Taksi görüntüsü yaradaraq narkotiklərin satışı ilə məşğul olan “Prius” sürücüsü saxlanılıb

02.06.2023

Xəzər Rayon Polis İdarəsinin 3-cü Polis Şöbəsinin əməkdaşlarının həyata keçirdikləri əməliyyat zamanı Binə qəsəbəsində narkotik vasitələrin qanunsuz dövriyyəsi ilə məşğul olan əvvəllər məhkum edilmiş Kamran İsmayılov saxlanılıb. Onun üzərinə və idarə etdiyi “Toyota Prius” markalı avtomobilə baxış zamanı 2 kiloqrama yaxın marixuana aşkar edilib. Araşdırma zamanı müəyyən edilib ki, Kamran İsmayılov tanışı şəxsiyyəti istintaqla araşdırılan  “Mahal” adlı İran vətəndaşının göstərişi ilə onun qanunsuz yollarla ölkəyə göndərdiyi narkotiklərin paytaxtın müxtəlif ərazilərində paylanması ilə məşğul olub. O, taksi sürücüsü görüntüsü yaradaraq Bakı şəhərində narkotiklərin dövriyyəsini təşkil edib.Qeyd edək ki, 3-cü Polis Şöbəsinin əməkdaşlarının son günlərdə həyata keçiridikləri əməliyyatlar zamanı Binə və ətraf ərazilərdə narkotiklərin qanunsuz dövriyyəsi ilə məşğul olan ümumilikdə 29 nəfər tutularaq istintaqa təqdim edilib. Saxlanılanlardan bir neçəsinin Binə qəsəbəsində yük maşınlarından akkumulyator oğurladıqları da müəyyən edilib.Aşkar edilən faktlarla bağlı əməliyyat-istintaq tədbirləri davam etdirilir.

Gün ərzində ölkə ərazisində qeydə alınan 56 cinayətin açılması təmin olunub

01.06.2023

İyunun 1-də ölkə ərazisində qeydə alınan 56, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Sabunçu qəsəbə sakini Y.Novruzova münaqişə zəminində bıçaqla xəsarət yetirməkdə şübhəli bilinən Qəbələ rayon sakini Ə.Rəsulov saxlanılıb

01.06.2023

Mayın 31-də Sabunçu qəsəbə sakini Y.Novruzovun xəsarət alması barədə polisə məlumat daxil olub. Sabunçu RPİ 12-ci Polis Şöbəsinin əməkdaşları tərəfindən aparılan araşdırmalarla həmin gün saat 21 radələrində qəsəbə ərazisində yerləşən parkda Qəbələ rayon sakini Ə.Rəsulovun münaqişə zəminində Y.Novruzova bıçaqla xəsarət yetirməsinə əsaslı şübhələr müəyyən edilib.  Ə.Rəsulov polis əməkdaşları tərəfindən saxlanılıb.Sabunçu Rayon Polis İdarəsində araşdırma aparılır. 

Hacıqabul şəhər sakinləri olan Quliyev qardaşlarına münaqişə zəminində xəsarət yetirməkdə şübhəli bilinən M.Rzayev saxlanılıb

01.06.2023

İyunun 1-də saat 23 radələrində Hacıqabul şəhərində şəhər sakinləri E.Quliyevin və qardaşı A.Quliyevin xəsarət almaları barədə polisə məlumat daxil olub.Hacıqabul Rayon Polis Şöbəsinin əməkdaşları tərəfindən aparılan araşdırmalarla şəhər sakini M.Rzayevin münaqişə zəminində E.Quliyevə və qardaşına xəsarət yetirməsi müəyyən edilib.Əməliyyat tədbirləri ilə M.Rzayev şübhəli şəxs qismində saxlanılıb.Faktla bağlı Hacıqabul Rayon Polis Şöbəsində Cinayət Məcəlləsinin 126.1-ci (Qəsdən sağlamlığa ağır zərər vurma)  maddəsi ilə cinayət işi başlanılıb.

Zabrat-1 dəmir yolu dayanacağının pilləkənlərinə quraşdırılan məhəccərləri oğurlamaqda şübhəli bilinən iki yeniyetmə saxlanılıb

01.06.2023

Zabrat-1 dəmir yolu dayanacağının pilləkənlərinə quraşdırılan məhəccərlərin qeyri-aşkar şəraitdə oğurlanması barədə polisə məlumat daxil olub. Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən iki yeniyetmə müəyyən olunaraq saxlanılıb. Araşdırma aparılır. 

Sumqayıt şəhərindəki 10-cu mikrorayon ərazisində yerləşən mağazaların birindən mobil telefon oğurlamaqda şübhəli bilinən B.Binyətov saxlanılıb

01.06.2023

Sumqayıt ŞPİ 1-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 30-da 10-cu mikrorayon ərazisində yerləşən mağazaların birindən  mobil telefon oğurlamaqda şübhəli bilinən Sumqayıt şəhər sakini, əvvəllər məhkum olunmuş Bəhrəm Binyətov müəyyən olunaraq saxlanılıb. Araşdırma aparılır. 

Qəbələ şəhər sakini N.Tağızadədən qanunsuz saxladığı ov tüfəngi götürülüb

01.06.2023

Qəbələ Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində şəhər sakini N.Tağızadədən qanunsuz saxladığı “İJ” markalı ov tüfəngi götürülüb. Araşdırma aparılır. 

Tovuz şəhərinin Şəhriyar küçəsində “Hyundai” markalı avtomobillə yolu keçən L.Sadıqova vurulub

01.06.2023

İyunun 1-də saat 21 radələrində Tovuz şəhərinin Şəhriyar küçəsində rayon sakini O.Məmmədov idarə etdiyi “Hyundai” markalı avtomobillə yolu keçən L.Sadıqovanı vurub. Nəticədə xəsarətlə xəstəxanaya yerləşdirilən piyada ölüb.Tovuz Rayon Polis Şöbəsində araşdırma aparılır.

Gün ərzində ölkə ərazisində qeydə alınan 66 cinayətin açılması təmin olunub

31.05.2023

Mayın 31-də ölkə ərazisində qeydə alınan 66, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.

Şərur rayonunun Püsyan kənd sakini X.Şıxəliyevi qəsdən öldürməkdə şübhəli bilinən G.Nəcəfov tutularaq istintaqa təhvil verilib

31.05.2023

Mayın 31-də saat 18 radələrində Naxçıvan Muxtar Respublikasının Şərur rayonunun  Püsyan kəndində kənd sakini X.Şıxəliyevin kəsilmiş-deşilmiş xəsarətlərdən ölməsi barədə polisə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla kənd sakini G.Nəcəfovun həmkəndlisi X.Şıxəliyevə bıçaqla xəsarət yetirməklə qəsdən öldürməsinə əsaslı şübhələr müəyyən edilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.Polis əməkdaşlarının keçirdikləri əməliyyat tədbirləri ilə G.Nəcəfov şübhəli şəxs qismində tutularaq istintaqa təhvil verilib.