Bakı şəhər sakini Gülbəniz Sadıqova DİN-in “Instagram” səhifəsinə təşəkkür mesajı yazıb. O, DİN-in “Instagram” səhifəsi vasitəsilə ünvanladığı müraciətinə operativ baxıldığına, Suraxanı Rayon Polis İdarəsinə dəvət olunaraq hüquq və vəzifələrinin izah olunmaqla obyektiv araşdırmalara başlanıldığına görə DİN rəhbərliyinə və Azərbaycan Polisinə təşəkkürünü bildirir. 

Vətəndaş Eldar Ağayev üzləşdiyi problemlə bağlı Daxili İşlər Nazirliyinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. O, müraciətinin müsbət həll olunduğunu qeyd edərək DİN rəhbərliyinə minnətdarlığını bildirir

Hacıqabul rayon sakini Tamamnaz Məmmədova məktubunda üzləşdiyi problemlə bağlı ünvanladığı müraciətinə operativ baxıldığını, Nizami RPİ-nin 25-ci Polis Bölməsində qəbul edilərək dinlənildiyini və araşdırma aparılaraq qısa müddətdə müraciətinin müsbət həll olunduğunu qeyd edərək DİN rəhbərliyinə və Nizami Rayon Polis İdarəsinin əməkdaşlarına təşəkkürünü bildirir. 
    

Vətəndaş Ayşən Əsgərova Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar arzulayır.

Bakı şəhər sakini Ağaməmməd Qasımov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Binəqədi RPİ 5-ci Polis Bölməsinin rəhbərliyinə və əməkdaşlarına minnətdarlığını bildirir. 

Bakı şəhər sakini Qədim Bayramov üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Abşeron RPİ-nin rəhbərliyinə və şəxsi heyətinə təşəkkürünü ifadə edir. 

Masallı rayon sakini Allahşükür Zahidov məktubda daxili işlər nazirinin Lənkəran şəhərində vətəndaşlarla görüşündən, onların üzləşdikləri problemlərin, eləcə də daxili işlər orqanlarının səlahiyyətlərinə aid olan məsələlərlə bağlı müraciətlərin həll olunması istiqamətində göstərilən köməklikdən yazır və Azərbaycan Polisinə minnətdarlığını bildirir.

Bakı şəhər sakini Mirsəttər Nəzərli yaşadığı Binə qəsəbəsində avtobus, habelə digər sürücülərin məsuliyyətsiz davranışları, kobud qanun pozuntuları nəticəsində tıxacların yarandığını, bununla da piyadaların rahat, maneəsiz hərəkətində çətinlik yaranması ilə əlaqədar etdiyi müraciətə operativ reaksiya verilərək qısa zaman kəsiyində problemin aradan qaldırılmasında göstərdikləti köməkliyə görə Xəzər RPİ Dövlət Yol Polisi Şöbəsinin rəhbərliyinə və əməkdaşlarına təşəkkürünü yazır. 

Biləsuvar rayon sakini, şəhid atası Üzeyir Qurbanov ictimai asayişin və təhlükəsizliyin təmin olunmasında, narkotiklərin, psixotrop maddələrin və onların prekursorlarının qanunsuz dövriyyəsinə qarşı qətiyyətli mübarizədə, bu çərçivədə keçirilən maarifləndirmə tədbirlərində xidməti vəzifə borclarını layiqincə yerinə yetirdiklərinə görə Biləsuvar RPŞ-nin rəhbərliyinə və şəxsi heyətinə minnətdarlığını ifadə edir.