Daxili İşlər Nazirliyi və Dövlət Sərhəd Xidməti İmişlidə növbəti birgə əməliyyat keçirib

20.04.2023

Daxili İşlər Nazirliyi Baş Narkotiklərlə Mübarizə İdarəsi və Dövlət Sərhəd Xidmətinin əməkdaşları tərəfindən birgə keçirilən növbəti xüsusi əməliyyat nəticəsində qaçaqmalçılıq yolu ilə ölkə ərazisinə külli miqdarda narkotik maddələr keçirən daha bir nəfər saxlanılıb. Tədbir zamanı paytaxt sakini Elməddin Hüseynov İmişli rayonu ərazisində tutulub. Bu şəxsdən ümumilikdə 14 kiloqram narkotik maddə olan qurudulmuş maruxuana aşkar edilib. İlkin sorğu zamanı Elməddin Hüseynov ondan aşkar olunmuş narkotik vasitəni İran İslam Respublikasının vətəndaşı “Baba” adı ilə tanıdığı şəxsin vasitəsilə İmişli rayonu ərazisində gizlədilən ünvandan müxtəlif yerlərə çatdırıb pul qazanmaq məqsədilə əldə etdiyini bildirib.Faktla bağlı Cinayət Məcəlləsinin müvafiq maddəsi ilə cinayət işi başlanılıb, saxlanılan şəxslər barəsində həbs qətimkan tədbiri seçilib, əməliyyat-istintaq tədbirləri davam etdirilir.Qeyd edək ki, son 1 ay ərazində Daxili İşlər Nazirliyi Baş Narkotiklərlə Mübarizə İdarəsi və Dövlət Sərhəd Xidmətinin əməkdaşlarının birgə həyata keçirdikləri xüsusi əməliyyatlar nəticəsində ümumilikdə 131 kiloqram müxtəlif növ güclü təsiredici xassəli narkotik vasitələr aşkar edilərək qanunsuz dövriyyədən çıxarılıb.

Gün ərzində ölkə ərazisində qeydə alınan 90 cinayətin açılması təmin olunub

19.04.2023

Aprelin 19-da ölkə ərazisində qeydə alınan 90, əvvəlki dövrlərdən bağlı qalan 14 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 15,6 kiloqramdan artıq narkotik vasitə aşkar olunaraq götürülüb

19.04.2023

Polis əməkdaşlarının aprelin 19-da respublika ərazisində keçirdikləri əməliyyat tədbirləri nəticəsində ümumi çəkisi 15,6 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 1,1 kiloqramdan artıq heroin, 14,4 kiloqramdan çox marixuana,  125 qram metamfetamin, 36 ədəd çətənə kolu olub. Bu istiqamətdə qətiyyətli mübarizə tədbirləri davam etdirilir.

Yevlax şəhər sakini C.Babayevdən 1 kiloqramdan artıq marixuana götürülüb

19.04.2023

Yevlax Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər də eyni əməllərə görə məhkum olunmuş C.Babayevdən 1 kiloqram 150 qram marixuana aşkar olunaraq götürülüb.Araşdırma aparılır.

Bərdə rayonunun Həsənqaya kəndi ərazisində “VAZ-21099” və “VAZ-21011” markalı avtomobillər toqquşub

19.04.2023

Aprelin 19-da saat 19 radələrində Bərdə rayonunun Həsənqaya kəndi ərazisində rayon sakinləri F.Əzizovun idarə etdiyi “VAZ-21099” və Ə.Sultanlının idarə etdiyi “VAZ-21011” markalı avtomobillər toqquşub. Nəticədə Ə.Sultanlının sərnişini F.Xankişiyev hadisə yerində ölüb, hər iki sürücü və digər avtomobildə olan sərnişin M.Ağayev xəstəxanaya yerləşdirilib. M.Ağayev xəstəxanada ölüb.Bərdə Rayon Polis Şöbəsində araşdırma aparılır.

Nəsimi rayonu ərazisindəki evlərdən birinə girərək ev sahibəsinə qarşı quldurluq etməkdə şübhəli bilinən R.Salmanov saxlanılıb

19.04.2023

Aprelin 18-də gecə saatlarında Nəsimi rayonu ərazisindəki evlərdən birinə nəfəslikdən girən şəxsin ev sahibəsinin 100 manat pulunu və təqaüd kartını quldurluq yolu ilə talaması barədə polisə məlumat daxil olub. Nəsimi RPİ 21-ci Polis Bölməsi əməkdaşlarının keçirdikləri əməliyyat-axtarış tədbiri nəticəsində quldurluq əməlində şübhəli bilinən əvvəllər oğurluğa görə məhkum olunmuş Yevlax rayon sakini R.Salmanov müəyyən edilərək saxlanılıb. Araşdırma aparılır. 

Neftçala rayon sakininin bank kartından 2000 manat pul oğurlamaqda şübhəli bilinən K.Miraşiçenko saxlanılıb

19.04.2023

Sabunçu RPİ 13-cü Polis Bölməsi əməkdaşlarının daxil olan məlumat əsasında keçirdikləri əməliyyat-axtarış tədbiri nəticəsində aprelin 13-də Neftçala rayon sakininin bank kartından 2000 manat pul oğurlamaqda şübhəli bilinən əvvəllər oğlurluq və narkotik cinayətlərinə görə məhkum olunmuş Samux rayon sakini K.Miraşiçenko müəyyən olunaraq saxlanılıb.Araşdırma aparılır.

Binəqədi rayonu ərazisindəki evlərin birindən pul və qızıl-zinət əşyaları oğurlamaqda şübhəli bilinən K.Məhərrəmova saxlanılıb

19.04.2023

Binəqədi RPİ 40-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki evlərin birindən pul və 2000 manat dəyərində qızıl-zinət əşyaları oğurlamaqda şübhəli bilinən Zəngilan rayon sakini K.Məhərrəmova saxlanılıb.Araşdırma aparılır.

Yasamal rayonu ərazisindəki evlərin birindən pul və mobil telefon oğurlamaqda şübhəli bilinən V.Şirinov saxlanılıb

19.04.2023

Yasamal RPİ 28-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisindəki evlərin birindən 1000 manat pul və 2 ədəd mobil telefon oğurlamaqda şübhəli bilinən Göyçay rayon sakini V.Şirinov müəyyən edilərək saxlanılıb.Araşdırma aparılır.

Goranboy rayonunun Xanqərvənd kəndindəki evlərin birindən oğurluq edib həmin evi yandırmaqda şübhəli bilinən N.Rüstəmov saxlanılıb

19.04.2023

Yevlax Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində ötən il mayın 26-da  Goranboy rayonunun  Xanqərvənd kəndindəki evlərin birindən 17000 dollar, 550 avro pul və 7000 manat dəyərində qızıl-zinət əşyaları oğurlamaqda və həmin evi yandırmaqda şübhəli bilinən Goranboy rayon sakini, əvvəllər məhkum olunmuş Namiq Rüstəmov müəyyən olunaraq saxlanılıb.Araşdırma aparılır.