Tovuz rayonunun Əsrik Cırdaxan kəndi ərazisində “Mercedes” markalı avtomobillə kənd sakini R.Xəlilova vurulmuşdur

10.04.2022

Aprelin 10-da saat 9 radələrində Tovuz rayonunun Əsrik Cırdaxan kəndi ərazisində kənd sakini A.Quliyev idarə etdiyi “Mercedes” markalı avtomobillə yolu keçən həmkəndlisi Rüxsarə Xəlilovanı vurmuşdur. Nəticədə xəsarət almış piyada xəstəxanaya aparılarkən yolda ölmüşdür.Tovuz RPŞ-də araşdırma aparılır.

Binəqədi qəsəbəsi ərazisində 22 evdən su sayğaclarını oğurlamaqda şübhəli bilinən Bakı şəhər sakini Ş.Mollayı saxlanılmışdır

10.04.2022

Binəqədi RPİ 43-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində ayrı-ayrı vaxtlarda Binəqədi qəsəbəsi ərazisində 22 evdən su sayğaclarını oğurlamaqda şübhəli bilinən Bakı şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş Ş.Mollayı saxlanılmışdır. Araşdırma aparılır. 

Gün ərzində törədilmiş 73 cinayətin üstü “isti izlər”lə açılmışdır

09.04.2022

Respublikanın daxili işlər orqanları tərəfindən gün ərzində törədilmiş 73 cinayətin üstü “isti izlər”lə açılmışdır.

Xəzər rayonunun Binə qəsəbəsi ərazisindən “VAZ-2107” markalı avtomobili qaçırmaqda şübhəli bilinən F.Bayramov saxlanılmışdır

09.04.2022

Xəzər RPİ-nin 3-cü Polis Şöbəsinə Binə qəsəbəsi ərazisindən qəsəbə sakini F.Hüseynova məxsus “VAZ-2107” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində avtomobil qəsəbə ərazisində maqnitofonu, səs gücləndiriciləri və pərdələri oğurlanmış vəziyyətdə tapılmışdır. Nəqliyyat vasitəsini qaçırmaqda şübhəli bilinən qəsəbə sakini, əvvəllər məhkum olunmuş F.Bayramov müəyyən olunaraq saxlanılmışdır.  Araşdırma aparılır. 

Gün ərzində törədilmiş 71 cinayətin üstü “isti izlər”lə açılmışdır

08.04.2022

Respublikanın daxili işlər orqanları tərəfindən gün ərzində törədilmiş 71 cinayətin üstü “isti izlər”lə açılmışdır.

Koronavirus xəstəsi ictimai yerdə aşkar edilərək saxlanılıb

08.04.2022

Metropolitendə Polis Şöbəsinin əməkdaşları tərəfindən aprelin 8-də ev şəraitində müalicə təyin olunmasına baxmayaraq, yaşayış yerini tərk edən aktiv koronavirus xəstəsi olan Masallı rayon sakini R.Muradov ictimai yerdə aşkar edilərək saxlanılıb. Polis əməkdaşları onunla izahedici söhbətlər aparıb, tibbi prosedurları gözləməklə evinə qaytarıb, bu barədə müvafiq səhiyyə qurumu məlumatlandırılıb.

Şəmkir şəhər sakini S.Abdullayevə bıçaqla ölümcül xəsarət yetirməkdə şübhəli bilinən R.Bağırov tutularaq istintaqa təhvil verilmişdir

08.04.2022

Şəmkir Rayon Polis Şöbəsinə aprelin 8-də saat 19 radələrində Qədimqala kəndi ərazisində şəhər sakini Samir Abdullayevin bıçaq xəsarəti ilə xəstəxanaya yerləşdirilməsi və orada ölməsi barədə məlumat daxil olmuşdur. Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilmişdir. Araşdırmalarla Daşkəsən rayon sakini, əvvəllər məhkum olunmuş R.Bağırovun münaqişə zəminində S.Abdullayevə bıçaqla xəsarət yetirməsinə əsaslı şübhələr müəyyən edilmişdir.   Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində R.Bağırov şübhəli şəxs qismində tutularaq istintaqa təhvil verilmişdir. Faktla bağlı cinayət işi başlanılmışdır. 

Sabunçu rayonunun Bakıxanov qəsəbəsində Bakı şəhər sakini N.Abbasovaya qarşı soyğunçuluq törətməkdə şübhəli bilinən E.Aslanov saxlanılmışdır

08.04.2022

Sabunçu RPİ-nin 13-cü Polis Bölməsinə aprelin 8-də Bakıxanov qəsəbəsində bir nəfərin Bakı şəhər sakini N.Abbasovaya zor tətbiq edərək içərisində pulu, mobil telefonu və sənədləri olan pulqabısını talaması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində soyğunçuluğu törətməkdə şübhəli bilinən paytaxt sakini E.Aslanov müəyyən edilərək saxlanılmışdır.Sabunçu RPİ-də araşdırma aparılır.

Göyçay şəhəri ərazisindən “VAZ-2106” markalı avtomobili qaçırmaqda şübhəli bilinən S.Rüstəmov saxlanılmışdır

08.04.2022

Göyçay Rayon Polis Şöbəsinə aprelin 8-də saat 21 radələrində şəhər ərazisindən N.Mahmudova məxsus “VAZ-2106” markalı avtomobilin qaçırılması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində avtomobilin rayon sakini S.Rüstəmov tərəfindən qaçırılması və Potu kəndi ərazisində idarə edilərkən aşırılması müəyyən olunmuşdur. Nəqliyyat vasitəsini qaçırmaqda şübhəli bilinən S.Rüstəmov saxlanılmışdır.  Araşdırma aparılır.

Abşeron rayonunun Novxanı kəndi ərazisindəki evlərin birindən pul, seyf və ov tüfəngini oğurlamaqda şübhəli bilinən C.Əhmədov saxlanılmış, digər bir nəfərin isə şəxsiyyəti müəyyən edilmişdir

08.04.2022

Abşeron Rayon Polis İdarəsinə Novxanı kəndi ərazisindəki evlərin birindən 10.000 manat pul, sənəd olan seyf və 1 ədəd “Winchester” markalı ov tüfənginin oğurlanması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş C.Əhmədov müəyyən edilərək saxlanılmış, digər bir nəfərin isə şəxsiyyəti müəyyən edilmişdir.