Suraxanı rayonunun Hövsan qəsəbəsi ərazisində sərnişin qismində əyləşdiyi avtomobilin sürücüsünə qarşı quldurluq etməkdə şübhəli bilinən V.Əlizadə saxlanılıb

04.07.2022

Suraxanı RPİ-nin 30-cu Polis Şöbəsi əməkdaşlarının keçirdikləri əməliyyat tədbiri nəticəsində iyunun 16-da Hövsan qəsəbəsi ərazisində Bakı şəhər sakini M.Quliyevin idarə etdiyi “AzSamand” markalı avtomobilə sərnişin qismində əyləşərək bıçaqla onu hədələyib pulunu və mobil telefonunu quldurluq yolu ilə talamaqda şübhəli bilinən paytaxt sakini, əvvəllər məhkum olunmuş V.Əlizadə saxlanılıb. Araşdırma aparılır.

Ağdaş rayon sakini S.Əhmədovdan ov tüfəngi götürülüb

04.07.2022

Ağdaş RPŞ əməkdaşlarının keçirdikləri əməliyyat tədbiri nəticəsində Eymur kənd sakini S.Əhmədovdan qanunsuz saxladığı ov tüfəngi götürülüb.

Zəngilan və Ağsu rayonlarının ərazisində yabanı halda bitən çətənə kolları aşkar olunaraq məhv edilib

04.07.2022

“Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Zəngilan RPŞ və DSX-nin əməkdaşları tərəfindən Bürünlü kəndi ərazisindən 1,2 ton çəkidə 1713 ədəd, Ağsu RPŞ-nin əməkdaşları tərəfindən Dilman kəndi ərazisində 2 hektar sahədən 1 ton 130 kiloqram çəkidə 2700 ədəd yabanı halda bitən çətənə kolu aşkar olunaraq məhv edilib.

Qazax rayonunun Canallı kənd sakini A.Qocayevin həyətindən marixuana və çətənə kolları aşkar olunaraq götürülüb

04.07.2022

Qazax RPŞ əməkdaşlarının keçirdikləri əməliyyat tədbiri nəticəsində Canallı kənd sakini, əvvəllər məhkum olunmuş A.Qocayevin həyətinə baxış zamanı oradan 255 qram marixuana, kultivasiya yolu ilə yetişdirilən 30 ədəd və yabanı halda bitən 17 ədəd çətənə kolu aşkar olunaraq götürülüb.  

Ağcabədi rayonunun Sarıcalı kənd sakini E.Məmmədova məxsus atı tüfənglə öldürməkdə şübhəli bilinən kənd sakini E.Əliyev saxlanılıb

04.07.2022

Ağcabədi Rayon Polis Şöbəsinə iyulun 4-də Sarıcalı kənd sakini E.Məmmədova  məxsus atın kənd ərazisində tüfənglə öldürülməsi barədə məlumat daxil olub.Polis əməkdaşlarının keçirdikləri tədbirlər nəticəsində bu əməli törətməkdə şübhəli bilinən kənd sakini E.Əliyev müəyyən edilərək saxlanılıb. Ondan “Churchil” markalı ov tüfəngi götürülüb. Araşdırma aparılır.

Binəqədi rayonu Novxanı bağlar sahəsində “Lada Priora” və “QAZ-3110” markalı avtomobillər toqquşub

04.07.2022

İyulun 4-də saat 21 radələrində Binəqədi rayonu Novxanı bağlar sahəsində Yardımlı rayon sakini A.Kərimovun idarə etdiyi “Lada Priora” və Şirvan şəhər sakini Eyvaz Seyfullayevin idarə etdiyi “QAZ-3110” markalı avtomobillər toqquşub. Nəticədə E.Seyfullayev hadisə yerində ölüb, 2 sərnişini, habelə digər sürücü xəstəxanaya yerləşdiriliblər. Binəqədi Rayon Polis İdarəsində araşdırma aparılır.

Sabunçu rayonunun Kürdəxanı qəsəbəsi ərazisində “Ravon” markalı avtomobil yolun kənarında dayanmış “Mercedes” markalı avtomobilə çırpılıb

04.07.2022

İyulun 4-də saat 20 radələrində Sabunçu rayonunun Kürdəxanı qəsəbəsi ərazisində Yevlax rayon sakini R.Məmmədli idarə etdiyi “Ravon” markalı avtomobillə yolun kənarında dayanmış Bakı şəhər sakini E.Bünyətova məxsus “Mercedes” markalı avtomobili vurub. Nəticədə R.Məmmədlinin sərnişini Firuzə Zəkiyeva hadisə yerində ölüb, özünə xəstəxanada ilkin tibbi yardım göstərildikdən sonra buraxılıb. Sabunçu Rayon Polis İdarəsində araşdırma aparılır.

Nərimanov rayonu ərazisində “Toyota” markalı avtomobillə velosiped sürən paytaxt sakini R.Əlihəsənov vurulub

04.07.2022

İyulun 4-də saat 22 radələrində Nərimanov rayonu ərazisində Bakı şəhər sakini E.Qurbanlı idarə etdiyi “Toyota” markalı avtomobillə velosiped sürən paytaxt sakini Ramiz Əlihəsənovu vurub. Xəstəxanaya yerləşdirilən R.Əlihəsənov orada ölüb.Nərimanov Rayon Polis İdarəsində araşdırma aparılır.

Ağstafa rayonunun Dağkəsəmən kəndi ərazisində “Mercedes” markalı avtomobillə kənd sakini H.Musayev vurulub

04.07.2022

İyulun 5-də saat 1 radələrində Ağstafa rayonunun Dağkəsəmən kəndi ərazisində Qazax şəhər sakini E.Əhmədov idarə etdiyi “Mercedes” markalı avtomobillə yolu keçən kənd sakini Hayqaz Musayevi vurub və nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.

Sabirabad şəhəri ərazisində “Mercedes” markalı avtomobil yolun kənarındakı işıq dirəyinə çırpılıb

04.07.2022

İyulun 5-də saat 1 radələrində Sabirabad şəhəri ərazisində rayon sakini Rüfət Məmiyev idarə etdiyi “Mercedes” markalı avtomobili yolun kənarındakı işıq dirəyinə vurub. Nəticədə sürücü hadisə yerində ölüb, 2 sərnişini xəstəxanaya yerləşdirilib.Sabirabad Rayon Polis Şöbəsində araşdırma aparılır.