Tovuz rayonu ərazisindəki evlərin birindən pul və qızıl-zinət əşyaları oğurlamaqda şübhəli bilinən şəxs saxlanılmışdır

28.04.2022

Tovuz RPŞ əməkdaşlarının keçirdikləri əməliyyat-axtarış tədbiri nəticəsində rayon ərazisindəki evlərin birindən 22.000 manat pul və 5600 manat dəyərində qızıl-zinət əşyaları oğurlamaqda şübhəli bilinən Samux rayon sakini V.Kərimov saxlanılmışdır. Araşdırma aparılır.

Tovuz şəhər sakini X.Qurbanovun avtomobilindən pnevmatik tapança aşkar edilərək götürülmüşdür

28.04.2022

Tovuz RPŞ əməkdaşlarının keçirdikləri əməliyyat-axtarış tədbiri nəticəsində şəhər sakini X.Qurbanovun idarə etdiyi “Ford” markalı avtomobilə baxış zamanı oradan pnevmatik tapança aşkar edilərək götürülmüşdür.

Xaçmaz şəhər sakini K.Balaqadaşovun evindən heroin, şprislər və 2 ədəd elektron tərəzi aşkar edilərək götürülmüşdür

28.04.2022

Xaçmaz RPŞ əməkdaşlarının keçirdikləri əməliyyat-axtarış tədbiri nəticəsində şəhər sakini K.Balaqadaşovun yaşadığı evə baxış zamanı oradan 830 qrama yaxın heroin, 8 ədəd şpris və 2 ədəd elektron tərəzi aşkar edilərək götürülmüşdür. 

Xətai rayonu Nobel prospektində “Mercedes” markalı avtomobillə paytaxt sakini Z.İbrahimova vurulmuşdur

28.04.2022

Aprelin 27-də saat 15 radələrində Xətai rayonu Nobel prospektində Bakı şəhər sakini A.Kərimov “Mercedes” markalı avtomobillə yolu keçən paytaxt sakini Zinayida İbrahimovanı vurmuşdur. Piyada aprelin 28-də ölmüşdür. Xətai Rayon Polis İdarəsində araşdırma aparılır.

Beyləqan rayonunun 1-ci Şahsevən kəndi ərazisində “VAZ-217050” və “QAZ-53” markalı avtomobillər toqquşmuşdur

28.04.2022

Aprelin 28-də saat 13 radələrində Beyləqan rayonunun 1-ci Şahsevən kəndi ərazisində rayon sakinləri İsmayıl Zeynallının idarə etdiyi “VAZ-217050” və Möhlət Həsənovun idarə etdiyi “QAZ-53” markalı avtomobillər toqquşmuşdur. Nəticədə İ.Zeynallı hadisə yerində ölmüş, sərnişini xəstəxanaya yerləşdirilmişdir.Beyləqan RPŞ-də araşdırma aparılır.

Gün ərzində törədilmiş 61 cinayətin üstü “isti izlər”lə açılmışdır

27.04.2022

 Respublikanın daxili işlər orqanları tərəfindən gün ərzində törədilmiş 61 cinayətin üstü “isti izlər”lə açılmışdır.

Yasamal rayonunun “Qanlıgöl” adlanan ərazisində “ZİL” markalı yük avtomobili ilə qarşışıq tullantıların boşaldılması və qalaqlanması aşkar edilib

27.04.2022

Polis orqanları tərəfindən sanitariya-gigiyena qaydalarının pozulması hallarının qarşısının alınması məqsədilə tədbirlər davam etdirilir. Aprelin 27-də Daxili İşlər Nazirliyinin Baş İctimai Təhlükəsizlik İdarəsi və Ekologiya və Təbii Sərvətlər Nazirliyi əməkdaşlarının birgə keçirdikləri tədbirlər zamanı Yasamal rayonunun “Qanlıgöl” adlanan ərazisində “ZİL” markalı yük avtomobili ilə qarşışıq tullantıların boşaldılması və qalaqlanması aşkar edilib.   Qaradağ rayonu ərazisində keçirilə tədbir zamanı isə sənaye və məişət tullantılarının qalaqlanması və yandırılması zamanı ətraf mühitin mühafizəsinə əməl edilməməsi aşkar edilib.   İnzibati Xətalar Məcəlləsinin 271-ci (sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi) maddəsinin tələblərini pozduqlarına görə “ZİL” markalı avtomobilin sürücüsü B.Sərdarov və “Qədim” kiçik müəssisəsinin vəzifəli şəxsi N.Sahibcanov barəsində inzibati protokollar tərtib edilib.Bu istiqamətdə tədbirlər davam etdirilir. 

Münaqişə zəminində həmkəndlisinə balta ilə xəsarət yetirməkdə şübhəli bilinən Cəlilabad rayon sakini Ç.Bayramov tutularaq istintaqa təhvil verilmişdir

27.04.2022

Cəlilabad Rayon Polis Şöbəsinə aprelin 27-də Qarazəncir kəndində kənd sakini, əvvəllər məhkum olunmuş Ç.Bayramovun münaqişə zəminində həmkəndlisi, əvvəllər məhkum olunmuş C.Bayramovun baş və bel nahiyələrinə balta ilə xəsarət yetirməsi barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində Ç.Bayramov şübhəli şəxs qismində tutularaq istintaqa təhvil verilmişdir.  Faktla əlaqədar Cinayət Məcəlləsinin 29,120-ci (adam öldürməyə cəhd) maddəsi ilə cinayət işi başlanmışdır. Araşdırma aparılır.

Xətai rayonunun M.Hadi küçəsindəki ofislərin birindən 3.000 manat, 850 ABŞ dolları, şəxsiyyət vəsiqəsi və bank kartları olan pulqabını oğurlamaqda şübhəli bilinən Bakı şəhər sakini M.Səlimov saxlanılmışdır

27.04.2022

Xətai RPİ-nin 36-cı Polis Bölməsinə  M.Hadi küçəsində yerləşən ofislərin birində dolabdan içərisində 3.000 manat, 850 ABŞ dolları, şəxsiyyət vəsiqəsi və bank kartları olan pulqabının oğurlanması barədə müraciət daxil olmuşdur.  Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş M.Səlimov müəyyən edilərək saxlanılmışdır. Şəxsi axtarış zamanı ondan heroin də aşkar edilərək götürülmüşdür.Araşdırma aparılır. 

Oğurluq etdiyinə görə tutulmuş K.İsmayılovun Ağcabədi rayon sakini E.Abbasova məxsus 8 baş qoyunu oğurlaması da müəyyən olunmuşdur

27.04.2022

Ağcabədi RPŞ-nin əməkdaşları tərəfindən oğurluq etdiyinə görə tutulmuş K.İsmayılovun ətrafında aparılan əməliyyat tədbirləri nəticəsində onun E.Abbasova məxsus yardımçı təsərrüfatdan 8 baş qoyun oğurlaması da müəyyən olunmuşdur.