Astara rayonunun Maşxan kəndində G.Qəhrəmanovanı münaqişə zəminində bıçaqla xəsarətlər yetirərək öldürməkdə şübhəli bilinən keçmiş həyat yoldaşı Y.Verdiyev tutularaq istintaqa təhvil verilib

13.03.2023

Martın 13-də saat 11 radələrində Astara rayonunun Maşxan kəndində G.Qəhrəmanovanın öldürülməsi barədə polisə məlumat daxil olub. Polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla qadının keçmiş həyat yoldaşı, Gəncə şəhər sakini Y.Verdiyevin  münaqişə zəminində ona bıçaqla xəsarətlər yetirərək öldürməsinə əsaslı şübhələr müəyyən olunub. Polis əməkdaşlarının keçirdikləri əməliyyat-axtarış tədbirləri nəticəsində Y.Verdiyev Gəncə şəhəri ərazisində tutularaq istintaqa təhvil verilib.Faktla bağlı Cinayət Məcəlləsinin 120.1-ci maddəsi ilə cinayət işi başlanılıb.

Xırdalan şəhər sakini E.Vahabova qarşı soyğunçuluq etməkdə şübhəli bilinən R.Əliyev saxlanılıb

13.03.2023

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində yanvarın 22-də Xırdalan şəhəri ərazisində şəhər sakini E.Vahabovun pulunu və mobil telefonunu soyğunçuluq yolu ilə talamaqda şübhəli bilinən Xırdalan sakini, əvvəllər məhkum olunmuş R.Əliyev saxlanılıb. Faktla bağlı Cinayət Məcəlləsinin 180-ci (Soyğunçuluq) maddəsi ilə cinayət işi başlanılıb. 

Bakı şəhər sakini olan bir qadının bank hesabından pul oğurlamaqda şübhəli bilinən Neftçala rayon sakini E.Sultanov saxlanılıb

13.03.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 10-da Bakı şəhər sakini olan bir qadının bank hesabından 397 manatını oğurlamaqda şübhəli bilinən Neftçala rayon sakini, əvvəllər məhkum olunmuş E.Sultanov müəyyən olunaraq saxlanılıb. Araşdırma aparılır. 

Səbail rayonu ərazisində bir restoranda və bir klubda 2 nəfərin mobil telefonlarını oğurlamaqda şübhəli bilinən A.Baxışov saxlanılıb

13.03.2023

Səbail RPİ 9-cu Polis Bölməsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində rayon ərazisində bir restoranda və bir klubda 2 nəfərin mobil telefonlarını oğurlamaqda şübhəli bilinən, Cinayət Məcəlləsinin 177-ci (Oğurluq)  maddəsi ilə də axtarışda olan Bakı şəhər sakini A.Baxışov saxlanılıb. 

Şərur şəhəri ərazisindəki evlərin birindən pul və qızıl-zinət əşyaları oğurlamaqda şübhəli bilinən N.Məhərrəmov saxlanılıb

13.03.2023

Şərur Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 10-na keçən gecə şəhər ərazisindəki evlərin birindən 1000 manat pul və qızıl-zinət əşyaları oğurlamaqda şübhəli bilinən Oğlanqala kənd sakini N.Məhərrəmov saxlanılıb. Araşdırma aparılır.

Şahbuz rayon sakini C.Bayramovdan qanunsuz saxladığı ov tüfəngi götürülüb

13.03.2023

Şahbuz Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Şahbuzkənd kənd sakini C.Bayramovdan qanunsuz saxladığı nömrəsi silinmiş “İJ-18” markalı ov tüfəngi götürülüb.

Ordubad rayonunun Sabir kənd sakini H.Məmmədovun evindən pnevmatik tir tüfəngi götürülüb

13.03.2023

Ordubad Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Sabir kənd sakini H.Məmmədovun evinə baxış zamanı pnevmatik tir tüfəngi aşkar olunaraq götürülüb.

Tərtər rayonunun Qaynaq kənd sakini M.Musayevdən qanunsuz saxladığı ov tüfəngi götürülüb

13.03.2023

Tərtər Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Qaynaq kənd sakini M.Musayevdən qanunsuz saxladığı “İJ” markalı ov tüfəngi götürülüb.

Sabunçu rayonunun Kürdəxanı qəsəbəsi ərazisində “Ford Transit” markalı iki avtomobil toqquşub

13.03.2023

Martın 13-də saat 11 radələrində Sabunçu rayonunun Kürdəxanı qəsəbəsi ərazisində Culfa rayon sakini R.Kazımovun və Bakı şəhər sakini A.Rəhmanovun idarə etdikləri “Ford Transit” markalı iki avtomobil toqquşub. Nəticədə A.Rəhmanov hadisə yerində ölüb. Sabunçu Rayon Polis İdarəsində araşdırma aparılır.

Tovuz rayonunun Aşağı Quşçu kəndi ərazisində “Mercedes” markalı avtomobil qarşıda gedən “Mitsubishi” markalı avtomobilə çırpılıb

13.03.2023

Martın 13-də saat 19 radələrində Tovuz rayonunun Aşağı Quşçu kəndi ərazisində Mingəçevir şəhər sakini A.Rəşidov idarə etdiyi “Mercedes” markalı avtomobili qarşıda gedən Ağstafa rayon sakini E.Yaqubəliyevin idarə etdiyi “Mitsubishi” markalı avtomobilə vurub, sonradan “Mitsubishi” markalı avtomobil aşıb. Nəticədə E.Yaqubəliyev hadisə yerində ölüb, sərnişini isə xəstəxanaya yerləşdirilib.Baş İstintaq və Təhqiqat İdarəsi tərəfindən araşdırma aparılır.