Bakı şəhər sakini Gülnarə Məmmədova Daxili İşlər Nazirliyinə ünvanladığı məktubunda üzləşdiyi problemlə əlaqədar etdiyi müraciətə operativ baxılaraq müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.

Bakı şəhər sakini Səfurə Binnətova Daxili İşlər Nazirliyinə ünvanladığı məktubunda bank hesabından oğurluq faktı ilə əlaqədar etdiyi müraciətə operativ baxıldığına və bu əməli törədən şəxsin qısa müddətdə müəyyən edilərək saxlanılıb istintaqa cəlb edildiyinə görə Binəqədi RPİ-nin İstintaq və 4-cü Polis Şöbələrinin əməkdaşlarına minnətdarlığını bildirir.

Vətəndaş Mətləb Paşayev DİN-in “Instagram” səhifəsinə təşəkkür mesajı yazıb. O, Yol Patrul Xidmətinin fəaliyyəti ilə bağlı “Instagram” sosial şəbəkəsindəki hesabında paylaşaraq ictimailəşdirdiyi statusa Baş Dövlət Yol Polisi İdarəsindən reaksiya verildiyini, onunla əlaqə saxlanılaraq dinlənildiyini və müvafiq izah verildiyini qeyd edir. 
M.Paşayev müraciətlərə çevik reaksiya verilməsinə, operativliyə və ətraflı məlumata görə Baş Dövlət Yol Polisi İdarəsinin əməkdaşlarına minnətdarlığını bildirir, Azərbaycan Polisinə çətin və şərəfli xidmətində uğurlar arzulayır. 

Bakı şəhər sakini Natalya Badanina Daxili İşlər Nazirliyinə ünvanladığı məktubunda üzləşdiyi problemlə əlaqədar etdiyi müraciətə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə təşəkkürünü bildirir.

Vətəndaş Sona Mehdiyeva DİN-in “Instagram” səhifəsinə mesaj yazaraq vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir.

Bakı şəhər sakini Rəfail Cəfərov DİN-in “Facebook” səhifəsinə təşəkkür mesajı yazıb. O, müraciətinə operativ baxıldığına, Binəqədi RPİ-nin 6-cı Polis Bölməsinə dəvət olunduğuna və müvafiq araşdırmalara başlanıldığına görə DİN rəhbərliyinə təşəkkürünü bildirir. 

Göyçay rayon sakini Qadir Rəfiyev təşəkkür məktubunda xidməti vəzifələrini layiqincə yerinə yetirdiklərinə görə Göyçay RPŞ-nin əməkdaşlarına minnətdarlığını bildirir.

Ağdam rayon sakini Zabilə Novruzova DİN rəhbərliyinə ünvanladığı təşəkkür məktubunda müraciətinin müsbət həll olunmasına görə Mingəçevir ŞPŞ-nin əməkdaşlarına minnətdarlıq edir.

Şəki rayon sakini Surayə İbrahimova ona məxsus bank kartından oğurluq edən şəxsin tapılmasına və müraciətinin obyektiv araşdırılmasına görə ŞRPŞ-nin əməkdaşlarına təşəkkür edir.