Keçirilən tədbirlərlə qanunsuz olaraq odlu silah əldə etməkdə və gizlətməkdə şübhəli bilinən 4 nəfər saxlanılıb

21.04.2023

Daxili işlər orqanlarının əməkdaşları tərəfindən qanunsuz saxlanılan odlu silah-sursatın aşkar edilməsi istiqamətində tədbirlər davam etdirilir. Ötən gün keçirilən tədbirlərlə qanunsuz olaraq odlu silah əldə etməkdə və gizlətməkdə şübhəli bilinən 4 nəfər saxlanılıb.Belə ki, Nərimanov RPİ 16-cı Polis Bölməsi əməkdaşlarının daxil olmuş məlumat əsasında keçirdikləri əməliyyat tədbirləri nəticəsində paytaxt sakini, əvvəllər Cinayət Məcəlləsinin müxtəlif maddələri ilə məhkum olunmuş C.Kipçatovdan “Kalaşnikov” markalı avtomat silah aşkar edilərək götürülüb. Növbəti uğurlu tədbir Suraxanı RPİ 31-ci Polis Bölməsi əməkdaşları tərəfindən həyata keçirilib. Əməliyyat tədbirləri ilə paytaxt sakini M.İbadovdan “AKM” markalı avtomat silah və 4 ədəd patron aşkarlanaraq götürülüb.Abşeron RPİ əməkdaşları tərəfindən keçirilən əməliyyat tədbirləri nəticəsində Xırdalan şəhər sakini, əvvəllər məhkum olunmuş N.Rəhimovdan “AKM” markalı avtomat silah, 29 ədəd patron və 1 ədəd patron darağı götürülüb.  Beyləqan RPŞ əməkdaşlarının daxil olmuş məlumat əsasında keçirdikləri əməliyyat tədbirləri nəticəsində rayon sakini R.Hüseynovdan qanunsuz saxladığı “İJ-12” markalı ov tüfəngi aşkar edilərək götürülüb.Faktlarla bağlı araşdırmalar davam etdirilir.

Xaçmaz rayonunun Yergüc və Nərəcan kəndlərində müvafiq icazələri olmadan müxtəlif növ ağacların emalı və satışı ilə məşğul olan taxta sexlərinin fəaliyyət göstərməsi müəyyən olunub

21.04.2023

Daxili İşlər Nazirliyinin Baş İctimai Təhlükəsizlik İdarəsi əməkdaşlarının əldə olunan məlumat əsasında keçirdikləri əməliyyat tədbirləri nəticəsində aprelin 20-də Xaçmaz rayonunun Yergüc və Nərəcan kəndlərində rayonun Ağyazıbuduq kənd sakini A.Kərimova və Bakı şəhər sakini A.Bayramova məxsus müvafiq icazələri olmadan müxtəlif növ ağacların emalı və satışı ilə məşğul olan taxta sexlərinin fəaliyyət göstərməsi müəyyən olunub.Ağacların kəsilməsində istifadə edilən ümumilikdə 5 ədəd dəzgah və 10 kubmetr müxtəlif növ ağac və taxta materialları aşkar edilib.

Oğurluq əməlini törətməkdə şübhəli bilinən paytaxt sakini E.Alıyev müəyyən edilərək saxlanılıb

21.04.2023

Aprelin 21-də Suraxanı rayonunun Köhnə Suraxanı qəsəbəsi ərazisində yerləşən evlərin birindən içərisində 950 manat, sənədlər və bank kartları olan pulqabının oğurlanması barədə polisə məlumat daxil olub.Suraxanı RPİ 31-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində oğurluq əməlini törətməkdə şübhəli bilinən paytaxt sakini E.Alıyev müəyyən edilərək saxlanılıb.

