Bakı şəhər sakini olan bir nəfərin mobil telefonunu soyğunçuluq yolu ilə talamaqda şübhəli bilinən şəxslər saxlanılıblar

04.06.2023

Binəqədi RPİ-nin 5-ci Polis Bölməsinə mayın 25-də gecə saatlarında Bakı şəhər sakini olan bir nəfərin mobil telefonunun soyğunçuluq yolu ilə talanması barədə məlumat daxil olub. Polis əməkdaşlarının keçirdikləri əməliyyat tədbiri nəticəsində soyğunçuluq əməlini törətməkdə şübhəli bilinən Şərur rayon sakinləri N.Ələkbərov və Ü.Məhərrəmov müəyyən olunaraq saxlanılıblar. Araşdırma aparılır.  

Bakı Beynəlxalq Avtovağzal Kompleksinin qarşısında bir nəfərin çantasından pulunu oğurlamaqda şübhəli bilinən Tovuz rayon sakini E.Namazov saxlanılıb

04.06.2023

Mayın 31-də Bakı Beynəlxalq Avtovağzal Kompleksinin qarşısında Bakı şəhər sakini olan bir nəfərin çantasından 500 manat və 4000 ABŞ dollarının qeyri-aşkar şəraitdə oğurlanması barədə polisə məlumat daxil olub. Binəqədi RPİ 40-cı Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Tovuz rayon sakini E.Namazov müəyyən olunaraq saxlanılıb. Araşdırma aparılır. 

Qaradağ rayonunun Qobustan qəsəbəsi ərazisində “Ford” markalı avtomobillə qəsəbə sakini N.Səlimova vurulub

04.06.2023

İyunun 4-də saat 17 radələrində Qaradağ rayonunun Qobustan qəsəbəsi ərazisində Qax rayon sakini M.Mustafayev idarə etdiyi “Ford” markalı avtomobillə yolu keçən qəsəbə sakini N.Səlimovanı vurub və nəticədə piyada hadisə yerində ölüb.Baş İstintaq və Təhqiqat İdarəsində araşdırma aparılır. 

Abşeron rayonunun Qobu qəsəbə sakini Q.Mahmudov idarə etdiyi avtomobillə qonşusu olan azyaşlını vurub

04.06.2023

İyunun 4-də saat 20 radələrində Abşeron rayonunun Qobu qəsəbə sakini Q.Mahmudov yaşadığı evin qarşısında “Honda” markalı avtomobili arxaya idarə edərkən qonşusu olan azyaşlı A.Rəhimovu vurub. Nəticədə xəsarətlə xəstəxanaya yerləşdirilən uşaq ölüb.Abşeron Rayon Polis İdarəsində araşdırma aparılır.

Goranboy rayonunun Boluslu kəndi ərazisində “Mercedes” markalı avtomobillə kənd sakini N.Bəylərov vurulub

04.06.2023

İyunun 5-də saat 2 radələrində Goranboy rayonunun Boluslu kəndi ərazisində Naftalan şəhər sakini N.Qurbanov idarə etdiyi “Mercedes” markalı avtomobillə yolu keçən kənd sakini N.Bəylərovu vurub və nəticədə piyada hadisə yerində ölüb.Goranboy Rayon Polis Şöbəsində araşdırma aparılır.

Gün ərzində ölkə ərazisində qeydə alınan 44 cinayətin açılması təmin olunub

03.06.2023

İyunun 3-də ölkə ərazisində qeydə alınan 44, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Ucar rayonunda münaqişə zəminində bıçaqla R.İlyaszadəyə xəsarət yetirməkdə və K.Əliyevanı qəsdən öldürməkdə şübhəli bilinən rayon sakini A.Əliyev saxlanılaraq istintaqa təhvil verilib

03.06.2023

İyunun 3-də saat 17 radələrində Ucar rayon sakini R.İlyaszadənin xəsarət alması və K.Əliyevanın ölməsi barədə Ucar Rayon Polis Şöbəsinə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla rayon sakini A.Əliyevin münaqişə zəminində bıçaqla R.İlyaszadəyə xəsarət yetirməsi, daha sonra  yaşadığı evə gələrək həyat yoldaşı K.Əliyevaya kəsici-deşici alətlə xəsarətlər yetirərək qəsdən öldürməsinə əsaslı şübhələr müəyyən edilib.R.İlyaszadə xəstəxanaya yerləşdirilib.A.Əliyev polis əməkdaşları tərəfindən saxlanılaraq istintaqa təhvil verilib.Faktla bağlı cinayət işi başlanılıb.

Saatlı şəhər sakini E.İsmayılovu qəsdən öldürməkdə şübhəli bilinən K.Nərimanzadə saxlanılaraq istintaqa təhvil verilib

03.06.2023

İyunun 4-də saat 1 radələrində E.İsmayılovun Saatlı şəhərində yaşadığı evdə ölməsi barədə Saatlı Rayon Polis Şöbəsinə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla K.Nərimanzadənin E.İsmayılova kəsici-deşici alətlə xəsarətlər yetirərək qəsdən öldürməsinə əsaslı şübhələr müəyyən edilib.K.Nərimanzadə polis əməkdaşları tərəfindən saxlanılaraq istintaqa təhvil verilib.Faktla bağlı cinayət işi başlanılıb.

Xaçmaz rayonunun Ləcət dəmir yolu stansiyası ərazisində yük qatarından oğurluq etməkdə şübhəli bilinən Xaçmaz rayon sakini S.Atamanenko saxlanılıb

03.06.2023

Xaçmaz rayonunun Ləcət dəmir yolu stansiyası ərazisində yük qatarının vaqonlarından birində içərisində şirkətlərdən birinə məxsus avtomobil ehtiyat hissələri və mühərrik yağları olan konteynerin qapısının plombsuz və açıq olmasının aşkar edilməsi barədə polisə məlumat daxil olub. Nəqliyyatda Baş Polis İdarəsinin əməkdaşları tərəfindən müvafiq araşdırmalar aparılıb və oradan 30 ədəd yağ filtirinin, 20 ədəd yağ qutularının oğurlanması məlum olub.Polis əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən Xaçmaz rayon sakini S.Atamanenko müəyyən olunaraq saxlanılıb. Araşdırma aparılır. 

Pirallahı rayonunun Gürgan qəsəbəsindəki evlərin birindən pul və qızıl-zinət əşyaları oğurlamaqda şübhəli bilinən şəxslər saxlanılıblar

03.06.2023

Pirallahı Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 2-də Gürgan qəsəbəsindəki evlərin birindən 450 manat pul və 10.000 manat dəyərində qızıl-zinət əşyaları oğurlamaqda şübhəli bilinən Bakı şəhər sakinləri K.Əliyev, N.Bayramlı və M.İsmayılov müəyyən olunaraq saxlanılıblar. Araşdırma aparılır.