Bakı şəhər sakini S.İbrahimov üzərinə baxış zamanı ondan 1 ədəd nömrəsi silinmiş “Makarov” markalı tapança, 3 ədəd patron və 7 qrama yaxın metamfetamin aşkar olunaraq götürülüb

20.03.2023

Sabunçu RPİ 13-cü Polis Bölməsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində Bakı şəhər sakini əvvəllər məhkum olunmuş S.İbrahimov saxlanılıb. Üzərinə baxış zamanı ondan 1 ədəd nömrəsi silinmiş “Makarov” markalı tapança, 3 ədəd patron və 7 qrama yaxın metamfetamin aşkar olunaraq götürülüb.

Avtomobildən 10000 manat pul oğurlamaqda şübhəli bilinən Bakı şəhər sakini R.Ələsgərov saxlanılıb

20.03.2023

Sabunçu RPİ 14-cü Polis Bölməsi əməkdaşlarının keçirdikləri əməliyyat tədbirləri nəticəsində rayon ərazisində bir avtomobildən 10000 manat pul oğurlamaqda şübhəli bilinən Bakı şəhər sakini R.Ələsgərov saxlanılıb.Araşdırma aparılır.

Bakı şəhər sakini A.Hüseynovun üzərinə baxış zamanı ondan 1 kiloqramdan artıq heroin aşkar olunaraq götürülüb

20.03.2023

Abşeron RPİ əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsində şübhəli bilinən Bakı şəhər sakini əvvəllər məhkum olunmuş A.Hüseynov saxlanılıb. Üzərinə baxış zamanı ondan 1 kiloqramdan artıq heroin aşkar olunaraq götürülüb.Araşdırma aparılır.

Oğurluqda şübhəli bilinən Gəncə şəhər sakin N.Ismayılov saxlanılmışdır

20.03.2023

Gəncə ŞBPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində şəhər ərazisində yerləşən marketlərin birindən 300 manat dəyərində olan malları oğurlamaqda şübhəli bilinən Gəncə şəhər sakini əvvəllər məhkum olunmuş N.İsmayılov saxlanılıb. Araşdırma nəticəsində onun şəhər ərazisində bir köşkdən 700 manat dəyərində tütün məmulatı oğurlaması da müəyyən olunub.  Araşdırma aparılır.

Gün ərzində ölkə ərazisində qeydə alınan 44 cinayətin açılması təmin olunub

19.03.2023

Martın 19-da ölkə ərazisində qeydə alınan 44, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 24,5 kiloqramdan çox narkotik vasitə aşkar olunaraq götürülüb

19.03.2023

Polis əməkdaşlarının martın 18-də və 19-da respublika ərazisində keçirdikləri əməliyyat tədbirləri nəticəsində ümumi çəkisi 24,5 kiloqramdan çox narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 6 kiloqramdan artıq heroin, 8,5 kiloqrama yaxın marixuana, 3,9 kiloqramdan artıq həşiş, 4 kiloqramdan çox tiryək, 2,1 kiloqramdan çox metamfetamin, 288 ədəd yüksək təsiredici xassəyə malik həblər olub. Bu istiqamətdə qətiyyətli mübarizə tədbirləri davam etdirilir. 

Gəncə şəhər sakini Z.Şirinovaya bıçaqla ölümcül xəsarət yetirməkdə şübhəli bilinən keçmiş həyat yoldaşı R.Şirinov tutularaq istintaqa təhvil verilib

19.03.2023

Gəncə Şəhər Baş Polis İdarəsinə şəhər sakini Z.Şirinovanın bıçaq xəsarəti ilə  xəstəxanaya yerləşdirilməsi və orada ölməsi barədə məlumat daxil olub. Polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla bu cinayət əməlinin qadının keçmiş həyat yoldaşı R.Şirinovun münaqişə zəminində törətməsinə əsaslı şübhələr müəyyən olunub. R.Şirinov şübhəli şəxs qismində tutularaq istintaqa təhvil verilib. Faktla bağlı cinayət işi başlanılıb. 

Oğurluqda şübhəli bilinən Ağdam rayon sakini H.Mehtiyev saxlanılıb

19.03.2023

Bakı Şəhər Baş Polis İdarəsinin Cinayət Axtarışı İdarəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində Bakı şəhər sakinləri S.Quliyevin və Ş.Əmrahovanın mobil telefonlarını, R.Ağayevin isə içərisində sənədləri, bank kartları olan cüzdanını və mobil telefonunu oğurlamaqda şübhəli bilinən Ağdam rayon sakini, əvvəllər məhkum olunmuş H.Mehtiyev saxlanılıb. Araşdırma aparılır. 

Xırdalan şəhəri ərazisində bir qadının mobil telefonunu soyğunçuluq yolu ilə talamaqda şübhəli bilinən S.Bəkirov saxlanılıb

19.03.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində martın 16-da Xırdalan şəhəri ərazisində bir qadının mobil telefonunu soyğunçuluq yolu ilə talamaqda şübhəli bilinən şəhər sakini S.Bəkirov saxlanılıb. Araşdırmalarla onun daha bir qadının içərisində pulu, bank kartları, sənədləri olan cüzdanını, həmçinin həmin qadının həyat yoldaşının bank kartından 100 manatını oğurlaması da müəyyən olunub.

Zərdab rayonunun Gəndəbil kəndi ərazisində “Mercedes” markalı avtomobil yolun kənarındakı ağaca çırpılıb

19.03.2023

Martın 19-da saat 23 radələrində Zərdab rayonunun Gəndəbil kəndi ərazisində Ağdam rayon sakini İ.Ağayev idarə etdiyi “Mercedes” markalı avtomobili yolun kənarındakı ağaca vurub. Nəticədə avtomobildəki xəsarət alan sərnişinlərindən Abşeron rayon sakinləri Z.Rəhimova xəstəxanaya aparılarkən yolda ölüb, sürücü və digər 2 sərnişini  xəstəxanaya yerləşdirilib.Zərdab Rayon Polis Şöbəsində araşdırma aparılır.