Abşeron rayonunun Mehdiabad qəsəbəsi ərazisində saxlanılan avtomobilin qəsəbə ərazisindəki avtomobillərin yuyulması məntəqəsindən qaçırılması müəyyən olunub

22.04.2023

Aprelin 22-də saat 9 radələrində Abşeron rayonunun Mehdiabad qəsəbəsi ərazisində “Changan” markalı avtomobilin sürücüsü təhlükəsizlik kəmərindən istifadə etmədiyi üçün Baş Dövlət Yol Polisi İdarəsinin əməkdaşları tərəfindən saxlanılıb.Araşdırmalar zamanı sürücünün Şərur rayon sakini Rəmzi Əliyev olması və avtomobili sürücülük hüququ olmadan, etibarnaməsiz, sərxoş halda idarə etməsi, həmçinin həmin avtomobili qəsəbə ərazisindəki işlədiyi avtomobillərin yuyulması məntəqəsindən qaçırması müəyyən olunub. R.Əliyev barəsində İnzibati Xətalar Məcəlləsinin 329.1-ci və 334.1-ci maddələri ilə protokol tərtib edilib və avtomobillə birgə Abşeron Rayon Polis İdarəsinə təhvil verilib.

Yasamal rayonu ərazisində yerləşən marketlərin birindən oğurluq etməkdə şübhəli bilinən E.Nəbiyev saxlanılıb

22.04.2023

Yasamal RPİ 29-cu Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində yerləşən marketlərin birindən 1125 manat dəyərində viski oğurlamaqda şübhəli bilinən, əvvəllər məhkum olunmuş Elcan Nəbiyev müəyyən olunaraq saxlanılıb. Araşdırma aparılır.

Goranboy rayonu ərazisində bir avtomobildən pul oğurlamaqda şübhəli bilinən Ağdaş rayon sakini S.Mustafayev saxlanılıb

22.04.2023

Goranboy Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində bir avtomobildən 1038 manat pul oğurlamaqda şübhəli bilinən Ağdaş rayon sakini S.Mustafayev müəyyən olunaraq saxlanılıb. Araşdırma aparılır.

Şirvan şəhəri ərazisindəki evlərin birindən qaynaq aparatı oğurlamaqda şübhəli bilinən şəhər sakini M.Nəsirov saxlanılıb

22.04.2023

Şirvan Şəhər Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisindəki evlərin birindən 300 manat dəyərində qaynaq aparatı oğurlamaqda şübhəli bilinən şəhər sakini M.Nəsirov saxlanılıb. Araşdırmalarla onun daha bir evdən 350 manat dəyərində taxta, digər bir evin  həyətindən isə avtomobil qaldırıcı qurğu, qaz mühərriki, su mühərriki, samovar və təmir alətləri oğurlaması da müəyyən olunub. Araşdırma aparılır.

Bərdə şəhər sakini E.Məmmədova ov tüfəngindən atəş açaraq xəsarət yetirməkdə şübhəli bilinən şəhər sakini R.Məmmədov saxlanılıb

22.04.2023

Aprelin 22-də saat 19 radələrində Bərdə şəhər sakini E.Məmmədovun odlu silahdan açılmış atəşdən aldığı xəsarətlə xəstəxanaya yerləşdirilməsi barədə polisə məlumat daxil olub.Bərdə Rayon Polis Şöbəsinin əməkdaşları tərəfindən müvafiq tədbirlər həyata keçirilib. Araşdırmalarla şəhər sakini R.Məmmədovun münaqişə zəminində ov tüfəngindən açdığı atəşlə E.Məmmədova xəsarət yetirməsinə əsaslı şübhələr müəyyən olunub və o, polis əməkdaşları tərəfindən saxlanılıb. Araşdırma aparılır. 

Lənkəran rayon sakini S.Həsənova məxsus həyətyanı sahədən çətənə kolları götürülüb

22.04.2023

Lənkəran Şəhər Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat-axtarış tədbiri nəticəsində rayon sakini, əvvəllər də narkotiklərlə bağlı cinayətə görə məhkum olunmuş S.Həsənova məxsus həyətyanı sahədən kultivasiya yolu ilə yetişdirilən 47 ədəd çətənə kolu aşkar olunaraq götürülüb. Araşdırma aparılır.

