Beyləqan rayonunun Təzəkənd kəndində yaşayan Vidadi Namazov bir qrup sakin adından DİN rəhbərliyinə ünvanladığı təşəkkür məktubunda rayon ərazisində ictimai asayişin və ictimai təhlükəsizliyin təmin olunmasına, habelə şəhid ailələrinə göstərilən diqqət və qayğıya görə Rayon Polis Şöbəsinin rəhbərliyinə və əməkdaşlarına minnətdarlıq edir, çətin və şərəfli xidmətlərində uğurlar arzulayır.

Hacıqabul rayon sakini Sübhan Əskərov məktubunda üzləşdiyi problemlə bağlı müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və BMCMİ-nin əməkdaşlarına minnətdarlığını bildirir.

Bakı şəhər sakini ssenarist, yazıçı, Azərbaycanın əməkdar jurnalisti Nadejda İsmayılova ünvanladığı təşəkkür məktubunda bunları yazır: Üç il bundan əvvəl dostları onu Zuğulba qəsəbəsində yerləşən “Xəzri” İstirahət və Sağlamlıq Mərkəzi ilə tanış ediblər. Bodrum, Yessentuki, Pitsunda, Yurmala, Karlovo-Varı, Akapulko son zamanlar qonağı olduğu məkanlardan heç birini Xəzri ilə müqayisə etmək düzgün olmazdı. Burada təbiətlə insan arasında gözəgörünməz harmoniyanın vəhdət mərhələsidir. Qeyd edir ki, yaşadığı hissləri sözlə ifadə etmək mümkünsüzdür. Ətrafda sahildən yataq otağına qədər mükəmməl, hətta deyərdim ideal vəziyyətə gətirilmiş təmizlik.

Təbiətin əzəli qorunub saxlanılan gözəlliyi və çiçəklənən oleanders ətrafı ovsunlayırdı. Bu yazıya onu sövq edən burada çalışan insanların sevgisidir. Menecerlər, aşpazlar, barmenlər, ofisiantlar, qulluqçular, mühafizəçilər, bağbanlar, xilasedicilər, tibb işçiləri hər zaman səliqəli, nəzakətli,istirahət edənlər hər istəyinə cavab verməyə hazırdırlar. Ümumiyyətlə, Xəzri eşq məkanıdır. COVID-in bütün təhdidlərinə baxmayaraq, qlobal pandemiyanın ən ağır sınaqlarından şərəflə keçən, yaradılan gözəl atmosferə, təhlükəsizliyimizlə yanaşı, sağlamlığımıza xüsusi önəm verdiyinizə görə DİN rəhbərliyi başda olmalqa, Xəzrinin heyətinə təşəkkür edirik.

Bakı şəhər sakini Şəfiqə İsmayılzadə müraciətinə obyektiv baxılaraq müsbət həll edildiyinə görə İnsan Alverinə Qarşı Mübarizə Baş İdarəsinin əməkdaşlarına təşəkkürünü bildirir.

DİN-in “İnstagram” səhifəsinin izləyicisi Zaur Həsənov (Officialhesenov) səhifə vasitəsi ilə etdiyi müraciətə obyektiv baxıldığına görə Binəqədi RPİ-nin 4-cü Polis Şöbəsinin əməkdaşlarına minnətdarlığını bildirir.

Bakı şəhər sakini Tural Azadəliyev ictimai qaydanın və təhlükəsizliyin təmin olunmasında, hüquqazidd əməllərin qarşısının alınmasında, o cümlədən narkotiklərin qanunsuz dövriyyəsinə qarşı mübarizədə xidməti vəzifə borclarını layiqincə yerinə yetirdiklərinə, fədakarlıq nümayiş etdirdiklərinə görə Nizami RPİ 23-cü Polis Bölməsinin rəhbərliyinə və əməkdaşlarına minnətdarlığını bildirir.

Bakı şəhər sakini Nərgiz Əzizova üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərdikləri köməkliyə görə Azərbaycan Polisinə və şəxsi heyətinə təşəkkürünü ifadə edir.

Vətəndaş Elyaz Gülüyev DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirən Şəki ŞRPŞ-nin əməkdaşlarına minnətdarlıq edir.

Mingəçevir şəhər sakini Vaqif Hüseynov təşəkkür məktubunda xidməti vəzifələrini və peşə fəaliyyətlərini layiqincə yerinə yetirdiklərinə görə BDYPİ-yə bilavasitə tabe olan Yevlax RQİ və TBŞ-nin əməkdaşlarına minnətdarlığını bildirir.