İsmayıllı rayon sakini E.İsgəndərovdan heroin, tiryək və metamfetamin aşkar olunaraq götürülüb

14.05.2023

Qəbələ Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində İsmayıllı rayon sakini, əvvəllər məhkum olunmuş E.İsgəndərovdan 651 qrama yaxın heroin, 403 qrama yaxın tiryək və 302 qramdan çox metamfetamin aşkar olunaraq götürülüb. Araşdırma aparılır. 

Yasamal rayonu ərazisində yerləşən qəbristanlıqda dəmir barmaqlıqları oğurlamaqda şübhəli bilinən Bakı şəhər sakini Ə.Bağırov saxlanılıb

14.05.2023

Yasamal rayonu ərazisində yerləşən qəbristanlıqda məzarların kənarından dəyəri 3000 manatdan çox olan dəmir barmaqlıqların oğurlanması barədə polisə məlumatlar daxil olub. Yasamal RPİ 28-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməllərini törətməkdə şübhəli bilinən Bakı şəhər sakini, əvvəllər məhkum olunmuş Ə.Bağırov müəyyən olunaraq saxlanılıb. Araşdırma aparılır.

Bakı şəhər sakini olan bir qadına qarşı quldurluq etməkdə şübhəli bilinən paytaxt sakini B.Məhiyəddinov saxlanılıb

14.05.2023

Nərimanov RPİ 17-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 14-də rayon ərazisində Bakı şəhər sakini olan bir qadını döyərək quldurluq yolu ilə ondan pul tələb etməkdə şübhəli bilinən paytaxt sakini, əvvəllər məhkum olunmuş B.Məhiyəddinov müəyyən olunaraq saxlanılıb. Nərimanov Rayon Polis İdarəsində araşdırma aparılır.

Xırdalan şəhəri ərazisindən “Opel” markalı avtomobili qaçırmaqda şübhəli bilinən Goranboy rayon sakini B.Səmədov Qaradağ rayonu ərazisində avtomobillə saxlanılıb

14.05.2023

Mayın 14-də Xırdalan şəhəri ərazisindən Bakı şəhər sakini V.Şahbazova məxsus “Opel” markalı avtomobilin qaçırılması barədə Abşeron Rayon Polis İdarəsinə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Goranboy rayon sakini, əvvəllər məhkum olunmuş B.Səmədov Qaradağ rayonu ərazisində avtomobillə saxlanılıb. Araşdırma aparılır. 

Lənkəran şəhəri ərazisindəki evlərin birindən pul oğurlamaqda şübhəli bilinən Lerik rayon sakini N.Məmmədov saxlanılıb

14.05.2023

Lənkəran Şəhər Rayon Polis Şöbəsi  əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisindəki evlərin birindən 3800 manat pul oğurlamaqda şübhəli bilinən Lerik rayon sakini N.Məmmədov müəyyən olunaraq saxlanılıb. Araşdırma aparılır.

Gün ərzində ölkə ərazisində qeydə alınan 91 cinayətin açılması təmin olunub

13.05.2023

Mayın 13-də ölkə ərazisində qeydə alınan 91, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.

Sabirabad rayonunun Ulacalı kənd sakinləri V.Mirzəyevin və A.Cəfərovun həyətindən çətənə kolları aşkar olunaraq götürülüb

13.05.2023

Sabirabad Rayon Polis Şöbəsi əməkdaşlarının əldə olunan məlumatlar əsasında keçirdikləri əməliyyat tədbirləri nəticəsində Ulacalı kənd sakinləri, əvvəllər məhkum olunmuş V.Mirzəyevin həyətindən 10 ədəd, A.Cəfərovun həyətindən isə 59 ədəd kultivasiya yolu ilə yetişdirilmiş çətənə kolları aşkar olunaraq götürülüb. Araşdırma aparılır.

Bərdə rayonunun Nazırlı kənd sakini C.Əhmədovun həyətindən çətənə kolları və marixuana aşkar olunaraq götürülüb

13.05.2023

Bərdə Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Nazırlı kənd sakini C.Əhmədovun həyətindən kultivasiya yolu ilə yetişdirilmiş 2 ədəd çətənə kolu və 725 qram marixuana aşkar olunaraq götürülüb. Araşdırma aparılır.

Göygöl rayonunun Quşqara kəndindəki evlərin birindən pul və qızıl-zinət əşyaları oğurlamaqda şübhəli bilinən A.Əliyev saxlanılıb

13.05.2023

Göygöl Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 10-da Quşqara kəndindəki evlərin birindən 2200 manat pul və  qızıl-zinət əşyaları oğurlamaqda şübhəli bilinən Gəncə şəhər sakini, əvvəllər məhkum olunmuş A.Əliyev müəyyən olunaraq saxlanılıb. Araşdırmalarla onun digər bir həyətdən 2 ədəd dəmir su çəni, 1 ədəd su qızdırıcısı oğurlaması da müəyyən olunub. 

Ağcabədi rayonunun Qaradolaq kəndi ərazisində “Mercedes”, “VAZ-2106” markalı avtomobillər və “Ural” markalı yük avtomobili toqquşub

13.05.2023

Mayın 13-də saat 13 radələrində Ağcabədi rayonunun Qaradolaq kəndi ərazisində O.Həsənovun idarə etdiyi “Mercedes”, A.Quliyevin idarə etdiyi “VAZ-2106” markalı avtomobillər və E.Əkbərovun idarə etdiyi “Ural” markalı yük avtomobili toqquşub. Nəticədə O.Həsənov və sərnişini olan həyat yoldaşı hadisə yerində ölüblər. Baş İstintaq və Təhqiqat İdarəsində araşdırma aparılır.