Sabirabad rayon sakini Ə.Həsənovun qız nəvəsini qaçıran Bakı şəhər sakini R.Mirzəyev və qaçırılan qız saxlanılaraq Sabirabad RPŞ-yə təhvil veriliblər

21.06.2022

İyunun 21-də Sabirabad rayonunun Suqovuşan kənd sakini Ə.Həsənov Rayon Polis Şöbəsinə müraciət edərək həmin gün saat 17 radələrində qız nəvəsinin naməlum şəxs tərəfindən evlənmək məqsədi ilə qaçırılmasını bildirib.Həmin gün saat 21 radələrində rayonun Nərimankənd kəndi ərazisində “Mercedes” markalı avtomobilin sürücüsü İ.İsmayılov yol polisinin əməkdaşlarına yaxınlaşıb avtomobilində olan 2 sərnişinin özlərini şübhəli aparmalarını bildirib. Araşdırmalarla həmin şəxslərin Bakı şəhər sakini R.Mirzəyev və qaçırılan qız olması müəyyən olunub və onlar saxlanılaraq Sabirabad RPŞ-yə təhvil veriliblər.Araşdırma aparılır.

Gün ərzində ölkə ərazisində qeydə alınan cinayətlərdən 52-sinin açılması təmin olunub

20.06.2022

İyunun 20-də ölkə ərazisində qeydə alınan cinayətlərdən 52-sinin, eləcə də əvvəlki dövrlərdən bağlı qalan cinayətlərdən 8-inin açılması daxili işlər orqanlarının əməkdaşları tərəfindən təmin olunub.

Sabunçu rayonunun Maştağa qəsəbəsi ərazisində yol-nəqliyyat hadisəsi

20.06.2022

İyunun 20-də saat 22 radələrində Sabunçu rayonunun Maştağa qəsəbəsi ərazisində qəsəbə sakini F.Mirzəyev idarə etdiyi “QAZ-3110” markalı avtomobillə yolu keçən həmyerlisi Kəmalə Abbasovanı vurub və nəticədə piyada hadisə yerində ölüb.Sabunçu RPİ-də araşdırma aparılır.

Oğurluqda şübhəli bilinən Lerik rayon sakini R.Kişiyev saxlanılıb

20.06.2022

Salyan şəhər sakini R.İsayevdən qanunsuz saxladığı ov tüfəngi götürülüb

20.06.2022

Salyan RPŞ əməkdaşlarının keçirdikləri əməliyyat-axtarış tədbirləri nəticəsində şəhər sakini, əvvəllər məhkum olunmuş R.İsayevdən qanunsuz saxladığı “TOZ-16” markalı ov tüfəngi götürülüb.

Gəncə şəhəri Ş.İ.Xətai prospektində avtomat silah, 7 ədəd patron və 1 ədəd patron darağı tapılıb

20.06.2022

Gəncə ŞBPİ 2-ci PŞ-nin əməkdaşları tərəfindən Ş.İ.Xətai prospektində “AKM” markalı avtomat silah, 7 ədəd patron və 1 ədəd patron darağı tapılıb.

Şirvan şəhər sakini A.Əkbərovun evinə baxış zamanı oradan 980 qram heroin və elektron tərəzi aşkar edilərək götürülüb

20.06.2022

Şirvan ŞPŞ əməkdaşlarının keçirdikləri əməliyyat tədbirləri nəticəsində şəhər sakini, əvvəllər məhkum olunmuş A.Əkbərov saxlanılıb. Şəxsi axtarış zamanı ondan heroin götürülüb.Davam etdirilən tədbirlərlə onun evinə baxış zamanı oradan 980 qram heroin və elektron tərəzi aşkar edilərək götürülüb.

Daşkəsən rayonunun Qabaqtəpə kənd sakini Ə.İsmayılovdan qanunsuz saxladığı nömrəsi silinmiş ov tüfəngi götürülüb

20.06.2022

Daşkəsən RPŞ əməkdaşlarının keçirdikləri əməliyyat-axtarış tədbirləri nəticəsində Qabaqtəpə kənd sakini Ə.İsmayılovdan qanunsuz saxladığı nömrəsi silinmiş “İJ-18” markalı ov tüfəngi götürülüb.

Kultivasiya yolu ilə yetişdirilmiş 5 ədəd çətənə kolu və 1 kiloqram 390 qr marixuana aşkar edilərək götürülüb

20.06.2022

Ağdam RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Çəmənli kənd sakini, əvvəllər məhkum olunmuş A.Məmmədovun həyətindən kultivasiya yolu ilə yetişdirilmiş 5 ədəd çətənə kolu və 1 kiloqram 390 qr marixuana aşkar edilərək götürülüb.

Yabanı halda bitmiş 1 ton 240 kiloqram çəkidə 778 ədəd çətənə kolu aşkar edilərək məhv edilib

20.06.2022

Ağdaş RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Pirəzə kənd sakini Ş.Həsənova məxsus torpaq sahəsində yabanı halda bitmiş 1 ton 240 kiloqram çəkidə 778 ədəd çətənə kolu aşkar edilərək məhv edilib.