İmişli rayon sakini Səbirə Quliyeva Daxili İşlər Nazirliyinə ünvanladığı məktubunda pozulmuş hüquqlarının bərpası ilə bağlı polis orqanına müraciət etdiyini qeyd edir. O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə DİN rəhbərliyinə təşəkkürünü bildirir.

Bakı şəhər sakini Azad Gülmuradov işlədiyi mağazadan edilən oğurluqla bağlı DİN-ə etdiyi müraciətə operativ baxıldığını və məsələ ilə bağlı Nəsimi Rayon Polis İdarəsində obyektiv araşdırma aparılaraq müsbət həll olunduğunu qeyd edir. O həmçinin DİN rəhbərliyinə və Nəsimi Rayon Polis İdarəsinin əməkdaşlarına təşəkkürünü bildirir.

Tərtər rayon sakini Vaqif Vəliyev DİN-ə ünvanladığı məktubunda üzləşdiyi problemlə bağlı etdiyi müraciətinə operativ reaksiya verildiyini və Nərimanov RPİ-nin 17-ci Polis Şöbəsinə dəvət edilərək dinlənildiyini bildirir. O, obyektiv araşdırma aparılaraq müraciətinin qısa zamanda müsbət həll olunduğunu qeyd edərək DİN rəhbərliyinə və  17-ci Polis Şöbəsinin əməkdaşlarına təşəkkürünü bildirir.

Bakı şəhər sakini Surac Əliyev məktubunda ev alqı-satqısı zamanı pulunun ələ keçirilməsi ilə bağlı DİN-ə etdiyi müraciətinə operativ reaksiya verildiyini, obyektiv araşdırma aparılaraq qısa zamanda müsbət həll olunduğunu və dəymiş maddi ziyanın tam ödətdirildiyini qeyd edir. O, operativliyə, obyektiv araşdırma aparılaraq göstərilən köməkliyə görə DİN rəhbərliyinə minnətdarlığını bildirir. 

Bərdə rayon sakini Nüşabə Allahverdiyeva məktubunda ailələrinə göstərilən diqqət və qayğıya, etimad göstərilərək oğlunun daxili işlər orqanlarında xidmətə bərpa olunmasına görə DİN rəhbərliyinə minnətdarlığını bildirir.

Elnur Qasımov adlı şəxs “Facebook” sosial şəbəkəsindəki hesabında dünyanın ən yaxşı, ən humanist polisinin Azərbaycan polisi olduğunu yazır. O, paylaşımında cinayətkarlıqla qətiyyətli mübarizə aparan, gecə-gündüz yorulmadan xidmət edərək ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən, humanist və fədakar polis əməkdaşlarına təşəkkürünü bildirir: “Tanrı Azərbaycan Polisini və qəhrəman xalqımızı qorusun”.

Bakı şəhər sakini Xalidə Cəbiyeva turizm şirkətlərindən biri tərəfindən maddi ziyana məruz qalması ilə bağlı DİN-in “İnstagram” səhifəsi vasitəsilə etdiyi müraciətinə operativ reaksiya verildiyini, Yasamal RPİ-nin 28-ci Polis Bölməsinə dəvət edilərək araşdırmalara başlanıldığını qeyd edir. O, müraciətinə həssas yanaşılmasına və operativliyə görə DİN rəhbərliyinə təşəkkürünü bildirir.

Goranboy rayon sakini Emin Ağayev DİN rəhbərliyinə ünvanladığı təşəkkür məktubunda üzləşdiyi dələduzluqla bağlı etdiyi müraciətin qısa zamanda araşdırılması və ona dəymiş ziyanın ödətdirilməsi ilə bağlı Xocalı RPŞ-nin rəhbərliyindən razılığını ifadə edir.

Samux rayon sakini Firdovsi Əliyev DİN rəhbərliyinə ünvanladığı təşəkkür məktubunda müraciətinin obyektiv araşdırılmasına görə Samux RPŞ-nin əməkdaşlarına minnətdarlıq edir.