Xətai rayonu ərazisində “Volvo” markalı avtomobildən, Nərimanov rayonu ərazisində isə “Mercedes” markalı avtomobildən oğurluq hadisələrini törətməkdə şübhəli bilinən F.Cəfərov saxlanılıb

12.03.2023

Xətai rayonu ərazisində “Volvo” markalı bir avtomobildən 3700 manat dəyərində gödəkcə, noutbuk və açar, Nərimanov rayonu ərazisində isə “Mercedes” markalı digər avtomobildən qeyri-aşkar şəraitdə noutbuk oğurlanması barədə polisə məlumatlar daxil olub. Xətai RPİ 37-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməllərində şübhəli bilinən Bakı şəhər sakini F.Cəfərov müəyyən olunaraq saxlanılıb. Araşdırma aparılır. 

Xırdalan şəhəri ərazisindən E.Hüseynova məxsus avtomobili qaçırmaqda şübhəli bilinən H.Babayev saxlanılıb

12.03.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat-axtarış tədbiri nəticəsində martın 8-nə keçən gecə Xırdalan şəhəri ərazisindən E.Hüseynova məxsus “VAZ-2107” markalı avtomobili qaçırmaqda şübhəli bilinən Masazır qəsəbə sakini H.Babayev saxlanılıb. Araşdırma aparılır.

Tərtər rayon sakini X.Əliyevdən qanunsuz saxladığı ov tüfəngi götürülüb

12.03.2023

Tərtər Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Düyərli kənd sakini X.Əliyevdən qanunsuz saxladığı  “İJ-16” markalı ov tüfəngi götürülüb. Araşdırma aparılır.

Paytaxtın Nizami rayonu Babək prospektində yol-nəqliyyat hadisəsi

12.03.2023

Martın 13-də saat 1 radələrində Nizami rayonu Babək prospektində Bakı şəhər sakini E.Qazıbəyov idarə etdiyi “Honda” markalı avtomobili ağaca vurub, sonra isə yolun kənarında dayanan paytaxt sakinləri olan 4 nəfəri vurub. Nəticədə sürücü hadisə yerində ölüb, digərlərinə xəstəxanada ilkin tibbi yardım göstərildikdən sonra buraxılıblar.Nizami Rayon Polis İdarəsində araşdırma aparılır.

Goranboy rayonunun Borsunlu kəndi ərazisində yol-nəqliyyat hadisəsi

12.03.2023

Martın 12-də saat 23 radələrində Goranboy rayonunun Borsunlu kəndi ərazisində rayon sakini A.Abbasov idarə etdiyi “Mercedes” markalı avtomobillə yolun kənarında dayanan “Mercedes” və “Toyota” markalı avtomobilləri, habelə həmin avtomobillərin yanında olan sürücüləri R.Hüseynovu və A.İsgəndərovu vurub. Nəticədə A.İsgəndərov hadisə yerində, R.Hüseynov isə xəstəxanada ölüb.Baş İstintaq və Təhqiqat İdarəsi tərəfindən araşdırma aparılır.

Xırdalan şəhəri ərazisində “BMW” markalı avtomobillə Şamaxı rayon sakini S.Nağdalıyev vurulub

12.03.2023

Martın 12-də saat 21 radələrində Xırdalan şəhəri ərazisində Tovuz rayon sakini Ə.Hüseynov idarə etdiyi “BMW” markalı avtomobillə yolu keçən Şamaxı rayon sakini S.Nağdalıyevi vurub və nəticədə piyada hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.

Gün ərzində ölkə ərazisində qeydə alınan 74 cinayətin açılması təmin olunub

11.03.2023

Martın 11-də ölkə ərazisində qeydə alınan 74, əvvəlki dövrlərdən bağlı qalan 2 cinayətin açılması daxili işlər orqanlarının əməkdaşları tərəfindən təmin olunub.

Yasamal rayonu ərazisində “TOFAŞ” markalı bir avtomobildən oğurluq etməkdə şübhəli bilinən Bakı şəhər sakini Q.Abdullayev saxlanılıb

11.03.2023

Martın 10-da Yasamal rayonu ərazisində “TOFAŞ” markalı bir avtomobildən 1200 manat pul, mobil telefon, açar dəsti və bank kartının qeyri-aşkar şəraitdə oğurlanması barədə polisə məlumat daxil olub.  Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Bakı şəhər sakini, əvvəllər məhkum olunmuş Q.Abdullayev müəyyən olunaraq saxlanılıb. Araşdırma aparılır. 

İsmayıllı rayonu ərazisindəki evlərin birindən oğurluq etməkdə şübhəli bilinən rayon sakini E.İsayev saxlanılıb

11.03.2023

İsmayıllı Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən pul və qızıl-zinət əşyaları oğurlamaqda şübhəli bilinən rayon sakini, əvvəllər məhkum olunmuş E.İsayev saxlanılıb. Araşdırma aparılır. 

Tərtər şəhər sakini Ə.Xıdırovun evindən qanunsuz saxladığı ov tüfəngi götürülüb

11.03.2023

Tərtər Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər sakini Ə.Xıdırovun evinə baxış zamanı oradan qanunsuz saxladığı “İJ” markalı ov tüfəngi aşkar olunaraq götürülüb.