Yasamal rayonu ərazisindən moped oğurlamaqda şübhəli bilinən Z.Əliyev və A.Paşayeva saxlanılıblar

27.04.2023

Yasamal rayonu ərazisindən aprelin 25-nə keçən gecə 2400 manat dəyərində moped oğurlanması barədə polisə məlumat daxil olub.Yasamal RPİ 26-cı Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən, əvvəllər də talama cinayətlərinə görə məhkum olunmuş Ağstafa rayon sakini Z.Əliyev və Sumqayıt şəhər sakini A.Paşayeva saxlanılıblar.Araşdırma aparılır.

Sumqayıt şəhəri ərazisindəki evlərin birindən oğurluq etməkdə şübhəli bilinən şəxslər saxlanılıblar

27.04.2023

Sumqayıt ŞPİ 1-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisindəki evlərin birindən 3 ədəd plastik pəncərə, dəmir lövhə, dəmir qapı və inşaat materialları oğurlamaqda şübhəli bilinən Sumqayıt şəhər sakinləri T.Rüstəmov, əvvəllər məhkum olunmuşlar S.Qurbanov və Abşeron rayon sakini C.Quliyev saxlanılıblar.Araşdırma aparılır.  

Goranboy rayonu Qarapirimli kəndi ərazisindəki fermaların birindən 56 baş qoyun oğurlamaqda şübhəli bilinən rayon sakini V.Mirhüseynov saxlanılıb

27.04.2023

2022-ci il noyabr ayının 30-dan cari ilin aprelin 25-dək olan müddətdə Goranboy rayonu Qarapirimli kəndi ərazisindəki fermaların birindən 56 baş qoyunun  oğurlanması barədə polisə məlumat daxil olub. Goranboy Rayon Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən rayon sakini V.Mirhüseynov saxlanılıb.Araşdırma aparılır.

Sabirabad rayonu ərazisindəki 2 həyətyanı sahədən oğurluq etməkdə şübhəli bilinən Sumqayıt şəhər sakini S.Əliyev saxlanılıb

27.04.2023

Sabirabad Rayon Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində cari ilin aprel ayında müxtəlif vaxtlarda rayon ərazisindəki 2 həyətyanı sahədən 2100 manat dəyərində qapı, generator, su mühərriki və məişət əşyaları oğurlamaqda şübhəli bilinən, əvvəllər də talama cinayətinə görə məhkum olunmuş Sumqayıt şəhər sakini S.Əliyev saxlanılıb.Araşdırma aparılır.

Şəmkir rayonunun Dəllər Cəyir kənd sakini M.Sadıqovun yaşadığı evdən silah-sursat aşkar olunaraq götürülüb

27.04.2023

Şəmkir Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat-axtarış tədbiri nəticəsində rayonun Dəllər Cəyir kənd sakini M.Sadıqovun yaşadığı evə baxış zamanı oradan nömrəsi silinmiş “AKMS” markalı avtomat silah, 1 ədəd patron darağı və 23 ədəd patron aşkar olunaraq götürülüb. Araşdırma aparılır.

Şəmkir rayonunun Dəllər qəsəbə sakini S.Hacıyevdən 420 qram marixuana götürülüb

27.04.2023

Şəmkir Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan rayonun Dəllər qəsəbə sakini S.Hacıyevdən 420 qram marixuana aşkar olunaraq götürülüb.

Binəqədi rayonunda son 1 həftədə keçirilən əməliyyatlar zamanı narkotiklərin qanunsuz dövriyyəsi ilə məşğul olan 17 nəfər saxlanılıb

27.04.2023

Binəqədi Rayon Polis İdarəsinin əməkdaşları tərəfindən son 1 həftə ərzində rayon ərazisində narkotiklərin qanunsuz dövriyyəsini həyata keçirən şəxslərin saxlanılmaları istiqamətində əməliyyatlar davam etdirilib. Tədbirlər zamanı narkotiklərin satışı ilə məşğul olan daha 17 nəfər saxlanılıb.Araşdırma zamanı müəyyən edilib ki, saxlanılanların bir neçəsi əvvəllər də eyni cinayətlər etdikləri üçün, yəni narkotiklərin qanunsuz dövriyyəsini təşkil etdikləri üçün məhkum olunmuş şəxslərdir. Saxlanılanların üzərindən,yaşadıqları evlərdən külli miqdarda heroin,marixuana və psixotrop maddə olan metamfetamin aşkar edilib.Qeyd edək ki, saxlanılan şəxslərin bir neçəsinin Binəqədi rayonunda evlərdən və obyektlərdən oğurluq etdikləri də müəyyən edilib. Onların hər biri barəsində İdarənin İstintaq Şöbəsində Cinayət işi başlanılıb.Binəqədi rayonu ərazisində narkotiklərin qanunsuz dövriyyəsinin qarşısının alınması məqsədilə polis əməkdaşları tərəfindən mübarizə tədbirləri davam etdirilir.

Gün ərzində ölkə ərazisində qeydə alınan 63 cinayətin açılması təmin olunub

26.04.2023

Aprelin 26-da ölkə ərazisində qeydə alınan 63, əvvəlki dövrlərdən bağlı qalan 12 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 10,4 kiloqramdan artıq marixuana və 410 ədəd güclü təsiredici xassəyə malik həb aşkar olunaraq götürülüb 

26.04.2023

Polis əməkdaşlarının aprelin 26-da respublika ərazisində keçirdikləri əməliyyat tədbirləri nəticəsində ümumi çəkisi 10,4 kiloqramdan artıq marixuana və 410 ədəd güclü təsiredici xassəyə malik həb aşkar olunaraq götürülüb. Bu istiqamətdə qətiyyətli mübarizə tədbirləri davam etdirilir. 

Xəzər rayonunun Şüvəlan qəsəbəsindəki evlərin birindən oğurluq etməkdkə şübhəli bilinən A.Əliyev saxlanılıb

26.04.2023

Xəzər RPİ 1-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Şüvəlan qəsəbəsindəki evlərin birinin həyətindəki saxlanc yerindən 7000 manat dəyərində məişət əşyaları, heykəltaraşlıq avadanlıqları və təmir alətləri oğurlamaqda şübhəli bilinən qəsəbə sakini, əvvəllər məhkum olunmuş A.Əliyev müəyyən olunaraq saxlanılıb.Araşdırma aparılır.