DİN-in “İnstagram” səhifəsinin izləyicisi olan Əməkdar artist Zaur Əmiraslanov səhifəyə təbrik və təşəkkür məktubu göndərib:

Zauramiraslanovofficial: “Salam. Qələbə bayramımız mübarək. Mənim də bağ evimdən oğurluq olmuşdur. Şəxslər tapılmış və mənə dəyən ziyan ödənilmişdir. Başda çox hörmətli nazirimiz Vilayət Eyvazov cənabları olmaqla, bu çətin günlərdə asayişimizin yüksək səviyyədə təmin olunmağında əməyi olan bütün şərəfli polis əməkdaşlarına öz adımdan, ailəmiz adından dərin təşəkkürümü bildirir, sizə şərəfli xidmətinizdə uğurlar arzu edirəm.

Hörmətlə: Əməkdar artist Zaur Əmiraslanov”.

Astara rayonunun Şəmətük kənd sakini Arzu Ağayev DİN rəhbərliyinə ünvanladığı təşəkkür məktubunda üzləşdiyi çətinliklə bağlı Astara Rayon Polis Şöbəsinin rəhbərliyi tərəfindən qəbul edilməsinə və ona dəymiş maddi ziyanın ödənilməsinə görə minnətdarlığını bildirir.

Lənkəran rayonunun Boladi kənd sakini Cavidan Əliyev DİN rəhbərliyinə ünvanadığı təşəkkür məktubunda xidməti vəzifələrini layiqincə yerinə yetirdiyinə görə Lənkəran ŞRPŞ-nin rəhbərliyindən razılığını ifadə edir.

Astara rayonunun Ojakəran kənd sakini Günay Əliyeva DİN rəhbərliyinə ünvanladığı təşəkkür məktubunda evindən oğurluq edən şəxsin qısa zamanda müəyyən edilərək saxlanılmasına, oğurlanan əşyasının isə tapılaraq ona qaytarılmasına görə Astara Rayon Polis Şöbəsinin əməkdaşlarına minnətdarlığını bildirir.

Astara rayonunun Səncərədi kənd sakini Rəqsanə Əliyeva DİN rəhbərliyinə ünvanladığı təşəkkür məktubunda etdiyi müraciətlə əlaqədar Astara RPŞ-nin rəhbərliyi tərəfindən qəbul edilməsinə və məsələnin müsbət həllini tapmasına görə minnətdarlığını ifadə edir.

Neftçala rayon sakini Qurban Cavadov qanunun aliliyinin təmin edilməsində, cinayətkarlıqla mübarizədə vəzifə borclarının öhdəsindən layiqincə gəldiklərinə, fədakarlıq nümayiş etdirdiklərinə görə DİN rəhbərliyinə, Su Nəqliyyatında Polis İdarəsinə və əməkdaşlarına minnətdarlığını bildirir.

Vətəndaş Vüsal Rzayev üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə, Binəqədi RPİ və şəxsi heyətinə təşəkkürünü ifadə edir.

Bakı şəhər sakini Rövşən Məhərrəmov DİN rəhbərliyinə ünvanladığı təşəkkür məktubunda etdiyi müraciətə operativ və tez bir zamanda baxıldığına və ona göstərilən köməkliyə görə Bakı şəhər Baş Polis İdarəsinin əməkdaşlarına minnətdarlıq edir.

Sabirabad rayon sakini Məcid İsmayılov DİN rəhbərliyinə ünvanladığı məktubunda polis əməkdaşlarının xidməti vəzifə borclarını layiqincə yerinə yetirdiklərinə, asayişin təmin olunmasında, cinayətkarlıqla mübarizədə fəal iştirakına görə Sabirabad RPŞ-nin rəhbərliyinə təşəkkürünü bildirir.