Şəmkir rayonunun Dəllər-Zəyəm mənzilindəki dəmir yolu keçidinin növbətçisini təhdid etməkdə və növbətçi otağına ziyan vurmaqda şübhəli bilinən A.Hüseynov saxlanılıb

31.05.2023

Mayın 31-də saat 00.30-da Şəmkir rayonunun Dəllər-Zəyəm mənzilində yerləşən tənzimlənən dəmir yolu keçidində fəaliyyət göstərən keçid növbətçisi naməlum şəxs tərəfindən təhdid edilib, daha sonra isə növbətçi otağına ziyan vurulub.NBPİ-nin Dəmir Yolu Nəqliyyatında Polis İdarəsinin əməkdaşları tərəfindən bu əməli törətməkdə şübhəli bilinən Şəmkir rayon sakini A.Hüseynov saxlanılıb. Araşdırma aparılır. 

Qaradağ rayonunun Ələt qəsəbəsindəki evlərin birindən qızıl-zinət əşyaları oğurlamaqda şübhəli bilinən C.Nurəliyev və T.Zairov saxlanılıblar

31.05.2023

Qaradağ RPİ 11-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Ələt qəsəbəsindəki evlərin birindən 5500 manat dəyərində qızıl-zinət əşyaları oğurlamaqda şübhəli bilinən Bakı şəhər sakinləri C.Nurəliyev və T.Zairov müəyyən olunaraq saxlanılıblar. Araşdırma aparılır. 

Bakı şəhər sakini olan bir nəfərin bank kartından pul oğurlamaqda şübhəli bilinən paytaxt sakini V.Qafarov saxlanılıb

31.05.2023

Sabunçu RPİ 14-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 25-də Bakı şəhər sakini olan bir nəfərin bank kartından hesabındakı 641 manatını oğurlamaqda şübhəli bilinən paytaxt sakini V.Qafarov müəyyən olunaraq saxlanılıb. Araşdırma aparılır. 

Nərimanov rayonunun Ə.Əliyev küçəsində yerləşən köşklərin birindən pul və tütün məmulatı oğurlamaqda şübhəli bilinən E.İsayev saxlanılıb

31.05.2023

Nərimanov RPİ 17-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 8-nə keçən gecə Ə.Əliyev küçəsində yerləşən köşklərin birindən 500 manat pul və 2500 manat dəyərində tütün məmulatı oğurlamaqda şübhəli bilinən Bakı şəhər sakini E.İsayev müəyyən olunaraq saxlanılıb. Araşdırma aparılır. 

Yasamal rayonunun Mətbuat prospektində bir nəfərə qarşı quldurluq etməkdə şübhəli bilinən Bakı şəhər sakini F.Kərimov saxlanılıb

31.05.2023

Mayın 29-da Yasamal rayonunun Mətbuat prospektində bir nəfərin qol nahiyəsinə bıçaqla xəsarət yetirilməklə 30 manatının talanması barədə polisə məlumat daxil olub. Yasamal RPİ 28-ci Polis Bölməsi əməkdaşlarının keçirdikləri əməliyyat tədbirləri ilə quldurluq əməlini törətməkdə şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş F.Kərimov müəyyən olunaraq saxlanılıb. Araşdırma aparılır. 

Abşeron rayonunun Məmmədli kənd sakini olan bir nəfərin bank kartından pulunu oğurlamaqda şübhəli bilinən Yevlax rayon sakini R.Mustafayev saxlanılıb

31.05.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 1-də Məmmədli kənd sakini olan bir nəfərin bank kartından hesabındakı pulunu oğurlamaqda şübhəli bilinən Yevlax rayon sakini Rüfət Mustafayev saxlanılıb. Araşdırmalarla onun Məmmədli kənd sakini olan daha bir nəfərə qarşı dələduzluq etməsi, Digah qəsəbə sakini olan digər şəxsin isə pulunu mənimsəməsi də müəyyən olunub. 

Tovuz rayonu ərazisində 4 evdən oğurluq etməkdə şübhəli bilinən rayon sakini M.Musayev saxlanılıb

31.05.2023

Tovuz Rayon Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində rayon ərazisində 4 evdən pul, qızıl-zinət əşyaları və bank kartları oğurlamaqda şübhəli bilinən Qaraxanlı kənd sakini M.Musayev saxlanılıb. Araşdırma aparılır. 

Şəmkir rayonunun Seyfəli kəndində xuliqanlıq zəminində ov tüfəngindən havaya atəş açan kənd sakini V.Mustafayevdən ov tüfəngi götürüblər

31.05.2023

Mayın 31-də saat 19 radələrində Şəmkir rayonunun Seyfəli kəndində odlu silahdan atəş açılması barədə polisə məlumat daxil olub.     Şəmkir Rayon Polis Şöbəsinin əməkdaşları tərəfindən aparılan araşdırmalarla kənd sakini V.Mustafayevin həmkəndlisi ilə mübahisə edib xuliqanlıq zəminində ov tüfəngindən havaya 1 dəfə atəş açması müəyyən edilib.  Polis əməkdaşları V.Mustafayevdən “İJ-16” markalı ov tüfəngi götürüblər. Araşdırma aparılır. 

Neftçala rayonunun Qaraqaşlı kənd sakini Ş.Baxışova məxsus həyətyanı sahədən çətənə kolları götürülüb

31.05.2023

Neftçala Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Qaraqaşlı kənd sakini, əvvəllər məhkum olunmuş Ş.Baxışova məxsus həyətyanı sahədən kultivasiya yolu ilə yetişdirilmiş 152 ədəd çətənə kolu aşkar olunaraq götürülüb.  

Xətai rayonunun G.Şıxlinski küçəsində “Honda” markalı avtomobillə yolu keçən paytaxt sakini T.Şirinov vurulub

31.05.2023

Mayın 31-də saat 6 radələrində Xətai rayonunun G.Şıxlinski küçəsində Bakı şəhər sakini E.Əliyev idarə etdiyi “Honda” markalı avtomobillə yolu keçən paytaxt sakini T.Şirinovu vurub. Nəticədə xəsarətlə xəstəxanaya yerləşdirilən piyada ölüb. Xətai Rayon Polis İdarəsində araşdırma aparılır.