Sabunçu rayonunun Bakıxanov qəsəbəsi ərazisində bir avtomobilin sürücüsünə qarşı quldurluq əməlini törətməkdə şübhəli bilinən K.Əsgərov saxlanılıb

15.05.2023

Mayın 15-də saat 7 radələrində Sabunçu rayonunun Bakıxanov qəsəbəsi ərazisində “Toyota” markalı bir avtomobildə sərnişinin sürücünün başına yumruqla vuraraq saxlanc yerindəki 15 manat pulunu götürməsi və düşərək avtomobilə də ziyan vurması barədə polisə məlumat daxil olub. Sabunçu RPİ 13-cü Polis Bölməsi əməkdaşlarının keçirdikləri əməliyyat tədbiri ilə quldurluq əməlini törətməkdə şübhəli bilinən paytaxt sakini, əvvəllər məhkum olunmuş K.Əsgərov müəyyən olunaraq saxlanılıb. Sabunçu Rayon Polis İdarəsində araşdırma aparılır. 

Sabunçu rayonunun Maştağa qəsəbə sakini R.Sultanovun həyətindən çətənə kolları götürülüb

15.05.2023

Sabunçu RPİ 14-cü Polis Bölməsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Maştağa qəsəbə sakini R.Sultanovun həyətindən kultivasiya yolu ilə yetişdirilmiş 59 ədəd çətənə kolu aşkar olunaraq götürülüb. Araşdırma aparılır. 

Nizami rayonu ərazisində “Mercedes” markalı bir avtomobildən oğurluq etməkdə şübhəli bilinən İsmayıllı rayon sakini R.Məmmədov saxlanılıb

15.05.2023

Nizami RPİ 25-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 13-də rayon ərazisində “Mercedes” markalı bir avtomobildən cibində 910 manat pul olan gödəkcəni oğurlamaqda şübhəli bilinən İsmayıllı rayon sakini, əvvəllər məhkum olunmuş R.Məmmədov müəyyən olunaraq saxlanılıb. Araşdırma aparılır. 

Beyləqan rayonunun Milabad kənd sakini F.Ağayevdən qanunsuz saxladığı ov tüfəngi götürülüb

15.05.2023

Beyləqan Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri ilə Milabad kənd sakini F.Ağayevdən qanunsuz saxladığı “Bum” markalı ov tüfəngi götürülüb. 

Gədəbəy rayonunun Qoşabulaq kənd sakini F.Kazımovdan qanunsuz saxladığı ov tüfəngi və patron götürülüb

15.05.2023

Gədəbəy Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri ilə Qoşabulaq kənd sakini F.Kazımovdan qanunsuz saxladığı “TOZ” markalı ov tüfəngi və 1 ədəd patron götürülüb.

Şabran rayonunun Malyan adlanan ərazisindəki fermada çobanın itinə ov tüfəngi ilə atəş açmaqda şübhəli bilinən Z.Abdullayevdən qanunsuz saxladığı ov tüfəngi götürülüb

15.05.2023

Mayın 13-də Şabran rayonunun Malyan adlanan ərazisindəki fermaya gələn bir nəfərin orada işləyən çobanın itinə ov tüfəngi ilə atəş açması barədə polisə məlumat daxil olub. Şabran Rayon Polis Şöbəsinin əməkdaşları tərəfindən bu əməli törətməkdə şübhəli bilinən rayon sakini Z.Abdullayevdən qanunsuz saxladığı nömrəsi silinmiş “TOZ” markalı ov tüfəngi götürülüb. Araşdırma aparılır. 

