Yasamal rayonunun A.M.Şərifzadə küçəsindən moped oğurlamaqda şübhəli bilinən E.Həsənov saxlanılıb

16.03.2023

Yasamal RPİ 29-cu Polis Şöbəsi əməkdaşlarının keçirdikləri əməliyyat tədbirləri nəticəsində A.M.Şərifzadə küçəsindən N.Kazıma məxsus mopedi oğurlamaqda şübhəli bilinən Masallı rayon sakini E.Həsənov saxlanılıb. Araşdırma aparılır. 

Kəngərli rayonunun Qarabağlar kəndi ərazisində “Lifan” markalı avtomobillə piyada vurulub

16.03.2023

Martın 16-da saat 21 radələrində Kəngərli rayonunun Qarabağlar kəndi ərazisində kənd sakini Y.Rzayev idarə etdiyi “Lifan” markalı avtomobillə yolu keçən S.Qoçəliyevanı vurub və nəticədə piyada hadisə yerində ölüb.Kəngərli Rayon Polis Şöbəsində araşdırma aparılır.

Gün ərzində ölkə ərazisində qeydə alınan 67 cinayətin açılması təmin olunub

15.03.2023

Martın 15-də ölkə ərazisində qeydə alınan 67, əvvəlki dövrlərdən bağlı qalan 59 cinayətin açılması daxili işlər orqanlarının əməkdaşları tərəfindən təmin olunub.

Paytaxt sakini olan bir qadının cüzdanını quldurluq yolu ilə talamaqda şübhəli bilinən Bakı şəhər sakini C.Həmzəyev saxlanılıb

15.03.2023

Yasamal RPİ 28-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 14-də paytaxt sakini olan bir qadının içərisində 4800 manatı və sənədi olan cüzdanını quldurluq yolu ilə talamaqda şübhəli bilinən Bakı şəhər sakini, əvvəllər məhkum olunmuş C.Həmzəyev müəyyən olunaraq saxlanılıb. Araşdırma aparılır. 

Nərimanov rayonu ərazisində yerləşən mərmər sexindən naqil oğurlamaqda şübhəli bilinən R.Məhərrəmov saxlanılıb

15.03.2023

Nərimanov RPİ 16-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 7-də rayon ərazisində yerləşən mərmər sexindən 2000 manat dəyərində naqil oğurlamaqda şübhəli bilinən, Cinayət Məcəlləsinin 234-cü maddəsi ilə axtarışda olan Sumqayıt şəhər sakini, əvvəllər dəfələrlə məhkum olunmuş R.Məhərrəmov saxlanılıb. Araşdırma aparılır. 

Xəzər rayonunun Zirə qəsəbəsindəki evlərin birindən oğurluq etməkdə şübhəli bilinən N.Quliyev və Q.Bayramov saxlanılıblar

15.03.2023

Xəzər rayonunun Zirə qəsəbəsindəki evlərin birindən oğurluq edilməsi barədə polisə məlumat daxil olub.Xəzər RPİ 1-ci Polis Şöbəsinin əməkdaşları tərəfindən müvafiq araşdırma aparılıb və martın 5-dən 12-dək olan müddətdə həmin evdən 8000 manat dəyərində televizor, mebel və həyət darvazasının qeyri-aşkar şəraitdə oğurlanması məlum olub. Polis əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən Bakı şəhər sakinləri, əvvəllər də oğurluq və narkotiklərlə əlaqəli cinayətlərə görə məhkum olunmuşlar N.Quliyev və Q.Bayramov müəyyən olunaraq saxlanılıblar. Araşdırma aparılır.

Binəqədi rayonг ərazisindəki evlərin birindən televizor oğurlamaqda şübhəli bilinən Daşkəsən rayon sakini A.Qəhramanov saxlanılıb

15.03.2023

Binəqədi RPİ 6-cı Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən 1000 manat dəyərində televizor oğurlamaqda şübhəli bilinən Daşkəsən rayon sakini, əvvəllər məhkum olunmuş A.Qəhramanov saxlanılıb. Araşdırma aparılır. 

Füzuli rayonunun Böyük Bəhmənli kəndi ərazisində “VAZ-2106” və “Mitsubishi” markalı avtomobillər toqquşub

15.03.2023

Martın 15-də saat 15 radələrində Füzuli rayonunun Böyük Bəhmənli kəndi ərazisində rayon sakini M.Cəfərovun idarə etdiyi “VAZ-2106” və Ağcabədi rayon sakini E.İsmayılovun idarə etdiyi “Mitsubishi” markalı avtomobillər toqquşub. Nəticədə M.Cəfərov hadisə yerində ölüb. Füzuli Rayon Polis Şöbəsində araşdırma aparılır.

Yardımlı şəhəri ərazisində “Opel” markalı avtomobil dərəyə aşıb

15.03.2023

Martın 15-də saat 20 radələrində Yardımlı şəhəri ərazisində rayon sakini C.Əliyev idarə etdiyi “Opel” markalı avtomobili dərəyə aşırıb. Nəticədə avtomobildəki sərnişin N.İmanov hadisə yerində ölüb.Yardımlı Rayon Polis Şöbəsində araşdırma aparılır.

Bakıda İranlı “Əli” adlı narkotacirin daha bir adamı həbs edilib

15.03.2023

Nərimanov Rayon Polis İdarəsinin 16-cı Polis Bölməsinin əməkdaşları tərəfindən həyata keçirilən əməliyyat zamanı narkotiklərin qanunsuz dövriyyəsi ilə məşğul olan daha 1 nəfər saxlanılıb. Polisə Tamerlan adlı şəxsin rayon ərazisində narkotiklərin satışını həyata keçirdiyi barədə məlumat daxil olub. Həmin şəxs– əvvəllər məhkum olunmuş Tamerlan Əliyev tutularaq Polis Bölməsinə gətirilib. Onun üzərindən 3 kiloqrama yaxın heroin və marixuana aşkar edilib. Saxlanılan şəxs narkotik vasitələri sosial şəbəkələrdə “Əli” kimi tanıdığı İran vətəndaşından Bakı şəhərində satmaq məqsədi ilə aldığını bildirib.Tamerlan Əliyevlə İran vətəndaşının cinayət əlaqəsi əməliyyat-texniki tədbirlərlə tam sübuta yetirilib.Aşkar edilən faktla bağlı 16-cı Polis Bölməsində toplanan materiallar Nərimanov Rayon Polis İdarəsinə göndərilib. Nərimanov rayonu ərazisində narkotik vasitələrin qanunsuz dövriyyəsi ilə məşğul olan şəxslərin ifşa edilməsi istiqamətində əməliyyatlar qətiyyətlə davam etdirilir.