Avtomobildən oğurluqda şübhəli bilinən Cəlilabad rayon sakini O.Soltanov müəyyən edilərək saxlanılmışdır

05.04.2022

Səbail RP 41-ci Polis Bölməsi əməkdaşlarının keçirdikləri əməliyyat tədbirləri nəticəsində Badamdar qəsəbəsi ərazisində “Mercedes” və “Niva” markalı iki avtomobildən pul və  maqnitofon oğurlamaqda şübhəli bilinən Cəlilabad rayon sakini O.Soltanov müəyyən edilərək saxlanılmışdır. Araşdırma aparılır. 

Bakı şəhər sakinləri E.Fərəcovdan və Z.Mustafayevdən heroin aşkar edilərək götürülmüşdür

05.04.2022

Sabunçu RPİ 12-ci Polis Şöbəsi əməkdaşlarının keçirdikləri əməliyyat tədbirləri nəticəsində saxlanılan Bakı şəhər sakinləri, əvvəllər məhkum olunmuşlar E.Fərəcovdan və Z.Mustafayevdən heroin aşkar edilərək götürülmüşdür. Ətraflarında aparılan əməliyyat tədbirləri ilə onların Sabunçu qəsəbəsindəki evlərin birindən 12.000 manat, 400 ABŞ dolları pul, 1000 manat dəyərində qızıl-zinət və 2000 manat dəyərində məişət əşyaları, digər evdən isə 5000 manat dəyərində su qızdırıcısı, məişət və geyim əşyaları oğurlamaları da müəyyən edilmişdir.

Mobil telefon oğurlamaqda şübhəli bilinən Goranboy rayon sakini V.Dadaşov saxlanılmışdır

05.04.2022

Kəpəz RPİ əməkdaşlarının keçirdikləri əməliyyat tədbirləri nəticəsində aprelin 1-də şəhər ərazisində yerləşən şadlıq saraylarının birində E.Qəhrəmanovun və B.Nadirlinin mobil telefonlarını oğurlamaqda şübhəli bilinən Goranboy rayon sakini V.Dadaşov saxlanılmışdır. Araşdırma aparılır. 

Tərtər rayonunun Hüsənli kənd sakini A.Paşayevdən qanunsuz saxladığı ov tüfəngi götürülmüşdür

05.04.2022

Tərtər RPŞ əməkdaşlarının keçirdikləri əməliyyat tədbirləri nəticəsində Hüsənli kənd sakini A.Paşayevdən qanunsuz saxladığı “İJ-16” markalı  ov tüfəngi götürülmüşdür.

Gün ərzində törədilmiş 50 cinayətin üstü “isti izlər”lə açılmışdır

04.04.2022

Respublikanın daxili işlər orqanları tərəfindən gün ərzində törədilmiş 50 cinayətin üstü “isti izlər”lə açılmışdır.

Nəsimi rayonu ərazisində Yevlax rayon sakini B.Quliyevi bıçaqla qətlə yetirməkdə şübhəli bilinən R.Qasımov tutularaq istintaqa təhvil verilmişdir

04.04.2022

Nəsimi RPİ-nin 19-cu Polis Şöbəsinə aprelin 4-də saat 23 radələrində A.Mustafayev küçəsində Yevlax rayon sakini, əvvəllər məhkum olunmuş 40 yaşlı Bəhruz Quliyevin öldürülməsi barədə məlumat daxil olmuşdur.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Araşdırmalarla Bakı şəhər sakini, əvvəllər məhkum olunmuş R.Qasımovun  B.Quliyevi bıçaqla qətlə yetirməsinə əsaslı şübhələr müəyyən edilmişdir.Polis əməkdaşlarının keçirdikləri əməliyyat-axtarış tədbirləri nəticəsində R.Qasımov şübhəli şəxs qismində tutularaq istintaqa təhvil verilmişdir.

Sumqayıt şəhəri ərazisindəki iki evdən oğurluq etməkdə şübhəli bilinən şəhər sakini C.Qismətli saxlanılmışdır

04.04.2022

Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində martın 11-dən 23-dək olan müddətdə şəhər ərazisindəki bir evdən 5000 ABŞ dolları və qızıl-zinət əşyaları, digər evdən isə qızıl-zinət əşyaları oğurlamaqda şübhəli bilinən Sumqayıt şəhər sakini, əvvəllər məhkum olunmuş C.Qismətli saxlanılmışdır.

Mingəçevir şəhəri ərazisindəki mağazaların birindən pul, müşahidə kamerası və yaddaş kartı oğurlamaqda şübhəli bilinən E.Babayev saxlanılmışdır

04.04.2022

Mingəçevir ŞPŞ əməkdaşlarının keçirdikləri əməliyyat-axtarış tədbirləri nəticəsində aprelin 2-də şəhər ərazisindəki mağazaların birindən 7085 manat pul, 2300 manat dəyərində müşahidə kamerası və yaddaş kartı oğurlamaqda şübhəli bilinən şəhər sakini E.Babayev saxlanılmışdır.

Şəmkir şəhərinin Çinarlı qəsəbəsi ərazisində yerləşən qəbiristanlıqdan oğurluq etməkdə şübhəli bilinən şəxslər saxlanılmışlar

04.04.2022

Şəmkir RPŞ əməkdaşlarının keçirdikləri əməliyyat-axtarış tədbirləri nəticəsində fevral ayında Çinarlı qəsəbəsi ərazisində yerləşən qəbiristanlıqdakı qəbirlərdən birinin üzərinə quraşdırılmış alüminiumdan olan 4 ədəd gül qablarını oğurlamaqda şübhəli bilinən qəsəbə sakinləri X.Hüseynov, M.Abışov və əvvəllər məhkum olunmuş R.Əhmədov saxlanılmışlar. Ətraflarında aparılan tədbirlərlə onların cari ilin yanvar-mart ayları ərzində həmin qəbiristanlıqdakı daha 8 qəbirin ətrafına quraşdırılmış alüminiumdan olan gül qablarını oğurlamaları da müəyyən olunmuşdur.

Şirvan şəhərində saxlanılmış Bakı şəhər sakini A.Xanzadədən heroin və saxta əskinaslar aşkar edilərək götürülmüşdür

04.04.2022

Şirvan ŞPŞ əməkdaşlarının keçirdikləri əməliyyat tədbiri nəticəsində Bakı şəhər sakini A.Xanzadə saxlanılmışdır. Şəxsi axtarış zamanı ondan heroin, 15 ədəd 100 manatlıq və 80 ədəd 100 dollarlıq saxta əskinaslar aşkar edilərək götürülmüşdür.