Bakı şəhər sakini Famil Soltanov DİN-in “Instagram” səhifəsinə yazdığı mesajında moped alqı-satqısı zamanı aldadılması ilə bağlı müraciəti ilə əlaqədar Xətai Rayon Polis İdarəsinə dəvət edildiyini, hüquq və vəzifələrinin ona izah olunduğunu və müvafiq araşdırmalara başlanıldığını qeyd edir. O, müraciətinə diqqətlə yanaşılmasına və aparılan obyektiv araşdırmaya görə DİN rəhbərliyinə təşəkkürünü bildirir. 

Bakı şəhər sakini Leyla Seyidəliyeva məktubunda Nərimanov RPİ 17-ci Polis Şöbəsinin əməkdaşlarının onun atası, alsqeymur xəstəsi olan 85 yaşlı atasına evini tapmaqda köməklik göstərdiyini və onu ünvanına gətirdiklərini qeyd edir. O, humanistliyə, göstərilən diqqətə, qayğıya və köməkliyə görə 17-ci Polis Şöbəsinin əməkdaşlarına minnətdarlığını bildirir.

Bakı şəhər sakini Cavid Əmirseyidov rahat yaşayış hüquqlarının pozulması ilə bağlı DİN-in Facebook sosial şəbəkəsindəki rəsmi səhifəsinə yazdığı müraciətinə dərhal reaksiya verilməsinə, Abşeron Rayon Polis İdarəsində araşdırma aparılaraq qısa müddətdə problemin həll olunmasına görə DİN rəhbərliyinə təşəkkürünü bildirir. 

Bakı şəhər sakini Namik Cümşüdov DİN-in Facebook sosial şəbəkəsindəki rəsmi səhifəsinə yazdığı müraciətinə operativ baxıldığını, Yasamal RPİ-nin 29-cu Polis Şöbəsinə dəvət edilərək müraciəti ilə bağlı görülən işlər barədə ona ətraflı məlumat verildiyini və müvafiq tədbirlərin həyata keçirildiyini qeyd edir. O, operativliyə və həyata keçirilən tədbirlərə görə DİN rəhbərliyinə təşəkkürünü bildirir. 

Xəzər TV-nin müxbiri Xəzər Əlizadə sosial şəbəkə üzərindən DİN-ə ünvanladığı müraciətində şikayətinə tez bir zamanda baxılaraq müsbət həllini tapmasında ona göstərdikləri köməkliyə görə Yasamal Rayon Polis İdarəsinin əməkdaşlarına təşəkkürünü bildirir. 

Bakı şəhər sakini Ağaşirin Kərimli sənədlərinin itkisi ilə bağlı müraciətinə operativ şəkildə baxılaraq tapılıb ona qaytarılmasında göstərilən köməyə görə DİN rəhbərliyinə təşəkkürünü bildirir. O, vətəndaş müraciətlərinə həssaslıqla yanaşılmasının polis-vətəndaş münasibətlərinin daha da yaxşılaşmasına zəmin yaratdığını qeyd edir.

Vətəndaş Babək Hətəmov DİN-ə ünvanladığı onlayn müraciətində Azərbaycan Polisinin gərgin xidməti fəaliyyətini təqdir edir və DİN rəhbərliyi başda olmaqla daxili işlər orqanları əməkdaşlarına təşəkkürünü bildirir. 

Abşeron rayon sakini Azər Əmirhüseynov problemi ilə bağlı müraciət edərkən operativ münasibətə görə “102” Xidməti-Zəng Mərkəzinin xidməti fəaliyyətini təqdir edir və əsl peşəkarlıq nümayiş etdirdiklərinə görə Azərbaycan Polisinə təşəkkürünü ifadə edir.

Vətəndaş  İlkin Əliyev DİN-ə ünvanladığı onlayn müraciətində ictimai asayişin qorunmasında, cinayətkarlıqla mübarizədə əsl fədakarlıq nümayiş etdirdiklərinə görə daxili işlər orqanları əməkdaşlarının xidməti fəaliyyətini yüksək dəyərləndirir və Azərbaycan Polisi ilə qürur duyduğunu bildirir.