Paytaxt sakini E.Məmmədova xəsarət yetirməkdə şübhəli bilinən Şuşa şəhər sakini Z.Xanəliyev müəyyən edilərək saxlanılıb

21.04.2023

Aprelin 21-də saat 23 radələrində Xəzər rayonunun Mərdəkan qəsəbəsindən paytaxt sakini E.Məmmədovun qarın nahiyəsindən kəsilmiş-deşilmiş xəsarətlə xəstəxanaya gətirilməsi barədə polisə məlumat daxil olub.Xəzər RPİ 1-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində cinayət əməlini törətməkdə şübhəli bilinən Şuşa şəhər sakini Z.Xanəliyev müəyyən edilərək saxlanılıb.Araşdırmalar Xəzər RPİ tərəfindən araşdırma aparılır.

Oğurluqda şübhəli bilinən paytaxt sakini G.Talıbova saxlanılıb

21.04.2023

Yasamal RPİ 29-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində aprelin 18-də bir qadına məxsus içərisində 400 manat pul və şəxsiyyət vəsiqəsi olan çantanı oğurlamaqda şübhəli bilinən paytaxt sakini G.Talıbova saxlanılıb.

Oğurluq əməlini törətməkdə şübhəli bilinən Gəncə şəhər sakinləri A.Məmmədov və R.Lepexov saxlanılıb

21.04.2023

Aprelin 21-də Gəncə şəhərinin Yeni Gəncə qəsəbəsi ərazisində yerləşən yaşayış binalarının zirzəmilərindən su borularının oğurlanması barədə polisə məlumat daxil olub.Gəncə ŞBPİ 3-cü Polis Bölməsi əməkdaşlarının keçirdikləri əməliyyat-axtarış tədbirləri ilə oğurluq əməlini törətməkdə şübhəli bilinən şəhər sakinləri, əvvəllər məhkum olunmuşlar A.Məmmədov və R.Lepexov saxlanılıb. 

Oğurluq etdiklərinə görə tutulmuş R.Əzizovun və M.Astanovun törətdikləri digər cinayət əməlləri də müəyyən edilib

21.04.2023

Cəlilabad RPŞ əməkdaşları tərəfindən aprelin 17-də oğurluq etdiklərinə görə tutulmuş R.Əzizovun və M.Astanovun 2021-ci ilin fevral ayında Zopun kəndindən 4 baş inək oğurlamaları, həmçinin M.Astanovun müxtəlif vaxtlarda 3 həyətyanı sahədən ümumilikdə 38 ev quşu oğurlaması da müəyyən olunub. Cəlilabad RPŞ tərəfindən araşdırmalar davam etdilir.

Oğurluqda şübhəli bilinən Şirvan şəhər sakini Ş.Əliyev saxlanılıb

21.04.2023

Şirvan ŞPŞ əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisində 3 avtomobildən ümumilikdə 1235 manat pul oğurlamaqda şübhəli bilinən şəhər sakini, əvvəllər məhkum olunmuş Ş.Əliyev saxlanılıb.

Oğurluq əməlini törətməkdə şübhəli bilinən Masallı rayon sakinləri A.Kərimov və A.Cavadov, Sabirabad rayon sakini Ü.Hüseynov müəyyən edilərək saxlanılıb

21.04.2023

Aprelin 17-də Masallı rayonu ərazisindəki mağazaların birindən “KamAZ” markalı avtomobilə aid 1300 manat dəyərində 2 ədəd sürətlər qutusunun oğurlanması barədə polisə məlumat daxil olub. Masallı RPŞ əməkdaşlarının keçirdikləri əməliyyat-axtarış tədbirləri ilə oğurluq əməlini törətməkdə şübhəli bilinən rayon sakinləri, əvvəllər  məhkum olunmuşlar A.Kərimov və A.Cavadov, Sabirabad rayon sakini, əvvəllər məhkum olunmuş Ü.Hüseynov müəyyən edilərək saxlanılıb. 

Gün ərzində ölkə ərazisində qeydə alınan 59 cinayətin açılması təmin olunub

20.04.2023

Aprelin 20-də ölkə ərazisində qeydə alınan 59, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.