Sosial şəbəkə istifadəçisi Nurlan Ələsgərov ona qarşı törədilən dələduzluq faktı ilə bağlı şikayətinə operativ baxılaraq dəyən maddi ziyanın ödətdirilməsində göstərdikləri köməkliyə görə Pirallahı Rayon Polis İdarəsinin əməkdaşlarına minnətdarlığını bildirir.

Sosial şəbəkə istifadəçisi Tofik Hümbətov övladının daxili işlər orqanları sıralarına xidmətə qəbul olunduğuna görə DİN rəhbərliyi başda olmaqla Pirallahı Rayon Polis İdarəsinin kollektivinə  təşəkkürünü bildirir.

Sosial şəbəkə istifadəçisi Arzu Mərifova DİN-in “Instagram” səhifəsinə ünvanladığı mesajında təhsil müəssisələrində mütəmadi şəkildə aparılan maarifləndirmə tədbirlərinə görə  Pirallahı Rayon Polis İdarəsinin rəhbərliyinə təşəkkür edir.

Yevlax rayon sakini Aytəkin Abbasova üzləşdiyi problemlə bağlı müraciətinə çevik reaksiya verilməsinə və ona dəymiş maddi ziyanın ödətdirilməsinin təmin olunmasına görə Yevlax Rayon Polis Şöbəsinin kollektivinə minnətdarlığını ifadə edir.

Bakı şəhər sakini Orxan Məmmədli müraciətinə dərhal reaksiya verilməsinə və probleminin qısa müddətdə müsbət həllini tapmasında göstərilən köməkliyə görə Nizami Rayon Polis İdarəsinin 24-cü Polis Şöbəsinin kollektivinə təşəkkürünü bildirir.

Sosial şəbəkə istifadəçisi Vüqar Almazov üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə Nəsimi Rayon Polis İdarəsinin 21-ci Polis Şöbəsinin əməkdaşlarına minnətdarlıq edir.

Sosial şəbəkə istifadəçisi Elşən Məhərrəmov mobil telefonunun oğurlanması ilə bağlı müraciətinə operativ baxıldığına və həyata keçirilmiş tədbirlərlə telefonunun qısa müddətdə tapılaraq ona təhvil verildiyinə görə Sabunçu Rayon Polis İdarəsinin 12-ci Polis Şöbəsinin əməkdaşlarına təşəkkürünü bildirir.

Sosial şəbəkə istifadəçisi Sərxan Həsənli baş vermiş yol-nəqliyyat hadisəsi zamanı hüquq və vəzifələrinin izah olunmasında ona göstərilən köməkliyə görə Naxçıvan Şəhər Polis İdarəsinin rəhbərliyinə təşəkkürünü bildirir.

Vətəndaş Alim Süleymanov DİN-in “Instagram” səhifəsinə yazdığı təşəkkür mesajında Pirallahı rayonu ərazisində avtomobili ilə bağlı problem yaşadığını və polis əməkdaşlarının dərhal kömək etdiyini bildirib. Buna görə gecə-gündüz yorulmadan xidmət edən, cinayətkarlıqla qətiyyətli mübarizə aparan, ictimai asayişi ayıq-sayıq qoruyan və xidməti vəzifələrini layiqincə yerinə yetirən Pirallahı Rayon Polis İdarəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.