Suraxanı rayonunda avtobuslarda cibgirlik edən şəxs saxlanılıb

01.04.2022

Suraxanı Rayon Polis İdarəsinin 32-ci Polis Bölməsinin əməkdaşları tərəfindən həyata keçirilən əməliyyat zamanı rayon ərazisində avtobuslarda cibgirliklə məşğul olan şəxs saxlanılıb. Tədbir nəticəsində əvvəllər də eyni cinayətlər etdiyi üçün dəfələrlə məhkum edilmiş paytaxt sakini Konstantin Qneuşev tutulub. Aparılan araşdırmalar zamanı onun Suraxanı rayonu ərazisində hərəkət edən avtobuslarda əsasən qadın sərnişinlərin əl çantalarını və mobil telefonlarını oğurladığı məlum olub. Faktlarla bağlı 32-ci Polis Bölməsində toplanan materiallar Xəzər RPİ-nin İstintaq Şöbəsinə göndərilib. Saxlanılan şəxsin paytaxt ərazisində digər analoji cinayətlər etdiyi istisna olunmur. Onun əməllərindən zərərçəkən başqa vətəndaşlar varsa bu barədə ərazi üzrə polis orqanına, habelə DİN-in “102” Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.         

Gün ərzində törədilmiş 59 cinayətin üstü “isti izlər”lə açılmışdır

31.03.2022

Respublikanın daxili işlər orqanları tərəfindən gün ərzində törədilmiş 59 cinayətin üstü “isti izlər”lə açılmışdır.  

Cəlilabad rayonunun Sarxanlı kənd sakini Südabə Həsənovanı öldürməkdə şübhəli bilinən qayını M.Həsənov tutularaq istintaqa təhvil verilmişdir

31.03.2022

Cəlilabad Rayon Polis Şöbəsinə martın 31-də saat 20 radələrində Sarxanlı kənd sakini 49 yaşlı Südabə Həsənovanın öldürülməsi barədə məlumat daxil olmuşdur.Dərhal rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Aparılmış araşdırmalarla qadının ərinin qardaşı M.Həsənov tərəfindən münaqişə zəminində bıçaqla xəsarətlər yetirilərək qəsdən öldürülməsinə əsaslı şübhələr müəyyən edilmişdir. Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmışdır. Əməliyyat-axtarış tədbirləri nəticəsində M.Həsənov şübhəli şəxs qismində tutularaq istintaqa təhvil verilmişdir.

Soyğunçuluq etməkdə şübhəli bilinən Kürdəmir rayon sakini M.Hüseynova müəyyən edilərək tutulmuşdur

31.03.2022

Nəsimi RPİ-nin 19-cu Polis Şöbəsinə  martın 31-də rayon ərazisindəki  evlərin birindən 300 manat dəyərində gümüş və bijuteriya əşyalarının açıq talama yolu ilə aparılması barədə müraciət daxil olmuşdur.Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən Kürdəmir rayon sakini, əvvəllər məhkum olunmuş M.Hüseynova müəyyən edilərək tutulmuşdur.Faktla əlaqədar cinayət işi başlanmışdır.

Suraxanı rayonunun Hövsan qəsəbəsində yol-nəqliyyat hadisəsi

31.03.2022

Martın 31-də saat 22 radələrində Suraxanı rayonunun Hövsan qəsəbəsində qəsəbə sakini A.İsmayılov idarə etdiyi “Mercedes” markalı avtomobillə yolu keçən həmyerlisi Etibar Sadıqovu vurmuş və nəticədə piyada hadisə yerində ölmüşdür. Suraxanı RPİ-də araşdırma aparılır.

Soyğunçuluq etməkdə şübhəli bilinən Saatlı rayon sakini Ş.Zeynalova və Biləsuvar rayon sakini, M.Məmmədov müəyyən edilərək saxlanılmışlar

31.03.2022

Xəzər RPİ-nin 1-ci Polis Şöbəsinə martın 19-da Mərdəkan qəsəbəsi ərazisində 2 nəfərin Bakı şəhər sakini R.Zərbalıyevə zor tətbiq edərək 770 manat pulunu və mobil telefonunu alması barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən Saatlı rayon sakini Ş.Zeynalova və Biləsuvar rayon sakini, əvvəllər məhkum olunmuş M.Məmmədov müəyyən edilərək saxlanılmışlar. Araşdırma aparılır. 

Oğurluq etdiyinə görə tutulmuş T.Bədəlovun mağazaların birindən 1850 manat pul, 2 ədəd noutbuk və 2 ədəd mobil telefon oğurlaması da müəyyən olunmuşdur

31.03.2022

Binəqədi RPİ 5-ci PB-nin əməkdaşları tərəfindən oğurluq etdiyinə görə tutulmuş T.Bədəlovun ətrafında aparılmış tədbirlərlə onun rayon ərazisindəki mağazaların birindən 1850 manat pul, 2 ədəd noutbuk və 2 ədəd mobil telefon oğurlaması da müəyyən olunmuşdur.

Bakı şəhər sakini M.Xudaverdiyevə hədə-qorxu gəlib 100 manat pulunu almaqda şübhəli bilinən F.Bayramov müəyyən edilərək saxlanılmışdır

31.03.2022

Nizami RPİ-nin 24-cü Polis Şöbəsinə martın 11-də R.Rüstəmov küçəsində bir nəfərin Bakı şəhər sakini M.Xudaverdiyevə hədə-qorxu gəlib 100 manat pulunu alması barədə məlumat daxil olmuşdur. Polis  əməkdaşlarının keçirdikləri əməliyyat tədbiri nəticəsində hədə-qorxu ilə tələb etməkdə şübhəli bilinən paytaxt sakini F.Bayramov müəyyən edilərək saxlanılmışdır.

Oğurluq etdiyinə görə tutulmuş R.Abdullayevin törətdiyi digər cinayət əməlləri də müəyyən edilmişdir

31.03.2022

Suraxanı RPİ 31-ci PB-nin əməkdaşları tərəfindən oğurluq etdiyinə görə tutulmuş R.Abdullayevin ətrafında aparılan tədbirlərlə onun rayon ərazisində bir avtomobildən qızıl-zinət əşyaları və mobil telefon, 5 evdən isə pul, qızıl-zinət əşyaları və ərzaq məhsulları oğurlaması da müəyyən olunmuşdur.

Mingəçevir şəhər sakinləri F.Qasımovdan və İ.Həsənovdan narkotik vasitələr götürülmüşdür

31.03.2022

Mingəçevir ŞPŞ əməkdaşlarının keçirdikləri əməliyyat tədbiri nəticəsində şəhər sakini F.Qasımov saxlanılmışdır. Şəxsi axtarış zamanı ondan heroin aşkar edilmişdir. Davam etdirilən tədbirlərlə narkotik vasitəni ona satmaqda şübhəli bilinən həmyerlisi İ.Həsənov da müəyyən edilərək saxlanılmışdır. Ondan heroin və 13 qramdan artıq marixuana, habelə şəhər ərazisində gizlətdiyi 450 qramdan artıq marixuana aşkar edilərək götürülmüşdür.