Səbail rayonг ərazisində iki nəfərin cüzdanlarını oğurlamaqda şübhəli bilinən Şəmkir rayon sakini R.Hüseynov saxlanılıb

15.05.2023

Səbail RPİ 9-cu Polis Bölməsi əməkdaşlarının daxil olan məlumatlar əsasında keçirdikləri əməliyyat tədbiri ilə rayon ərazisində iki nəfərin içərisində pul, sənəd və  bank kartları olan cüzdanlarını oğurlamaqda şübhəli bilinən Şəmkir rayon sakini, əvvəllər məhkum olunmuş R.Hüseynov saxlanılıb.Araşdırmalarla onun Neftçilər prospektində yerləşən bir kafenin şüşəsini sındırması da müəyyən olunub. 

Sabunçuda aprelin 1-dən bü günə qədər keçirilən əməliyyatlar zamanı narkotiklərin qanunsuz dövriyyəsini təşkil edən və üzərində odlu silah saxlayan daha 92 nəfər saxlanılıb

15.05.2023

Sabunçu Rayon Polis İdarəsinin Narkotiklərlə Mübarizə Bölməsinin əməkdaşları tərəfindən aprel-may ayları ərzində də Bakıxanov, Balaxanı, Ramana, Zabrat, Bilgəh, Pirşağı Kürdəxanı, Maştağa qəsəbələri və digər ərazilərdə narkotiklərin qanunsuz dövriyyəsini həyata keçirən şəxslərə qarşı əməliyyatlar davam etdirilib. Əməliyyatlar zamanı narkotiklərin qanunsuz dövriyyəsi ilə məşğul olan daha 91 nəfər saxlanılıb.Araşdırma zamanı saxlanılanlardan bir neçəsinin narkotikləri İranda yaşayan narkotik vasitə satıcıları ilə əlaqə yaradaraq əldə etdikləri müəyyən edilib. Həmin şəxslərin üzərindən, yaşadıqları evlərdən 8 kiloqrama yaxın heroin, marixuana və psixotrop maddə olan metamfetamin aşkar edilib.Onların hər biri barəsində İdarənin İstintaq Şöbəsində Cinayət işləri başlanılıb. Sabunçu rayonu ərazisində narkotiklərin qanunsuz dövriyyəsi ilə məşğul olan digər şəxslərin də tutulmaları istiqamətində polis əməkdaşları tərəfindən mübarizə tədbirləri davam etdirilirQeyd edək ki, cari ilin əvvəlindən Sabunçu rayonunda polis əməkdaşlarının keçirdikləri əməliyyatlar zamanı ümumilikdə 43 kiloqram müxtəlif xassəli narkotik vasitə qanunsuz dövriyyədən çıxarılıb. Sabunçu Rayon Polis İdarəsinin əməkdaşları tərəfindən həyata keçirilən digər əməliyyat zamanı üzərində qanunsuz olaraq odlu silah saxlayan əvvəllər məhkum molunmuş Maştağa qəsəbəsi sakini Rafiq Bağırov da saxlanılılıb. Onun üzərindən 1 ədəd “Valter” markalı tapança, 2 ədəd patron və patron darağı aşkar olunub. Rafiq Bağıro odlu silahı bir neçə ay əvvəl əldə etdiyini, lakin polisə təhvil verməyərək özündə saxladığını bildirib. Qeyd edilən faktla bağlı arşadırmalar davam etdirilir.

Gün ərzində ölkə ərazisində qeydə alınan 44 cinayətin açılması təmin olunub

14.05.2023

Mayın 14-də ölkə ərazisində qeydə alınan 44 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 7,9 kiloqramdan artıq narkotik vasitə aşkar olunaraq götürülüb

14.05.2023

Polis əməkdaşlarının mayın 13-də və 14-də respublika ərazisində keçirdikləri əməliyyat tədbirləri nəticəsində ümumi çəkisi 7,9 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 2,6 kiloqrama yaxın heroin, 4,5 kiloqramdan çox marixuana, 440 qramdan çox tiryək, 400 qramdan artıq metamfetamin, 30 ədəd güclü təsiredici xassəyə malik həb və 71 ədəd çətənə kolu olub. Bu istiqamətdə qətiyyətli mübarizə tədbirləri davam etdirilir.