Gün ərzində törədilmiş 41 cinayətin üstü “isti izlər”lə açılmışdır

16.04.2022

Respublikanın daxili işlər orqanları tərəfindən gün ərzində törədilmiş 41 cinayətin üstü “isti izlər”lə açılmışdır.

Beyləqan rayonu ərazisindəki evlərin birindən qızıl-zinət əşyaları oğurlamaqda şübhəli bilinən Z.Əliyev və həyat yoldaşı N.İbrahimova saxlanılmışlar

16.04.2022

Beyləqan RPŞ əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən 8000 manat dəyərində qızıl-zinət əşyaları oğurlamaqda şübhəli bilinən Mil qəsəbə sakinləri Z.Əliyev və  həyat yoldaşı N.İbrahimova saxlanılmışlar. Araşdırma aparılır. 

Şabran rayonu ərazisindəki daş karxanasından daş kəsən ülgücün hissələrini oğurlamaqda şübhəli bilinən şəxslər saxlanılmışlar

16.04.2022

Şabran RPŞ əməkdaşlarının keçirdikləri əməliyyat tədbirləri nəticəsində rayon ərazisindəki fəaliyyət göstərməyən daş karxanasından 7500 manat dəyərində daş kəsən ülgücün hissələrini oğurlamaqda şübhəli bilinən Şabran sakinləri K.Ağamalıyev, S.Hüseynov və V.Vahabov saxlanılmışlar. Ətraflarında aparılan əməliyyat tədbirləri ilə S.Hüseynovun və V.Vahabovun otellərin birinin həyətindən 30 baş keçi oğurlamaları da müəyyən olunmuşdur. 

Gün ərzində törədilmiş 61 cinayətin üstü “isti izlər”lə açılmışdır

15.04.2022

Respublikanın daxili işlər orqanları tərəfindən gün ərzində törədilmiş 61 cinayətin üstü “isti izlər”lə açılmışdır.

Şəmkir rayonunun Çinarlı qəsəbəsi ərazisində yol-nəqliyyat hadisəsi

15.04.2022

Şəmkir Rayon Polis Şöbəsinə aprelin 15-də saat 23 radələrində Çinarlı qəsəbəsi ərazisində yolu keçən qəsəbə sakini M.Eyyubovun avtomobillə vurulması nəticəsində aldığı xəsarətlə xəstəxanaya yerləşdirilməsi barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində yol-nəqliyyat hadisəsinin “VAZ-2107” markalı avtomobillə törədilməsi müəyyən edilmiş və həmin nəqliyyat vasitəsini idarə edən rayon sakini N.Novruzov saxlanılmışdır. Şəmkir Rayon Polis Şöbəsində araşdırma aparılır. 

Quldurluq etməkdə şübhəli bilinən Bakı şəhər sakinləri E.Muradov, H.Mustafayev və Lerik rayon sakini M.Əhmədov müəyyən edilərək saxlanılmışlar

15.04.2022

Xəzər RPİ-nin 2-ci Polis Şöbəsinə Buzovna qəsəbəsi ərazisində 3 nəfərin xuliqanlıq zəminində qəsəbə sakini R.Süleymanovu döymələri barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində bu əməli törətməkdə şübhəli bilinən Bakı şəhər sakinləri E.Muradov, H.Mustafayev və Lerik rayon sakini M.Əhmədov müəyyən edilərək saxlanılmışlar.  Araşdırmalarla həmin şəxslərin R.Süleymanovu  döyərək 500 manat pulunu almaları da müəyyən olunmuşdur. E.Muradov şübhəli şəxs qismində tutulmuşdur.Faktla əlaqədar Cinayət Məcəlləsinin 181-ci maddəsi (quldurluq) ilə cinayət işi başlanılmışdır. 

Oğurluq etməkdə şübhəli bilinən Sumqayıt şəhər sakini S.Manafov müəyyən edilərək saxlanılmışdır

15.04.2022

Binəqədi RPİ-nin 43-cü Polis Bölməsinə Binəqədi qəsəbə sakini A.Cabbarovanın 170 manat pulunun, şəxsiyyət vəsiqəsi və bank kartının çantasından oğurlanması barədə müraciət daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Sumqayıt şəhər sakini, əvvəllər məhkum olunmuş S.Manafov müəyyən edilərək saxlanılmışdır. Ətrafında aparılan əməliyyat tədbirləri ilə onun Binəqədi rayonu ərazisində marşrut avtobuslarında daha bir qadının və bir kişinin ciblərindən pul, bank kartları və sənəd olan pulqabılarını oğurlaması da müəyyən edilmişdir. Araşdırma aparılır. 

Oğurluq etməkdə şübhəli bilinən Bakı şəhər sakini E.Məmmədzadə saxlanılmışdır

15.04.2022

Səbail RPİ-nin 39-cu Polis Bölməsinə Z.Əliyeva küçəsindəki magazalardan birinin kassasından 2300 manat pulun oğurlanması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini E.Məmmədzadə saxlanılmışdır. Şəxsi axtarış zamanı ondan heroin də aşkar edilərək götürülmüşdür.Araşdırmalarla onun Cinayət Məcəlləsinin 177-ci (oğurluq) maddəsi ilə axtarışda olması, həmçinin Bakı şəhər sakinləri olan iki qadına qarşı dələduzluq edərək birinin 500, digərinin isə  980 manat pullarını alması da müəyyən edilmişdir. 

Bakı şəhər sakini Z.İbrahimovdan 1 kiloqram 88 qrama yaxın tiryək, 243 qramdan artıq heroin və 168 qrama yaxın metamfetamin aşkar edilərək götürülmüşdür

15.04.2022

Biləsuvar RPŞ əməkdaşlarının keçirdikləri əməliyyat-axtarış tədbiri nəticəsində saxlanılan Bakı şəhər sakini Z.İbrahimovdan 1 kiloqram 88 qrama yaxın tiryək, 243 qramdan artıq heroin və 168 qrama yaxın metamfetamin aşkar edilərək götürülmüşdür. 

Oğurluqda şübhəli bilinən Gəncə şəhər sakini T.Mirzəliyev saxlanılmışdır

15.04.2022

Tovuz RPŞ əməkdaşlarının keçirdikləri əməliyyat tədbiri nəticəsində S.Rüstəmovaya məxsus içərisində pul, sənəd və boyunbağı olan pulqabısını oğurlamaqda şübhəli bilinən Gəncə şəhər sakini, əvvəllər məhkum olunmuş T.Mirzəliyev saxlanılmışdır.