Jurnalist Nuranə Abdullayeva “Facebook” səhifəsində post paylaşaraq xidməti vəzifələrini layiqincə yerinə yetirən Yasamal Rayon Polis İdarəsinin əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Qəbələ rayon sakini İlham Süleymanov vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.

Bakı şəhər sakini Reyhan Behbudova cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən, şəhid ailələrinə baş çəkərək qayğıkeşlik göstərən polis əməkdaşlarına təşəkkürünü bildirir, çətin və şərəfli xidmətlərində uğurlar arzulayır.

Bakı şəhər sakini Saleh Nəsirov şəxsi “Instagram” hesabında video paylaşaraq bir müddət öncə paytaxt ərazisində keçirilən  “TEKNOFEST Azərbaycan” festivalı zamanı polis əməkdaşlarının ayıq-sayıqlığı sayəsində asayişin etibarlı qorunmasını və təhlükəsizliyin yüksək səviyyədə təmin edildiyini qeyd edərək DİN rəhbərliyinə təşəkkürünü bildirir.

Ucar rayon sakini Murad Məmmədov daxili işlər nazirinin bu il Göyçay şəhərində keçirdiyi vətəndaş qəbulunda iştirak etdiyini qeyd edərək müraciətinə operativ baxıldığına, obyektiv araşdırılaraq qısa müddətdə müsbət həll edildiyinə görə DİN rəhbərliyinə minnətdarlığını bildirir.

Masallı rayon sakini Elşad Hüseynli pozulmuş hüquqlarının bərpası ilə bağlı DİN-ə etdiyi müraciətə operativ baxıldığını, araşdırma aparılaraq müsbət həll olunduğunu qeyd edərək DİN rəhbərliyinə təşəkkürünü bildirir.

Bakı şəhər sakini Mübariz Kərimov müraciətinə operativ baxıldığını, Nəsimi Rayon Polis İdarəsi tərəfindən qısa müddətdə araşdırma aparılaraq müvafiq tədbirlərin görüldüyünü və müraciətinin müsbət həll olunduğunu qeyd edir. 
M.Kərimov müraciətinə həssas yanaşıldığına və həyata keçirilən operativ tədbirlərə görə özü və ailəsi adından DİN rəhbərliyinə təşəkkürünü bildirir. 

Sumqayıt şəhər sakini Eldəniz Nəqiyev ünvanladığı müraciətinin Sumqayıt ŞPİ 5-ci PB-nin əməkdaşları tərəfindən obyektiv araşdırılaraq müsbət həll olunduğunu qeyd edərək minnətdarlığını bildirir.

Mingəçevir şəhər sakini, birinci Qarabağ müharibəsi veteranı və Şəhid atası olan Zaman Əmirov məktubunda cari il aprelin 29-da respublikanın daxili işlər naziri tərəfindən Göyçay rayonunda keçirilən vətəndaş qəbulunda iştiraka dəvət edildiyini, orada etdiyi müraciətinin qısa müddətdə müsbət həll olunduğunu qeyd edir. O, Şəhid ailələrinə, qazilərə, Vətən müharibəsi iştirakçılarına göstərilən yüksək diqqət və qayğıya, həmçinin müraciətinə həssas yanaşılmasına görə özü, ailəsi və şəhid ailələri adından ölkə və DİN rəhbərliyinə minnətdarlığını bildirir.