Yasamal rayonunun Mətbuat prospektində bir nəfərə qarşı quldurluq etməkdə şübhəli bilinən Bakı şəhər sakini F.Kərimov saxlanılıb

31.05.2023

Mayın 29-da Yasamal rayonunun Mətbuat prospektində bir nəfərin qol nahiyəsinə bıçaqla xəsarət yetirilməklə 30 manatının talanması barədə polisə məlumat daxil olub. Yasamal RPİ 28-ci Polis Bölməsi əməkdaşlarının keçirdikləri əməliyyat tədbirləri ilə quldurluq əməlini törətməkdə şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş F.Kərimov müəyyən olunaraq saxlanılıb. Araşdırma aparılır. 

Abşeron rayonunun Məmmədli kənd sakini olan bir nəfərin bank kartından pulunu oğurlamaqda şübhəli bilinən Yevlax rayon sakini R.Mustafayev saxlanılıb

31.05.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 1-də Məmmədli kənd sakini olan bir nəfərin bank kartından hesabındakı pulunu oğurlamaqda şübhəli bilinən Yevlax rayon sakini Rüfət Mustafayev saxlanılıb. Araşdırmalarla onun Məmmədli kənd sakini olan daha bir nəfərə qarşı dələduzluq etməsi, Digah qəsəbə sakini olan digər şəxsin isə pulunu mənimsəməsi də müəyyən olunub. 

Tovuz rayonu ərazisində 4 evdən oğurluq etməkdə şübhəli bilinən rayon sakini M.Musayev saxlanılıb

31.05.2023

Tovuz Rayon Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində rayon ərazisində 4 evdən pul, qızıl-zinət əşyaları və bank kartları oğurlamaqda şübhəli bilinən Qaraxanlı kənd sakini M.Musayev saxlanılıb. Araşdırma aparılır. 

Şəmkir rayonunun Seyfəli kəndində xuliqanlıq zəminində ov tüfəngindən havaya atəş açan kənd sakini V.Mustafayevdən ov tüfəngi götürüblər

31.05.2023

Mayın 31-də saat 19 radələrində Şəmkir rayonunun Seyfəli kəndində odlu silahdan atəş açılması barədə polisə məlumat daxil olub.     Şəmkir Rayon Polis Şöbəsinin əməkdaşları tərəfindən aparılan araşdırmalarla kənd sakini V.Mustafayevin həmkəndlisi ilə mübahisə edib xuliqanlıq zəminində ov tüfəngindən havaya 1 dəfə atəş açması müəyyən edilib.  Polis əməkdaşları V.Mustafayevdən “İJ-16” markalı ov tüfəngi götürüblər. Araşdırma aparılır. 

Neftçala rayonunun Qaraqaşlı kənd sakini Ş.Baxışova məxsus həyətyanı sahədən çətənə kolları götürülüb

31.05.2023

Neftçala Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Qaraqaşlı kənd sakini, əvvəllər məhkum olunmuş Ş.Baxışova məxsus həyətyanı sahədən kultivasiya yolu ilə yetişdirilmiş 152 ədəd çətənə kolu aşkar olunaraq götürülüb.  

Xətai rayonunun G.Şıxlinski küçəsində “Honda” markalı avtomobillə yolu keçən paytaxt sakini T.Şirinov vurulub

31.05.2023

Mayın 31-də saat 6 radələrində Xətai rayonunun G.Şıxlinski küçəsində Bakı şəhər sakini E.Əliyev idarə etdiyi “Honda” markalı avtomobillə yolu keçən paytaxt sakini T.Şirinovu vurub. Nəticədə xəsarətlə xəstəxanaya yerləşdirilən piyada ölüb. Xətai Rayon Polis İdarəsində araşdırma aparılır.

DİN Baş Narkotiklərlə Mübarizə İdarəsinin növbəti əməliyyatı zamanı İrandan 50 kiloqram narkotik vasitə gətirən daha bir nəfər saxlanılıb

31.05.2023

İran İslam Respublikasından qaçaqmalçılıq yolu ilə göndərilən külli mqidarda narkotik vasitənin qanunsuz dövriyyəyə buraxılmasının qarşısı polis əməkdşaları tərəfindən növbəti dəfə uğurla alınıb. Daxili İşlər Nazirliyi Baş Narkotiklərlə Mübarizə İdarəsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində Abşeron rayon sakini Namiq Məmmədov narkotiklərin qanunsuz dövriyyəsini təşkil etdiyi üçün saxlanılıb. Onun avtomobilinə və üzərinə baxış zamanı 50 kiloqram, o cümlədən 28 kiloqram heroin və 22 kiloqram pixotrop naddə metamfetamin aşkar edilərək götürülüb. Namiq Məmmədov narkotik vasitələri İran vətəndaşı, şəxsiyyəti istintaqla araşdırılan “Hadı” adı tanışının vasitəsilə Qaradağ rayonunda gizlədilən yerdən paytaxt ərazisində müxtəlif ünvanlara çatdırıb pul qazanmaq məqsədilə əldə etdiyini bildirib.Faktla bağlı Cinayət Məcəlləsinin müvafiq maddəsi ilə cinayət işi başlanılıb, Namiq Məmmədov barəsində həbs qətimkan tədbiri seçilib, əməliyyat tədbirləri davam etdirilir.Sonuncu əməliyyat zamanı İranda yaşayan və milli genefondumuzun məhv edilməsi üçün narkotikləri qaçaqmalçılıq yolu ilə ölkəyə göndərməyə çalışan narkotacirlərin daxildəki dayaqlarına daha bir zərbə endirilib. 

Gün ərzində ölkə ərazisində qeydə alınan 54 cinayətin açılması təmin olunub

30.05.2023

Mayın 30-da ölkə ərazisində qeydə alınan 54, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.

Binəqədi rayonu ərazisində bir qadına qarşı soyğunçuluq etməkdə şübhəli bilinən Qusar rayon sakini N.Ramazanov saxlanılıb, daha 2 nəfər isə müəyyən olunub

30.05.2023

Bakı Şəhər Baş Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Binəqədi rayonu ərazisində bir qadının içərisində bank, gediş kartları və mobil telefonu olan çantasını soyğunçuluq yolu ilə talamaqda şübhəli bilinən Qusar rayon sakini, əvvəllər məhkum olunmuş N.Ramazanov saxlanılıb, daha 2 nəfəri isə müəyyən olunub. Araşdırma aparılır. 

Gəncə şəhər sakini olan bir nəfərin cüzdanını oğurlamaqda şübhəli bilinən Bakı şəhər sakini İ.Azayev saxlanılıb

30.05.2023

Yasamal RPİ 28-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində mayın 24-də Gəncə şəhər sakini olan bir nəfərin içərisində 1028 manatı, bank kartları, sənəd və əşyaları olan cüzdanını oğurlamaqda şübhəli bilinən Bakı şəhər sakini, əvvəllər məhkum olunmuş İ.Azayev müəyyən olunaraq saxlanılıb. Araşdırma aparılır.