Gəncə şəhəri ərazisində “Khazar” və “Toyota” markalı avtomobillər toqquşub

26.05.2023

Mayın 26-da saat 22 radələrində Gəncə şəhəri ərazisində şəhər sakini Y.Ələkbərovun idarə etdiyi “Khazar” və Bakı şəhər sakini İ.Muxtarovun idarə etdiyi “Toyota” markalı avtomobillər toqquşub və nəticədə Y.Ələkbərov hadisə yerində ölüb.Gəncə Şəhər Baş Polis İdarəsində araşdırma aparılır.

Şərur rayonu ərazisində mopedlə “QAZ-3302” markalı avtomobil toqquşub

26.05.2023

Mayın 26-da saat 17 radələrində Şərur rayonu ərazisində rayon sakinləri A.Əliyevin idarə etdiyi mopedlə S.Nəzərlinin idarə etdiyi “QAZ-3302” markalı avtomobil toqquşub və nəticədə mopedçi hadisə yerində ölüb.Şərur Rayon Polis İdarəsində araşdırma aparılır.

Masallı rayonunun Banbaşı kəndi ərazisində “VAZ” markalı iki avtomobil toqquşub

26.05.2023

Mayın 26-da saat 11 radələrində Masallı rayonunun Banbaşı kəndi ərazisində rayon sakinləri M.Ağayevin və N.Eynullayevin idarə etdikləri “VAZ” markalı iki avtomobil toqquşub. Nəticədə M.Ağayev hadisə yerində ölüb, sərnişini və digər sürücü xəstəxanaya yerləşdiriliblər.Masallı Rayon Polis Şöbəsində araşdırma aparılır.

Binəqədi rayonunda narkotiklərin satışı ilə məşğul olan kişi və qadın saxlanılıb

26.05.2023

Binəqədi Rayon Polis İdarəsinin Cinayət Axtarışı Şöbəsinin əməkdaşları tərəfindən həyata keçirilən növbəti əməliyyatlar zamanı Biləcəri və ətraf ərazilərdə narkotiklərin qanunsuz dövriyyəsi ilə məşğul olan Şəmsiyə Manafova və Ramazan Cəfərov saxlanılıb. Onların üzərindən və yaşadıqları ünvanlardan 7 kiloqrama yaxın heroin və marixuana aşkar edilib. Saxlanılan şəxslər narkotik vasitələri sosial şəbəkələrdə tanış olduqları İran vətəndaşlarından onlayn yolla satmaq məqsədi ilə əldə etdiklərini və narkokuryerliyə cəlb olunduqlarını bildiriblərŞəmsiyə Manafova və Ramazan Cəfərov barəsində İdarənin İstintaq Şöbəsində Cinayət işi başlanılıb. Binəqədi rayonu ərazisində narkotiklərin qanunsuz dövriyyəsinin qarşısının alınması məqsədilə polis əməkdaşları tərəfindən mübarizə tədbirləri davam etdirilir.

Nərimanov rayonunda avtoxuliqanlıq hərəkətləri edən və polis əməkdaşlarına tabe olmayan sürücü həbs edilib

26.05.2023

Nərimanov rayonunda yol hərəkəti qaydalarını kobud şəkildə pozaraq avtoxuliqanlıq hərəkətləri edən sürücü saxlanılıb. Nərimanov Rayon Polis İdarəsinin Yol Polisi Şöbəsinin əməkdaşları tərəfindən keçirilən tədbir zamanı həmin “Chevrolet” markalı avtomobilin sürücüsü paytaxt sakini Rövşən Musayev qeyd edilən qayda pozuntusuna yol verdiyi üçün ona saxla işarəsi verilib. Sürücü hərəkətini davam etdirərək yol polislərinə tabe olmayıb. Görülən tədbirlər nəticəsində sürücü saxlanılıb. Onun barəsində İnzibati Xətalar Məcəlləsinin müvafiq maddəsi ilə protokol tərtib edilib və baxılması üçün məhkəməyə göndərilib. Nərimanov Rayon Məhkəmənin qərarı ilə sürücü Rövşən Musayev 10 sutka inzibati qaydada həbs edilib. Araşdırmalar davam etdirilir.

