Bakı şəhər sakini Şahbaz Şahbazov ictimai asayişin, ictimai təhlükəsizliyin keşiyində mətin dayanan daxili işlər orqanları əməkdaşlarının fədakar xidmətlərinə, eləcə də Daxili Qoşunların hərbi qulluqçularının torpaqlarımızın azadlığı uğrunda gedən döyüşlərdə göstərdikləri rəşadətə görə DİN rəhbərliyinə və əməkdaşlarına təşəkkürünü ifadə edir.

Naxçıvan Muxtar Respublikasının sakini Səkinə Mehdiyeva üzləşdiyi problem ilə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərilən köməyə görə DİN rəhbərliyinə minnətdarlığını bildirir.

Milli Məclisin deputatı Azər Badamov müraciətinə obyektiv, hərtərəfli və vaxtında baxılmasına, ictimai asayişin və təhlükəsizliyin qorunub saxlanılmasına görə DİN rəhbərliyinə təşəkkürünü ifadə edir.

Bakı şəhər sakini Sultanəli Qurbanov Daxili İşlər Nazirliyinə ünvanladığı məktubunda üzləşdiyi dələduzluq faktı ilə bağlı müraciəti ilə əlaqədar Baş Mütəşəkkil Cinayətkarlıqla Mübarizə İdarəsinə dəvət olunduğunu bildirir.

O, nəzakətlə qarşılanaraq müraciətinə həssas yanaşıldığını qeyd edir, operativ tədbirlərə görə BMCMİ-nin rəhbərliyinə və əməkdaşlarına minnətdarlığını ifadə edir, çətin və şərəfli işlərində uğurlar arzulayır.

Xaçmaz rayon sakini Ramin Əliyev DİN rəhbərliyinə ünvanladığı təşəkkür məktubunda baş vermiş yol-nəqliyyat hadisəsinin operativ və obyektiv araşdırılaraq hüquqlarının qorunmasında onlara göstərilən köməkliyə görə DİN-in Baş İstintaq və Təhqiqat İdarəsinin əməkdaşlarına minnətdarlığını bildirir.

Bakı şəhər sakini Emil Rəsulov müraciətinə operativ və obyektiv baxılaraq hüquqlarının qorunmasında ona göstərdikləri köməyə görə Gədəbəy Rayon Polis Şöbəsinin əməkdaşlarına minnətdarlığını bildirir. O, vətəndaş müraciətlərinə həssaslıqla yanaşılmasını yüksək dəyərləndirir.

Gəncə şəhər sakini Akif Rzayev DİN rəhbərliyinə ünvanladığı təşəkkür məktubunda bu çətin dönəmdə gərgin xidmət aparan Azərbaycan Polisinin fəaliyyətini yüksək dəyərləndirir və minnətdarlığını ifadə edir. O, məhz birliyimiz, həmrəyliyimiz sayəsində tezliklə zəfər çalacağımıza inandığını qeyd edir.

Xaçmaz rayon sakini Leyli Səmədova DİN rəhbərliyinə ünvanladığı məktubunda xidməti vəzifələrini layiqincə yerinə yetirdiklərinə və xalqına şərəflə xidmət etdiklərinə görə DİN və Xaçmaz Rayon Polis Şöbəsinin rəhbərliyinə minnətdarlığını ifadə edir.

Quba rayon sakini İsmayıl Tağıyev DİN rəhbərliyinə ünvanladığı təşəkkür məktubunda ona qarşı edilmiş soyğunçuluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində cinayətkarın tutulmasına və ona dəyən ziyanın ödənilməsində göstərdikləri köməyə görə DİN rəhbərliyinə və Quba Rayon Polis Şöbəsinin əməkdaşlarına təşəkkürünü bildirir.