Yasamal rayonunun N.Hikmət küçəsində “Toyota” markalı avtomobillə yolu keçən 30-35 yaşlı bir qadın vurulub

22.04.2023

Aprelin 22-də saat 23 radələrində Yasamal rayonunun N.Hikmət küçəsində Sumqayıt şəhər sakini H.Niftəliyev idarə etdiyi “Toyota” markalı  avtomobillə yolu keçən 30-35 yaşlı bir qadını vurub və nəticədə piyada hadisə yerində ölüb.Yasamal Rayon Polis İdarəsində araşdırma aparılır.

Gün ərzində ölkə ərazisində qeydə alınan 49 cinayətin açılması təmin olunub

21.04.2023

Aprelin 21-də ölkə ərazisində qeydə alınan 49, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.   

Keçirilən tədbirlərlə qanunsuz olaraq odlu silah əldə etməkdə və gizlətməkdə şübhəli bilinən 4 nəfər saxlanılıb

21.04.2023

Daxili işlər orqanlarının əməkdaşları tərəfindən qanunsuz saxlanılan odlu silah-sursatın aşkar edilməsi istiqamətində tədbirlər davam etdirilir. Ötən gün keçirilən tədbirlərlə qanunsuz olaraq odlu silah əldə etməkdə və gizlətməkdə şübhəli bilinən 4 nəfər saxlanılıb.Belə ki, Nərimanov RPİ 16-cı Polis Bölməsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində paytaxt sakini, əvvəllər Cinayət Məcəlləsinin müxtəlif maddələri ilə məhkum olunmuş C.Kipçatovdan “Kalaşnikov” markalı avtomat silah aşkar edilərək götürülüb. Növbəti uğurlu tədbir Suraxanı RPİ 31-ci Polis Bölməsi əməkdaşları tərəfindən həyata keçirilib. Əməliyyat tədbirləri ilə paytaxt sakini M.İbadovdan “AKM” markalı avtomat silah və 4 ədəd patron aşkarlanaraq götürülüb.Abşeron RPİ əməkdaşları tərəfindən keçirilən əməliyyat tədbirləri nəticəsində Xırdalan şəhər sakini, əvvəllər məhkum olunmuş N.Rəhimovdan “AKM” markalı avtomat silah, 29 ədəd patron və 1 ədəd patron darağı götürülüb.  Beyləqan RPŞ əməkdaşlarının daxil olmuş məlumat əsasında keçirdikləri əməliyyat tədbirləri nəticəsində rayon sakini R.Hüseynovdan qanunsuz saxladığı “İJ-12” markalı ov tüfəngi aşkar edilərək götürülüb.Faktlarla bağlı araşdırmalar davam etdirilir.

Xaçmaz rayonunun Yergüc və Nərəcan kəndlərində müvafiq icazələri olmadan müxtəlif növ ağacların emalı və satışı ilə məşğul olan taxta sexlərinin fəaliyyət göstərməsi müəyyən olunub

21.04.2023

Daxili İşlər Nazirliyinin Baş İctimai Təhlükəsizlik İdarəsi əməkdaşlarının əldə olunan məlumat əsasında keçirdikləri əməliyyat tədbirləri nəticəsində aprelin 20-də Xaçmaz rayonunun Yergüc və Nərəcan kəndlərində rayonun Ağyazıbuduq kənd sakini A.Kərimova və Bakı şəhər sakini A.Bayramova məxsus müvafiq icazələri olmadan müxtəlif növ ağacların emalı və satışı ilə məşğul olan taxta sexlərinin fəaliyyət göstərməsi müəyyən olunub.Ağacların kəsilməsində istifadə edilən ümumilikdə 5 ədəd dəzgah və 10 kubmetr müxtəlif növ ağac və taxta materialları aşkar edilib.