Salyan rayon sakinləri A.Orucovdan tiryək və marixuana aşkar olunaraq götürülüb

28.05.2023

Biləsuvar Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Salyan rayon sakinləri A.Orucov idarə etdiyi “VAZ-21015” markalı avtomobildə sərnişini M.Bahəddinovla birgə saxlanılıb. A.Orucovdan 2 kiloqram 765 qram tiryək və 215 qrama yaxın marixuana aşkar olunaraq götürülüb. Araşdırma aparılır.

Hacıqabul şəhər sakini A.Soltanovdan marixuana aşkar olunaraq götürülüb

28.05.2023

Hacıqabul Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş A.Soltanovdan 485 qram marixuana aşkar olunaraq götürülüb. Araşdırma aparılır.

Xocalı rayonunun Meşəli kəndi ərazisində yabanı halda bitmiş çətənə kolları məhv edilib

28.05.2023

Xocalı Rayon Polis Şöbəsinin əməkdaşları tərəfindən Meşəli kəndi ərazisində yabanı halda bitmiş 584 ədəd çətənə kolu aşkar olunaraq məhv edilib.

Suraxanı rayonu Zığ şossesində “Nissan” markalı avtomobillə yolu keçən paytaxt sakinləri S.Rəsulova, S.Cavadova və azyaşlı qızı vurulub

28.05.2023

Mayın 28-də saat 21 radələrində Suraxanı rayonu Zığ şossesində Bakı şəhər sakini A.Əliyev idarə etdiyi “Nissan” markalı avtomobillə yolu keçən paytaxt sakinləri S.Rəsulovanı, S.Cavadovanı və azyaşlı qızını vurub. Nəticədə hər iki piyada hadisə yerində, uşaq isə xəstəxanada ölüb.Suraxanı Rayon Polis İdarəsində araşdırma aparılır.

Yevlax rayonunun Kolanı kəndi ərazisində “Mercedes” markalı avtomobil aşıb

28.05.2023

Mayın 28-də saat 13 radələrində Yevlax rayonunun Kolanı kəndi ərazisində Bərdə rayon sakini V.İsmayılzadə idarə etdiyi “Mercedes” markalı avtomobili aşırıb. Nəticədə avtomobildəki sərnişinlərdən Ş.Fərzəliyev hadisə yerində ölüb, digər 3 sərnişinə isə xəstəxanada ilkin tibbi yardım göstərildikdən sonra buraxılıblar.Yevlax Rayon Polis Şöbəsində araşdırma aparılır.

Lənkəran rayonunun Xanbulan kəndi ərazisində “MAN” markalı avtobusla “Nissan” markalı avtomobil toqquşub

28.05.2023

Mayın 28-də saat 14 radələrində Lənkəran rayonunun Xanbulan kəndi ərazisində Bakı şəhər sakini M.Hacıyevin idarə etdiyi “MAN” markalı avtobusla Lənkəran şəhər sakini R.Məmmədovun idarə etdiyi “Nissan” markalı avtomobil toqquşub. Nəticədə “Nissan” markalı avtomobilin sürücüsü və bir sərnişini xəstəxanaya yerləşdirilib, sürücü orada ölüb. Lənkəran Şəhər Rayon Polis Şöbəsində araşdırma aparılır.

İsmayıllı rayonunun Qaraqaya kəndi ərazisində “İsuzu” markalı avtomobillə yolu keçən Qobustan rayon sakini A.Cəfərov vurulub

28.05.2023

Mayın 28-də saat 18 radələrində İsmayıllı rayonunun Qaraqaya kəndi ərazisində Sumqayıt şəhər sakini Ş.İsgəndərov idarə etdiyi “İsuzu” markalı avtomobillə yolu keçən Qobustan rayon sakini A.Cəfərovu vurub və nəticədə piyada hadisə yerində ölüb.İsmayıllı Rayon Polis Şöbəsində araşdırma aparılır.

Qaradağ rayonunun Sahil qəsəbəsi ərazisində “Niva” markalı avtomobillə yolu keçən Daşkəsən rayon sakini P.Məmmədov vurulub

28.05.2023

Mayın 28-də saat 4 radələrində Qaradağ rayonunun Sahil qəsəbəsi ərazisində Şəki rayon sakini Z.Qüvvətov idarə etdiyi “Niva” markalı avtomobillə yolu keçən Daşkəsən rayon sakini P.Məmmədovu vurub. Nəticədə xəsarətlə xəstəxanaya yerləşdirilən piyada ölüb.Baş İstintaq və Təhqiqat İdarəsində araşdırma aparılır.

Binəqədi rayonu ərazisində sərnişininə qarşı soyğunçuluq əməlini törətməkdə şübhəli bilinən taksi sürücüsü E.Səmədzadə müəyyən olunaraq saxlanılıb

27.05.2023

Mayın 27-nə keçən gecə Binəqədi rayonu ərazisində taksi sürücüsünün sərnişinini itələyib avtomobildən düşürməsi və mobil telefonunu talayaraq getməsi barədə polisə məlumat daxil olub.Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində soyğunçuluq əməlini törətməkdə şübhəli bilinən Bakı şəhər sakini E.Səmədzadə müəyyən olunaraq saxlanılıb.Binəqədi Rayon Polis İdarəsində araşdırma aparılır.

Nizami rayonu ərazisində bir nəfərin çantasını oğurlamaqda şübhəli bilinən Tərtər rayon sakini A.Hüseynov saxlanılıb

27.05.2023

Mayın 26-da Nizami rayonu ərazisində bir nəfərin içərisində 870 manat pulu, bank kartları, sənədlər və mobil telefonu olan çantasının oğurlanması barədə polisə məlumat daxil olub.Nizami RPİ 24-cü Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Tərtər rayon sakini A.Hüseynov müəyyən olunaraq saxlanılıb. Şəxsi axtarış zamanı ondan metamfetamin aşkar olunaraq götürülüb. Araşdırma aparılır.