DİN-in “İnstagram” səhifəsinin izləyicisi, Bakı şəhər sakini Türkan Həsənova (dolce_piano85) oğurluq faktı ilə bağlı səhifə vasitəsi ilə etdiyi müraciətə Binəqədi RPİ-nin 5-ci Polis Bölməsində operativ baxılaraq qısa müddətdə müsbət həll olunduğuna görə başda DİN rəhbərliyi olmaqla daxili işlər orqanlarının şəxsi heyətinə, eləcə də Binəqədi RPİ-nin əməkdaşlarına təşəkkürünü bildirir.

Neftçala rayon sakini Mirmədinə Babayeva DİN-ə ünvanladığı məktubunda etdiyi müraciətlə əlaqədar Rayon Polis Şöbəsinin Təhqiqat qrupunda aparılan araşdırmalarla bağlı razılığını bildirir.

İmişli rayon sakini Müseyib Hüseynov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və İmişli RPŞ-nin əməkdaşlarına minnətdarlığını bildirir.

Sabirabad rayon sakini Gündüz Quliyev döyülmə faktı ilə bağlı İmişli Rayon Polis Şöbəsinə etdiyi müraciətinə operativ şəkildə baxıldığına, eyni zamanda xidməti və vəzifə borclarını layiqincə yerinə yetirdiklərinə görə şöbə əməkdaşlarına minnətdarlığını bildirir.

İmişli rayon sakini Sevindik Qəhrəmanov üzləşdiyi problemlə əlaqədar etdiyi müraciətə operativ yanaşılaraq müsbət həll olunmasında göstərdikləri köməkliyə görə DİN rəhbərliyinə və İmişli RPŞ-nin əməkdaşlarına təşəkkürünü bildirir.

Neftçala rayon sakini Murad Fərəcov DİN-ə ünvanladığı məktubunda etdiyi müraciətlə əlaqədar Rayon Polis Şöbəsinin Təhqiqat qrupunda obyektiv araşdırmalar aparıldığını yazır. O, görülən işlərə görə DİN rəhbərliyinə və RPŞ-nin əməkdaşlarına minnətdarlığını bildirir.

Vətəndaş N.Yusifova DİN-in “İnstagram” səhifəsi vasitəsilə Azərbaycan Polisinə təşəkkür edib. O, xarici ölkədə pasportunun əlindən alınaraq Azərbaycana qayıda bilməməsi barədə DİN-in “İnstagram” səhifəsi vasitəsilə etdiyi müraciətinə operativ reaksiya verildiyini və bununla əlaqədar dərhal müvafiq tədbirlərin həyata keçirildiyini qeyd edir.

N.Yusifova vətəndaş müraciətlərinə həssaslıqla yanaşılmasına və operativliyə görə DİN rəhbərliyinə minnətdarlığını bildirir.

Bakı şəhər sakini Rəhimə Babayeva üzləşdiyi dələduzluq faktı ilə bağlı DİN-in “İnstagram” səhifəsi vasitəsilə etdiyi müraciətinə dərhal reaksiya verildiyini, Binəqədi RPİ-nin 5-ci Polis Bölməsinə dəvət edilərək faktla bağlı araşdırmanın başlanıldığını qeyd edir. O, DİN-in sosial şəbəkələrdəki səhifələri vasitəsilə ünvanlanan vətəndaş müraciətlərinə operativ baxıldığına görə DİN rəhbərliyinə təşəkkürünü bildirir.

Paytaxtın Sabunçu rayonu Bilgəh qəsəbəsinin bir qrup sakini adından Daxili İşlər Nazirliyinə ünvanlanmış məktubda qəsəbə ərazisində sosial neqativ halların, narkotik vasitələrin və psixotrop maddələrin qanunsuz dövriyyəsi hallarının qarşısının alınması istiqamətində həyata keçirilən tədbirlərin təqdirəlayiq olduğu qeyd olunur.

Qəsəbə sakinləri vətəndaş müraciətlərinə həssaslıqla yanaşılmasına, həyata keçirilən operativ tədbirlərə, eyni zamanda narkotiklərin qanunsuz dövriyyəsinə qarşı aparılan qətiyyətli mübarizəyə görə DİN rəhbərliyinə, eyni zamanda xidməti vəzifələrini layiqincə yerinə yetirən Sabunçu Rayon Polis İdarəsinin əməkdaşlarına təşəkkürlərini bildirir, çətin və şərəfli işlərində uğurlar arzulayırlar.