox məmnun etdi. Əmin oldum ki, Azərbaycan cəmiyyətinin, vətəndaşlarımızın görmək arzusunda olduğu polis imici artıq formalaşıb. Vətəndaşları narahat edən belə hallara qarşı göstərilən diqqətə və həyata keçirilən operativ tədbirlərə görə Daxili İşlər Nazirliyinin rəhbərliyinə və Bakı şəhər Baş Polis İdarəsinin əməkdaşlarına təşəkkür edirəm.”

Quba rayon sakini Fərid Laçınov müraciətinə həssas yanaşıldığına və göstərilən köməkliyə görə DİN rəhbərliyinə və Quba Rayon Polis Şöbəsinin əməkdaşlarına minnətdarlığını bildirir.

Bakı şəhər sakini Fazilə Hüseynova Daxili İşlər Nazirliyinə ünvanladığı məktubunda daxili işlər orqanlarında gənc əməkdaşlara göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Bakı şəhər sakini Xəyalə Quliyeva üzləşdiyi dələduzluq faktı ilə bağlı DİN-in “İnstagram” səhifəsinə etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Bakı şəhər sakini Əfsanə Əliyeva Daxili İşlər Nazirliyinə ünvanladığı məktubunda Nərimanov rayonu ərazisində narkotiklərin qanunsuz dövriyyəsi hallarının qarşısının alınması ilə bağlı müraciətinə operativ reaksiya verildiyini, Rayon Polis İdarəsinin əməkdaşları tərəfindən müvafiq tədbirlərin həyata keçirildiyini qeyd edir.

Bakı şəhər sakini Səyyad Məmmədov məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Vətən Müharibəsi veteranı, Gəncə şəhər sakini Rəşid Həsənov DİN rəhbərliyinə ünvanladığı təşəkkür məktubunda polis olmaq arzusu ilə bağlı müraciətinə Gəncə ŞBPİ-də qısa zamanda, böyük həssaslıqla yanaşıldığına və müraciətinin müsbət yöndə həll olunduğuna görə minnətdarlığını bildirir.

DİN-in “İnstagram” səhifəsinin “Ggakhraman” adlı izləyicisi müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə Gəncə ŞBPİ-nin rəhbərliyinə təşəkkürünü bildirir.

Qazax rayonunun Canallı kənd sakini Müşviq Məmmədov DİN rəhbərliyinə ünvanladığı təşəkkür məktubunda rayon ərazisində avtomobil yollarında təhlükəsizliyin etibarlı təmin olunmasında göstərdikləri xidmətə görə Qazax Rayon Polis Şöbəsinin rəhbərliyinə və RPŞ-nin Dövlət Yol Polisi Bölməsinin əməkdaşlarına təşəkkürünü bildirir.