Bakı şəhər sakini Çinarə Əliyeva polis əməkdaşlarının operativliyi sayəsində qısa müddətdə bank kartından edilən oğurluğu törədən şəxslərin saxlanıldığını, oğurlanmış pulun özünə qaytarıldığını qeyd edir.

Ç.Əliyeva müraciətlərə diqqətlə yanaşıldığına və operativliyə görə Suraxanı RPİ-nin 32-ci Polis Bölməsinin əməkdaşlarına təşəkkürünü bildirir.

Bakı şəhər sakini Tural Cəfərov pozulmuş hüquqlarının bərpası ilə bağlı DİN-ə etdiyi müraciətə operativ baxıldığını, obyektiv araşdırma aparılaraq müsbət həll olunduğunu qeyd edərək DİN rəhbərliyinə və Suraxanı Rayon Polis İdarəsinin 32-ci Polis Bölməsinin əməkdaşlarına təşəkkürünü bildirir.

“Facebook” istifadəçisi “Javid Nabiyev” səhifəsində post paylaşaraq vətəndaşların müraciətlərinə həssaslıqla yanaşılmasına görə Sumqayıt Şəhər Polis İdarəsinin rəhbərliyinə minnətdarlığını bildirir.

“Facebook” istifadəçisi “Deyanet Azersoy” səhifəsində “Xalqlar dostluğu” metrostansiyasının çıxışında hərəkət sıxlığı probleminin aradan aldırılmasını əks etdirən foto və videolar paylaşaraq qeyd edib: “Ötən gün paytaxtın Nizami rayonunda xoşagəlməz mənzərə ilə bağlı bir jurnalist və vətəndaş kimi problemi işıqlandırdım.

Daxili İşlər Nazirliyi dərhal məsələyə müdaxilə edərək yaranmış problemi anında həll etdi. Bu gün həmin ərazidən insanlar rahat hərəkət edir.

Biz də öz növbəmizdə operativ reaksiya verdiklərinə və insanların rahatlığının təmin olunmasında göstərdikləri köməkliyə görə Daxili İŞlər Nazirliyinin əməkdaşlarına minnətdarlığımızı bildiririk.”

Şirvan şəhər sakini Mahir Cəfərov məktubunda üzləşdiyi dələduzluq faktı ilə bağlı müraciətinə operativ baxıldığına görə minnətdarlığını bildirir.

Lənkəran şəhər sakini Pərvin Cəfərzadə şəhər ərazisində avtomobil yollarında təhlükəsizliyin etibarlı təmin olunmasına, yol polisi əməkdaşlarının məktəblərdə və yollarda apardıqları maarifləndirmə tədbirlərinə diqqət çəkir, onların təhsil müəssisələrinin qarşısında məktəblilərin təhlükəsizliyi üçün gördükləri tədbirlərin təqdirəlayiq olduğunu qeyd edir.

Vətəndaş Ramil Qarayev məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Bakı şəhər sakini, əməkdar jurnalist Afət Məhərrəmova məktubunda üzləşdiyi dələduzluq faktı ilə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Bakı şəhər sakini Kəmalə Qurbanova müraciətinə həssas yanaşıldığına və göstərilən köməkliyə görə minnətdarlığını bildirir.