Gəncə şəhər sakini Siyavuş Bədirov DİN rəhbərliyinə ünvanladığı məktubunda etdiyi müraciətə operativ baxılaraq probleminin tez bir zamanda aradan qaldırılmasında göstərilən köməkliyə görə Gəncə ŞBPİ-nin əməkdaşlarına minnətdarlığını bildirir.

DİN-in “İnstagram” səhifəsinin izləyicisi, Bakı şəhər sakini Tural Sadıxov üzləşdiyi problemlə bağlı Binəqədi RPİ 5-ci Polis Bölməsinə etdiyi müraciətə operativ baxıldığını, araşdırma aparılaraq müvafiq tədbirlərin görüldüyünü yazır. 
O, vətəndaşların müraciətlərinə diqqətlə yanaşılmasına və operativliyə, həmçinin müraciətinin müsbət həll olunaraq özünün və ailəsinin narahatlığına son qoyulmasına görə DİN rəhbərliyinə və Binəqədi RPİ 5-ci Polis Bölməsinin əməkdaşlarına təşəkkürünü bildirir.

Vətəndaş Nihal Əkbərova DİN-in “İnstagram” səhifəsinə mesaj yazaraq müraciətinə operativ baxıldığına, obyektiv araşdırılaraq qısa müddətdə müsbət həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə minnətdarlığını bildirir.

Bakı şəhər sakini, Vətən müharibəsi qazisi, 3-cü qrup əlil İsmayıl Mənsimli DİN-in “İnstagram” səhifəsinə mesaj yazaraq müraciəti ilə əlaqədar Bakı şəhər Baş Polis İdarəsinin Dövlət Yol Polisi İdarəsinə dəvət olunduğunu, nəzakətlə qarşılanaraq müraciətinin qısa müddətdə müsbət həll olunduğunu qeyd edərək DİN rəhbərliyinə təşəkkürünü bildirir.

Baki şəhər sakini  Fidan Nəbizadə məktubunda içərisində pulu, sənədləri və bank kartları olan pulqabısını itirməsi barədə polisə müraciət etdiyini və polis əməkdaşları tərəfindən qısa müddətdə pulqabısının tapılaraq ona təhvil verildiyini yazır. O, xidməti vəzifələrini layiqincə yerinə yetirdiyinə, nəzakətlilik və humanistliyə, eyni zamanda operativliyə görə Azərbaycan polisinə təşəkkürünü bildirir.

Bakı şəhər sakini Nigar Atabəyli DİN-in “İnstagram” səhifəsinə təşəkkür mesajı yazıb. O, yaşadığı evindən edilmiş oğurluqla bağlı müraciəti ilə əlaqədar Xəzər Rayon Polis İdarəsinin əməkdaşları tərəfindən keçirilən tədbirlərlə qısa müddətdə bu əməli törədənlərin müəyyən edilərək saxlanıldığını qeyd edir. 
N.Atabəyli mesajında DİN rəhbərliyinə və cinayətin “isti izlər”lə açılmasına görə Xəzər Rayon Polis İdarəsinin əməkdaşlarına təşəkkürünü bildirir. 

Sumqayıt şəhər sakini Qadir Qasımov DİN-ə ünvanladığı təşəkkür məktubunda polis əməkdaşlarının nümunəvi xidmətinə, təhsil müəssisələrində keçirilən  maarifləndirici tədbirlərinə, xoş rəftarlarına və nəzakətli davranışlarına görə DİN rəhbərliyinə və ŞPİ-nin əməkdaşlarına minnətdarlığını bildirir, çətin və şərəfli işlərində uğurlar arzulayır.  

Jurnalist Pərvin Abışova sosial şəbəkə vasitəsilə etdiyi müraciətinə həssas yanaşıldığına və göstərilən köməkliyə görə DİN rəhbərliyinə və Bakı şəhər Baş Polis İdarəsinin əməkdaşlarına minnətdarlığını bildirir. 

Vətəndaş Məharət Hüseyn paytaxt ərazisində avtomobil yollarında təhlükəsizliyin etibarlı təmin olunmasına, yol polisi əməkdaşlarının məktəblərdə və yollarda apardıqları maarifləndirmə tədbirlərinə diqqət çəkir, onların təhsil müəssisələrinin qarşısında məktəblilərin təhlükəsizliyi üçün gördükləri tədbirlərin təqdirəlayiq olduğunu qeyd edir.