Sumqayıtda Psixiatriya Xəstəxanasından dəyəri 46 min manat olan kompüter avadanlıqları və tibbi ləzvazimatlar oğurlayan şəxslər saxlanılıblar

26.05.2023

Sumqayıt şəhərində yerləşən Psixiatriya Xəstəxanasından oğurluq edilib. Naməlum şəxs və ya şəxslər 15-16 may tarixləri arasında xəstəxananın pəncərəsinin dəmir barmaqlıqlarını qıraraq içəridən ümumi dəyəri 46 min manat olan kompüter avadanlıqları, yaddaş qurğuları, tibbi ləvazimatlar və digər elektron avadanlıqlar oğurlayıblar. Xəstəxanadan daxil olan məlumat əsasında dərhal Sumqayıt Şəhər Polis İdarəsində araşdırmalara başlanılıb. Hadisə yerinə baxış keçirilib müvafiq istinaq hərərkətləri icra edilib. Sumqayıt Şəhər Polis İdarəsinin əməkdaşları tərəfindən həyata keçirilən əməliyyat-axtarış tədbiri nəticəsində hadisəni törətməkdə şübhəli bilinən şəhər sakinləri Ziyəddin Qəmbərov və Azər Qasımov qısa müddətdə saxlanılaraq istintaqa təqdim olunublar. Hər iki şəxs ifadələrində etdikləri oğurluq hadisəsini etiraf ediblər. Qeyd edək ki, xəstəxanadan oğurlanan avadanlıqların bir qismi saxlanılan şəxslərdən aşkar olunaraq maddi sübut kimi götürülüb. Faktla bağlı Sumqayıt Şəhər Polis İdarəsinin İstintaq Şöbəsində Cinayət Məcəlləsinin 177.2.3 (oğurluq, yaşayış sahəsinə, habelə binaya, anbara və ya başqa saxlanc yerlərinə qanunsuz daxil olmaqla törədildikdə) maddəsi ilə cinayət işinin ibtidai istintaqına başlanılıb.  Ziyəddin Qəmbərov və Azər Qasımov təqsirləndirilən şəxs qismində cəlb edilməklə barələrində məhkəmənin qərarı ilə həbs qətimkan tədbiri seçilib. Hazırda cinayət işi üzrə zəruri istintaq tədbirləri davam etdirilir.Bu şəxslərin qanunsuz əməllərindən zərərçəkən digər vətəndaşlar varsa, Sumqayıt Şəhər Polis İdarəsinə, "102" Xidməti-Zəng Mərkəzinə və ya DİN-in sosial şəbəkələrdəki rəsmi səhifələrinə müraciət edə bilərlər.

Gün ərzində ölkə ərazisində qeydə alınan 70 cinayətin açılması təmin olunub

25.05.2023

Mayın 25-də ölkə ərazisində qeydə alınan 70, əvvəlki dövrlərdən bağlı qalan 20 cinayətin açılması daxili işlər orqanlarının əməkdaşları tərəfindən təmin olunub.

Abşeron rayonunun Novxanı kəndi ərazisindəki mağazaların birindən oğurluq etməkdə şübhəli bilinən Qazax rayon sakini R.Məmmədov saxlanılıb

25.05.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Novxanı kəndi ərazisindəki mağazaların birindən pul və 500 manat dəyərində tütün məmulatı oğurlamaqda  şübhəli bilinən Qazax rayon sakini, əvvəllər məhkum olunmuş R.Məmmədov saxlanılıb. Araşdırma aparılır. 

Masallı rayonu ərazisində 4 həyətyanı sahədən ümumilikdə 11 baş qoyun oğurlamaqda şübhəli bilinən Ş.Ağayev saxlanılıb

25.05.2023

Masallı Rayon Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində rayon ərazisində 4 həyətyanı sahədən ümumilikdə 11 baş qoyun oğurlamaqda şübhəli bilinən Çaxırlı kənd sakini Ş.Ağayev saxlanılıb. Araşdırma aparılır. 

Biləsuvar rayonu ərazisində saxlanılan Bakı şəhər sakini S.Səfərovdan narkotik vasitələr aşkar olunaraq götürülüb

25.05.2023

Biləsuvar Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini S.Səfərovdan 1 kiloqram 365 qram heroin, 152 qrama yaxın metamfetamin, 535 qram tiryək və 67 qrama yaxın marixuana aşkar olunaraq götürülüb.